Valamuli 13:1 - Tshwa Bible

¹ A vanana va ka Israeli va lo engeta kambe va maha kubiha mahlweni ka Jehova. Jehova i lo va nyikela mandleni ya vaFilistia 40 wa malembe.

Valamuli 13:1 Mawu Ofanana

Jeremia 13:23

Xana a maEtiopia a nga hunzula a hlonge yakwe ke, Hambu a yingwe a mavalavala ya yona ke? Loku zi hi tano na nwinawo mu nga zi kota ku maha zinene, Nwina lava mu toloveleko ku maha kubiha.

Va le Roma 2:6

loyi a ta nga tlhelisela munwe ni munwani kotisa mitiro yakwe. Mat. 16:27

Maheberu 11:32

Xana nza ha ta wula yini kambe ke? Hakuva a xikhati a xi nzi eneli a kuva nzi hlawutela ha Gideoni, na Baraki, na Samsoni, na Jefta, na Davida, na Samueli ni vaprofeti; Vala. 6:11; 4:6; 11:1; 13:24; 1 Sam. 1:20; 16:1

Valamuli 10:6

A vanana va ka Israeli va lo engeta kambe va maha kubiha mahlweni ka Jehova, va khozela maBaali ni maAxtarote, ni vanungungulu va vaSiria, ni vanungungulu va vaSidoni, ni vanungungulu va vaMoabi, ni vanungungulu va vanana va ka Amoni, ni vanungungulu va maFilistia; va fularela Jehova va nga mu khozeli.

Valamuli 10:7

A zanga ya Jehova yi lo vindlukela va ka Israeli, a va nyikela mandleni ya vaFilistia ni ya vanana va ka Amoni.

Valamuli 12:15

Zonake Abdoni nʼwana Hileli, a muPiratoni, i lofa, a lahliwa tikweni ga ka Efraime le xitsungeni xa ka Amaleki.

Valamuli 14:4

Kanilezi a raru ni nyine wakwe va wa nga zi tivi lezaku a mhaka leyo yita hi ka Jehova, lezaku kasi Samsoni a kuma ndlela yo vukela ha yona maFilistia; hakuva lexo xikhati a maFilistia ma wa fumela va ka Israeli.

Valamuli 15:11

Zonake 3,000 wa va ka Juda va lo relela vaya hlohlorini ya ribye ga le Etame, va yaku ka Samsoni: Kasi wena a ku zi tivi lezaku a maFilistia, mbafumeli va hina ke? Hikuyini u hi mahela za ku nghahi? Yena aku kabye: Nzi mahile ka vona khwatsi hi lezi va mahileko ka mina.

Valamuli 15:20

I lo maha mulamuli wa va ka Israeli xikhatini xa maFilistia 20 wa malembe.

Valamuli 2:11

A vanana va ka Israeli va lo maha kubiha mahlweni ka Jehova, va khozela maBaali.

Valamuli 3:7

A va ka Israeli va lo maha kubiha mahlweni ka Jehova, va rivala Jehova Nungungulu wabye, va khozela maBaali na Axtarte.

Valamuli 4:1

Anzhako ka kufa ka Ehudi, a vanana va ka Israeli va lo engeta va maha kubiha mahlweni ka Jehova.

Valamuli 6:1

A vanana va ka Israeli va lo engeta kambe va maha kubiha mahlweni ka Jehova. Yena i lo va nyikela mandleni ya vaMidiani ntlhanu wa malembe ni mambiri,

1 Samueli 12:9

Kanilezi laha va nga rivala Jehova, Nungungulu wabye, i lo va xavisa ka Sisera, a nduna ya yimpi ya Hazora ni ka vaFilistia, ni ka hosi ya vaMoabi, lava va va hlaseleko.

1 Samueli 4:9

Tiyani vaFilistia, muva vavanuna, kasi mu nga fumelwi hi vaHeberu khwatsi hi lezi nwinawu mu va fumelako. Hikwalaho tiyani muiwa.

1 Samueli 7:13

Zinghaho a vaFilistia va lo hluliwa. Cima a va engetangi kambe vata tikweni ga ka Israeli, hakuva a canja ga Jehova gi wa vukela vaFilistia ka wontihe masiku ya Samueli.