Valamuli 14:17 - Tshwa Bible

¹⁷ Kanilezi a sati wakwe i lo mu rilela, ntlhanu wa masiku ni mambiri ya mubuzo wabye. Hi legi ga wuntlhanu ni mambiri, i lo mu tlhamusela, hakuva i lo mu kurumeta. Zonake yena i lo ya tlhamusela liteketelo lelo ka va ka kabye.

Valamuli 14:17 Mawu Ofanana

Genesisi 3:6

A wasati na a wona a sinya lezaku yi sasekile akuva yi giwa, ni ku naveleka kucuwukekeni, ni lezaku a sinya ya naveleka ku tlharihisa, i lo khaya a mihanzu ya kona a yiga, yena i lo ya nyika ni nuna wakwe kambe, yenawu i loga. 2 Kor. 11:3; 1 Tim. 2:14

Joba 2:9

Zonake a sati wakwe aku kakwe; Wa ha simamisile kululameni ka wena ke? Rukatela Nungungulu, ufa!

Mavingu 7:21

Lezo wa mu kanganyisa hi timhaka takwe to tala, i milomu yakwe yo xengetela wa mu kurumeta.

Jeremia 9:3

Va kondla lirimi labye ku fanana ni wura kasi ku hemba mawunwa, Va na ni ntamu tikweni, kanilezi a va wu tirisi ku maha zinene, Hakuva vaya mahlweni hi kubiha ni kubiha, A va nzi tivi, ku wula Jehova.

Mika 7:5

Mu nga tsumbeni vanghana, mu nga veki kutsumba ka nwina ka maxaka. Valele loyi a etleleko xifuveni xa wena a tinyangwa ta nomu wa wena.

Luka 11:8

Nziku ka nwina; Hambu a wa nga ta zi ranza ku vuka a mu nyika, hilezi a nga xaka gakwe, kanilezi hi kota yo kurumeta kakwe, i ta vuka a ta mu nyika zontlhe lezi a zi lavako. Xip. 18:1

Valamuli 14:16

Kata Samsoni i lo rila mahlweni kakwe, aku: Hizinene wa nzi ala; a ku nzi ranzi. U wulile a liteketelo ka va ka hina, kanilezi mina a ku nzi byelangi tlhamuselo wa lona! Samsoni aku kakwe: Hambu dadani na mamani a nzi va tlhamuselangi. Nzi nga ku tlhamusela wena ke?

Valamuli 14:18

Na gi nga se pela a siku ga wuntlhanu ni mambiri, a vanhu va muti va lo ta lanzula, vaku: Xini xi tsombelako ku hunza wulombe ke? Xini xa ntamu ku hunza nghala ke? Yena aku kabye; Loku mu nga rimangi hi rogana ga mina, Ngha mu nga lanzulangi liteketelo la mina.

Valamuli 16:13

Delila aku ka Samsoni: Wa ha nzi khohlisile u nzi byela wunwa. Nzi byele laha u nga bohiwako ha kona. Yena aku: Loku wa nga luka 7 wa miluko ya misisi ya hloko ya mina, u yi lukela ni tingoti leti va lukako ha tona!

Valamuli 16:16

Hi kota yo tshama a mu karata wontihe masiku hi timhaka takwe, a mu kurumeta, a mbilu yakwe yi lo karateka ga kufa.

Valamuli 16:6

Delila aku ka Samsoni: Hi nga nzi byela laha wu tshamileko a ntamu wa wena wa hombe, ni laha kaku loku u bohiwa ha kona u nga have na ntamu.