Valamuli 16:4 - Tshwa Bible

⁴ Anzhako ka lezo i lo ranzana ni munwani wasati loyi a nga wa hi le minzhelelweni ya Soreka, a vito gakwe a nga hi Delila.

Valamuli 16:4 Mawu Ofanana

1 Tihosi 11:1

Makunu hosi Solomoni i lo ranza vavasati vo tala va manwani matiko zinwe na nwaFaro; a vavasati va maMoabi, ni va maAmoni, ni va maEdomi, ni va maSidoni, ni va maHiti;

Nehemia 13:26

A hi zalezi zi nga onhisa Solomoni hosi ya ka Israeli ke? Kasi ku wa nga hi na hosi yo kota yena xikari ka matiko wontihe; i wa ranziwa hi Nungungulu, a mu wumbela kuva hosi ya gontlhe Israeli. Ahembaloko, a vavasati va matiko va lo mu onhisa. 2 Sam. 12:24; 1 Tih. 3:13; 2 Kro. 1:12

Mavingu 22:14

A milomu ya vavasati va matiko i rinzi ga kueta; oyi a nyenyiwako hi Jehova i ta wela lomo.

Mavingu 23:27

Hakuva a xibhayi xi hi rinzi gi etileko; i xirembi i geva gi hlongileko.

Mavingu 26:11

Khwatsi hi mbyana yi tlhelako yiga mahlata ya yona, inghaho ni xipumbu xi tlhelelako wupumbyini ga xona.

Mavingu 27:22

Hambu loku u wa ta kanza a xipumbu lomu churini, kanza hi musi u patsa ni mavele lawa ma gayiwako, ima a wupumbu gakwe gi nga ta huma.

1 Va le Korinte 10:6

Lezi zilo za hi laya lezaku kasi hi nga naveli a zilo za kubiha, kota lezi vona va nga navela.

Valamuli 16:3

Kanilezi Samsoni i lo etlela kala xikari ka wusiku. Zonake i lo vuka a tlemerela a tivati ta nyangwa ya muti ni timhanze ta kona ta timbiri, a ti simula ni tivati ta kona, a zi rwala makatleni yakwe a zi yisa le hehla ka xitsunga lexi xi cuwukeneko ni Hebroni.

Valamuli 16:5

Zonake a tihosi ta maFilistia ti lota kakwe ti taku: Mu xengetele, kasi u fela ku tiva laha wu tshamileko kona a ntamu wakwe wa hombe ni laha hi ta nga zi kota ku mu hlula ha kona, kasi hi fela ku mu boha hi mu tshekulela. Munwe ni munwani wa hina i ta ku nyika 1,100 wa maxekeli ya Siliva.