Valamuli 13:6 - Tshwa Bible

⁶ Zonake a wasati i lo ya byela a nuna wakwe, aku: Ku tile ka mina a munhu wa Nungungulu. A kutshisa kakwe i fanana ni ngelosi ya Nungungulu. A nzi mu wutisangi lomu a tako ha kona, na yenawu a nga nzi byelangi vito gakwe.

Valamuli 13:6 Mawu Ofanana

Genesisi 18:2

I lo tlakusa a mahlo yakwe i lo cuwuka; languta, madota manharu ma wa yimile kusuhani kakwe, ni laha a nga va wona i lo suka hi laha nyangweni ya tenda a tsutsuma ku va khinga, i lo korama, Maheb. 13:2

Genesisi 32:29

Jakobe i lo mu wutisa, aku ngalo: Nzi byele a vito ga wena. Yena aku ngalo: U nzi wutisela yini a vito ga mina ke? Yena i lo mu katekisa kwalaho.

1 Tihosi 17:18

Zonake loyi wasati i te ngalo ka Elija! I mhaka muni nzi nga nayo na wena munhu wa Nungungulu? Kasi u tile laha a ku ta nzi alakanyisa zionho za mina ni ku ta daya nwananga ke? Lu. 5:8

1 Tihosi 17:24

A wasati i te ngalo ka Elija: Makunu nza zi tiva lezaku wena u munhu wa Nungungulu, ni lezaku gi tiyile a gezu ga Jehova, gi nga lomu nonwini wa wena.

2 Tihosi 4:16

Elixa i te ngalo ka yena: A ka leyi nguva ha nwakani, wena u ta wukarela a nwanana. Yena aku: Ahihi hosi yanga, u nga hembeli a nanza ga wena! Gen. 18:10

2 Tihosi 4:9

A wasati aku ka nuna wakwe: Nza zi tiva lezaku a munhu loyi a hambukako laha ka hina wontihe masiku, munhu wa Nungungulu.

Eksodusi 3:2

Ku lo woneka ka yena a ngelosi ya Jehova lomu pingweni ga nzilo xikari ka xihlahla. Mosi i lo wona a xihlahla na xi kari xi vura nzilo, kanilezi na xi nga mbheli. Deut. 33:16; Miti. 7:30

Eksodusi 3:6

Yena i lo engeta kambe aku: Hi mina Nungungulu wa raru wa wena, a Nungungulu wa Abrahama, ni Nungungulu wa Isaka, ni Nungungulu wa Jakobe. Zonake Mosi i lo fenengeta nghohe yakwe, hakuva i lo chava ku cuwuka Nungungulu.

Danieli 10:11

Aku ka mina: Danieli, wena wanuna a ranzekako nguvu, pima a timhaka leti nzi ku byelako u yima uku tseka, hakuva nzi rumilwe ka wena makunu. Na a wulile lezo ka mina, nzi lo yima na nzi dzevatana.

Danieli 10:5

nzi lo tlakusa a mahlo ya mina, nzi wona a wanuna loye a nga ambele tinguwo ta wukene, na a bohile tinyonga takwe hi bhandi ga nzalama ya le Ufazi. Jer. 10:9; Kuv. 1:13

Danieli 8:17

I lo tshinela laha nzi nga yimile, laha a ngata nzi lo chava, nziwa hi nghohe ya mina. Kanilezi aku ka mina: Xiyisisa, nʼwana wa munhu, hakuva a muwoniso wu xungeta a xikhati xa kugumesa.

Luka 1:19

A ngelosi yi mu hlamula, yiku kakwe: Nzi mina Gabrieli, loyi a yimako mahlweni ka Nungungulu; nzi lo runwa a ku ta wulawula na wena, ni ku ku byela a mahungu laya yo saseka. Dan. 8:16; Maheb. 1:14

Luka 9:29

Kota lezi a nga kari a khongela, a xiyimo xa nghohe yakwe xi lo hunzuka, a tinguwo takwe ti basa ti ngangamela.

Mitiro 6:15

Vontlhe lava va nga tshamile hubyeni va lo mu cuwukisisa, va wona a nghohe yakwe yi fana ni nghohe ya ngelosi. Mat. 28:3

Deuteronome 33:1

Lexi hi xikatekiso xa Mosi, a munhu wa Nungungulu, lexi a nga katekisa ha xona a vanana va ka Israeli na a nga se kufa, aku:

1 Timote 6:11

Kanilezi wena munhu wa Nungungulu, potsoloka lezi zilo, u hlota kululama, a kukhozela Nungungulu, a kukholwa, a liranzo, a kutimisela, ni kurula. Deut. 33:1

Joxua 14:6

Zonake a vanana va ka Juda va lo tshinela ka Joxua le Gilgale, na Kalebi nʼwana Jefuna a muKenezi, i te ngalo ka yena: Wena wa zi tiva lezi Jehova a wulileko ka Mosi, a munhu wa Nungungulu, xungetano ha mina, ni xungetano ha wena le Kadexi-Barnea.

Kuvululelwa 1:17

Na nzi mu wonile nzi lowa lahasi mikonzweni yakwe nzi ku khwatsi nzi file. Yena i lo tlhateka canja gakwe ga xinene hehla ka mina, aku: U nga chavi, nzi Wa kusangula ni Wa kugumesa, Isa. 41:4; Ezek. 1:28; Dan. 10:10

Valamuli 13:10

Zonake a wasati i lo tsutsuma a ya tivisa a nuna wakwe, aku: A munhu loyi a nga wa tile ka mina legiya siku, i wonekile kambe ka mina.

Valamuli 13:22

Manoa aku ka sati wakwe: Hizinene hi tafa, hakuva hi wonile Nungungulu. Ekso. 33:20; Deut. 5:26

Valamuli 13:3

A ngelosi ya Jehova yi lo woneka ka wasati loye, yiku: Cuwuka, wena u ngonwa. Kanilezi u ta xura nyimba, u pswala nisanyana.

Valamuli 13:7

Kanilezi yena i te ngalo ka mina: U ta xura nyimba, u pswala nisanyana. Makunu u nganwi vinya, hambu byala. Ni kambe u ngagi a zilo zi nga hlazekangiko, hakuva a nwanana i ta maha muNazirita wa Nungungulu kusukela rumbyini ga nyine wakwe, kala afa.

Valamuli 13:8

Makunu Manoa i lo kombela ka Jehova, aku: Hosi yanga, a munhu wa Nungungulu, loyi wena u mu rumileko, a engete kambe ata ka hina a ta hi gonzisa lezi hi faneleko ku zi maha hi nwanana loyi a ta nga pswalwa.

Valamuli 6:11

Zonake a ngelosi ya Jehova yi lota yi ta tshama lahasi ka nkuhlu lowu wu nga le Ofra, ka Joaxi a muAbiezeri. A nʼwana wakwe Gideoni i wa kari a phopha mavele lomu xigowolweni, kasi ku fihlela vaMidiani.

1 Samueli 2:27

Zonake ku lota a munhu wa Nungungulu ka Eli, a taku: Jehova i ngalo: Xana a nzi ti wonekelisangi ka yindlu ya raru wa wena laha va nga hi le Gipite lomu ndlwini ya Faro ke?

1 Samueli 9:6

Kanilezi a nanza gi te ngalo kakwe: Ku na ni munhu wa Nungungulu laha ka muti lowu, a munhu wo dzunzeka; zontlhe lezi a zi wulako za maheka. A hiye kakwe kutani i ta hi byela za pfhumba ga hina, lezaku i ndlela muni hi faneleko ku famba ha yona.