Valamuli 15:14 - Tshwa Bible

¹⁴ Laha a nga chikela le Lehi, a maFilistia ma lo mu hlalela na va mu khinga. A Moya wa Jehova wu lota hi ntamu ka yena, a magota lawa ma nga wa mu bohile mawoko ma lo khwatsi tihinza la wuluva li hiswako hi nzilo, ni ziboho za mawoko yakwe zi lowa.

Valamuli 15:14 Mawu Ofanana

Joba 20:5

A kukhana ka vakubiha ku komile, Ni kutsaka ka mukhohlisi ka xikhatanyana ke?

Tisimu 118:11

Yona yi nzi ranzele, futsi yi nzi ranzele; Nzi ta yi lovisa vitweni ga Jehova.

Tisimu 18:34

Wa gonzisa a mandla ya mina a kulwa, Kasi a mawoko ya mina ma zi kota ku kondla a wura ga suku.

Eksodusi 14:3

kasi Faro a fela ku wula hi vanana va ka Israeli, aku: Va khweketa lomu xikari ka khwati, ni xiwula xi va tsangile.

Eksodusi 14:5

Laha a hosi ya Gipite yi nga wa byelilwe lezaku a vanhu va tsutsumile, a mbilu ya Faro ni timbilu ta malanza yakwe ti lo hunzulukela a vanhu, vaku: Hi mahele yini a ku tlhatlha va ka Israeli va famba, va nga hi tireli ke?

Mika 7:8

Nala wanga, u nga tsakeli a khombo ga mina! Hambu loku nziwa, nzi ta tlhela nzi vuka; loku nzi tshamile munyameni, Jehova i tava kuwonekela ka mina.

Zakaria 4:6

Yi lo hlamula yiku ka mina: A mhaka ya Jehova ka Zerubabeli hi leyi yaku; Zi nga ta mahiwa hi yimpi hambu hi ntamu, kanilezi hi Moya wa mina, ku wula Jehova wa tiyimpi.

Va le Filipi 4:3

Ina, nza ku khongotela na wenawu xitiri-kulori, vunetela a vavasati lava, hakuva va tirile na mina ivangelini, zinwe na Klemente, ni zinwani zitiri-kulori, lava a mavito yabye ma tsalilweko bhukwini ga wutomi. Rom. 16:3; Ekso. 32:32; Lu. 10:20; Xip. 1:27

Valamuli 14:19

A Moya wa Jehova wu lota ka yena. I lo relela aya le Axkeloni, a ya daya 30 wa vanhu; a phanga tinguwo tabye a ta nyika lava va nga lanzula liteketelo lakwe. I lo zangara nguvu, a tlhela aya ka raru wakwe.

Valamuli 14:6

Zonake a Moya wa Jehova wu lota ka yena hi ntamu. I lo pfhemula a nghala khwatsi hi loku a pfhemula a ximhutana, na nga hi na nchumu mandleni yakwe. Kanilezi a nga byelangi raru ni nyine wakwe lezi a zi mahileko.

Valamuli 15:13

Vona va ku ngalo kakwe: Ahihi; hina hi ta ku boha ntsena, hi ku nyikela kabye; cima hi nga ta ku daya. Va lo mu boha hi magota mambiri ya maswa, va huma naye lomu ribyeni.

Valamuli 15:9

Zonake a maFilistia ma lo kanziha ma ya gova tikweni ga ka Juda, va tlhatlhasa lomu Lehi.

Valamuli 16:12

Delila i lo teka magota ya maswa a mu boha ha wona, aku kakwe: Samsoni, hi lawa maFilistia. A valaveleli va wa hi lomu ndlwini. I lo bhewula magota lawo ma nga bohile mawoko yakwe, khwatsi lihinza.

Valamuli 16:24

Laha a vanhu va nga mu wona, va lo dumisa nungungulu wabye, vaku: Nungungulu wa hina i nyikile a nala wa hina mandleni ya hina, loyi a nga wa xakela a tiko ga hina, loyi a hlaseleko a vanhu va ka hina.

Valamuli 16:9

Ku wa hi ni vavanuna va nga wa fihlele lomu ndlwini. Delila aku ka Samsoni; Ehe! Samsoni, hi lawa maFilistia. Samsoni i lo bhewula tisinga leto, khwatsi lihinza la xikwenga loku li khumbiwa hi nzilo. Zinghaho a ntamu wakwe a wu tibyiwangi laha wu nga hi kona.

Valamuli 3:10

A Moya wa Jehova wu lota hehla kakwe, a maha mulamuli wa Israeli. I lo hlomisa yimpi, Jehova a nyikela Kuxani-Rixataime a hosi ya Mesopotamia canjeni gakwe. A canja gakwe gi lo khozisa Kuxani-Rixataime.

Valamuli 5:30

Ina hambu vona a va lo kuma muphango va avelana? A wanuna munwe ni munwani a nga nyikwangi a nhwana kutani vanhwana vambiri ke? Sisera a ngava a nyikilwe tinguwo ta mivala yi hambeneko, A muphango wa tinguwo ta mavalavala ti komelweko, A tinguwo ta mivala yi lukelweko matlhelo mambiri, to bombisa a nhamu ya muhluli.

1 Samueli 10:10

Laha va nga wa chikele le Gibea, a ntlawa wa vaprofeti wu lo tlhangana naye, zonake a Moya wa Nungungulu wu lo enghena kakwe hi ntamu, yena i lo profeta xikari kabye.

1 Samueli 10:6

A Moya wa Jehova wu ta enghena ka wena hi ntamu, u ta profeta zinwe navo, u ta hunzuluswa u maha munwani munhu.

1 Samueli 11:6

Laha a nga wa zwile timhaka leto, a Moya wa Nungungulu wu lo ta enghena ka yena hi ntamu, a zanga yakwe yi vindlukiswa nguvu.

1 Samueli 17:35

mina nzi lo yi tsutsumisa, nzi yi hlahlanha, nzi namuruta xifuyo lomu nonwini wa yona. Makunu laha yi nga nzi vukela, nzi la su yi khoma hi tihlaya nzi yi khehesela, nzi yi daya.

1 Samueli 4:5

Laha a arke ga xivumelwano xa Jehova gi nga wa chikele lomu wugovelweni, a vontlhe vaIsraeli va lo hlalela hi guwa ga hombe ga kutsaka laha kaku ni misava yi tsekatseka.