Valamuli 17:4 - Tshwa Bible

⁴ Laha Mika a nga wa tlhelisile a mali leyo ka nyine wakwe, a nyine i lo teka 200 wa maxekeli a nyika mufuli wa nyunzu a vatla xifananiso xinwe, a wumba xinwani, zi vekiwa lomu ndlwini ya Mika.

Valamuli 17:4 Mawu Ofanana

Isaya 30:22

Zonake mu ta nyenyezisa a siliva leyi yi nameketilweko zifananisweni za nwina, ni nzalama leyi yi nameketilweko zifananisweni mu ta yi hoxa kota zilo za chaka, muku: Suka!

Isaya 44:13

A muvatli wa tshambuluta a lipimo lakwe, a tsala minzhati hi lapis, a vatla hi xihloka, a pima hi lipimo; lezo a maha xifananiso xa munhu, a xiwumbeko xo saseka xa munhu, kasi a fela ku xi veka lomu ndlwini.

Habakuka 2:18

Xi vuna yini a xifananiso lezi a muvatli wa xona a xi vatlileko; ni xifananiso xi chululweko, lexi xi gonzisako mawunwa, lezi a mumahi wa xona a xi tsumbako, lezaku a zi maha na zi hi timbeveve ke?

Deuteronome 27:15

Khombo a give ka munhu loyi a mahako xifananiso xi vatlilweko, hambu lexi xi nyekisilweko, xi nga manyala ka Jehova, a ntiro wa mandla ya vanhu, a xi yimisa wutshanwini gi fihleleko! A vanhu vontlhe va ta hlamula, vaku: Amen!

Valamuli 17:3

Laha a nga wa tlhelisile a maxekeli lawo ya 1,100 ka nyine wakwe, a nyine aku: Hizinene nza nyikela ka Jehova a siliva leyo, kasi a nʼwana wa mina a fela ku mu vatlela a xifananiso xinwe, a wumbelwa xinwani. Hikwalaho nza yi tlhelisa ka wena.

Valamuli 17:5

Hilezo inaloyi Mika i wa hi ni yindlu ya vanungungulu. I lo ti mahela a efode, ni terafime, a hlawula a munwe wa vafana vakwe a mu maha mupristi wakwe. Gen. 31:19; 1 Sam. 19:13

Valamuli 18:17

A ntlhanu wa vavanuna lava va nga wa yile ku ya hlola tiko, va lo kanziha lomu ndlwini va ya teka a xifananiso xi vatlilweko, ni efode, ni terafime, ni xifananiso xi wumbilweko; a mupristi yena i wa yimile laha nyangweni ni 600 wa vavanuna lava va hlomileko.