Valamuli 13:16 - Tshwa Bible

¹⁶ A ngelosi ya Jehova yiku ka Manoa: Hambu loku u nzi hlweta, cima nzi nga taga a kuga ka wena. Kanilezi loku u maha a muphahlo wa kuhiswa, wu nyikele ka Jehova. Hakuva Manoa i wa nga zi tivi lezaku i ngelosi ya Jehova.

Valamuli 13:16 Mawu Ofanana

Genesisi 18:5

Nzi ta neha xikhenwana xa xibaba, mu tiyisa a ntamu wa nwina; zonake mu ta hunza, kota lezi mu chikeleko ka nanza ga nwina. Vona va te ngalo: Hi zona, maha kota lezi u wulileko.

Valamuli 13:21

A ngelosi ya Jehova a ya ha engetangi yi woneka kambe ka Manoa ni sati wakwe. Zonake Manoa i lo zi tiva lezaku i ngelosi ya Jehova.

Valamuli 13:23

Kanilezi a sati wakwe aku ka yena: Loku Jehova a wa xuvile ku hi daya, ngha a nga amukelangi a muphahlo wa hina wa kuhiswa ni munyikelo wa kona, kambe ngha a nga hi kombisangi zontlhe lezi zilo: hambu nyamutlha ngha a nga hi tivisangi timhaka ta kunghahi.

Valamuli 6:20

A ngelosi ya Nungungulu yiku kakwe: Teka a nyama ni zibaba lezi zi nga comelwangiko u zi veka laha ka ribye legi, u chela muro hehla ka zona. Yena i lo maha lezo.

Valamuli 6:26

U aka a alati ga Jehova Nungungulu wa wena hehla ka ribye lego, u gi aka khwatsi. U ta teka a honwana ya wumbiri u maha muphahlo wo hiswa hi tihunyi ta xifananiso lexi u nga xi tsemelela.