Valamuli 12:3 - Tshwa Bible

³ Lezi nzi nga wona lezaku a mu nzi tlharihisi, a nzi wulangi nchumu hi wutomi ga mina, nzi loya mahlweni ka vanana va ka Amoni; kanilezi Jehova i lo va nyikela mandleni ya mina. Hi kuyini nyamutlha muta ku talwa na mina ke? 1 Sam. 19:5; 29:21

Valamuli 12:3 Mawu Ofanana

2 Kronekele 13:12

Makunu langutani, Nungungulu i na hina a hi rangela, zinwe ni vapristi vakwe, ni mipunzu leyi Va bako kasi ku mu hangalasa. O, va ka Israeli, mu nga hlomi yimpi muiwa na Jehova Nungungulu wa vararu va nwina, hakuva cima mu nga ta hlula.

Joba 13:14

Zi vuna yini hambu loku nzi khoma a nyama ya mina hi meno ya mina, Ni ku fumbareta a moya wa mina hi canja ga mina ke?

Tisimu 119:109

A wutomi ga mina gi wa hi mhangweni ya kufa, Kanilezi a nzi rivali nayo wa wena. 1 Sam. 19:15

Va le Roma 16:4

lava va nga hi lomu mhangweni ya kufa kasi ku ponisa wutomi ga mina. A hi mina nzoce nzi va bongako, kanilezi ni mabandla wontihe ya vamatiko.

Kuvululelwa 12:11

Va mu hlulile hi nkhata wa Yivana, ni mhaka ya wukustumunyu gabye; a va chavangi kufa hi kota ya ku ranza kuhanya kabye. Lu. 14:26; Rom. 8:37

Valamuli 11:27

Mina a nzi ku onhelangi nchumu; hi wena u nzi vukako hi ku nzi hlomela matlhari u lava kulwa na mina. Jehova a mahe mulamuli nyamutlha, a lamula xikari ka vanana va ka Israeli ni vanana va ka Amoni!

Valamuli 12:2

Jefta aku ka vona: Mina ni vanhu va mina hi wa phikizana nguvu ni vanana va ka Amoni. Nzi mu vitanile, kanilezi a mu tangi mu ta nzi tlhatlhisa mandleni yabye.

Valamuli 12:4

Zonake Jefta i lo tsombanyisa vontlhe vavanuna va ka Gileade, alwa ni va ka Efraime. A vavanuna va ka Gileade va lo hlula va ka Efraime, hakuva va waku: Nwina va ka Gileade mu valuveli va ka Efraime, mu tshamile xikari ka Efraime na Manasa.

Valamuli 9:17

Hakuva a raru wa mina i lo lwela nwina, a nyikela wutomi gakwe a tlhatlhisa nwina mandleni ya vaMidiani.

1 Samueli 19:5

Hakuva yena i ti enghenisile mhangweni a hlasela vaFilistia, na Jehova i hlulele vaIsraeli ha hombe. Wena u zi wonile ha wece u kala u tsakiswa ha zona. Makunu u ta mahisa kuyini ku onha hi nkhata lowu wu nga hiko na nanzu, u daya Davida ahandle ka xigelo?

1 Samueli 28:21

A wasati i lota ka Saule, a ta wona lezaku wa chava nguvu, aku kakwe: Languta, a nanza ga wena gi ingisile a gezu ga wena, nzi nyikela wutomi ga mina mhangweni, nzi ingisa a timhaka leti u nzi byelileko tona. Vala. 12:3; Tis. 119:109