Valamuli 11:35 - Tshwa Bible

³⁵ Laha Jefta a nga mu wona, i lo hanzula tinguwo takwe aku: Ha, u nzi hlomule nguvu; u munwe wa lava va nzi xanisako. Nzi ahlamile a nomu wa mina ka Jehova, nza tsanzeka ku tlhelisa.

Valamuli 11:35 Mawu Ofanana

2 Samueli 18:33

Zonake a hosi yi lo xaniseka nguvu lomu mbilwini, yi kanziha yiya le ndlwini ya le hehla ka nyangwa, na yi kari yi rila; na a kari a famba, i wa wulawula, aku: Nwananga Absalome! Nwananga Absalome! Ku wa hi chukwana na ku file mina wutshanwini ga wena! Absalome nwananga, nwananga!

2 Samueli 3:31

Davida i te ngalo ka Joabe ni ka vontlhe vanhu lava va nga wa hi zinwe naye: Hanzulani tinguwo ta nwina, mu ambala tinguwo ta xirilo mu hlaluka Abneri. Hosi Davida i lo lanzela lihlaka.

Joba 1:20

Zonake Joba i lo suka a yima, a hanzula tinguwo takwe, a halula hloko yakwe, a ti wisa lahasi a khongela, aku:

Tisimu 15:4

Loyi a cuwukako a wakubiha hi mahlo ya kusola, Kanilezi a dzunza lava va chavako Jehova; Loyi a nga hunzuliko xifungo xakwe, hambu loku a lahlekelwa yena wutsumbu; Jox. 9:19; Mav. 29:27

Tisimu 66:13

Nzi ta enghena ndlwini ya wena ni minyikelo ya kuhiswa, Nzi ta ku riha a zifungo lezi nzi ku hlambanyileko,

Tisimu 66:14

Lezi zi humileko milonwini ya mina, Lezi a nomu wa mina wu zi wulileko laha nzi nga hi zikaratweni.

Mitsengo 14:6

Zonake Joxua a nʼwana wa Nuni, na Kalebi a nʼwana wa Jefuna, va nga lava va nga yile ku ya hlola tiko, va lo hanzula tinguwo tabye;

Mitiro 23:14

Va loya ka vapristi va hombe ni ka masingalakati, va yaku ngalo: Hi hlambanyile hi xifungo xo tshisa hiku hi nga taga nchumu hi kala hi mu daya Paule.

Joxua 7:6

Na Joxua i lo hanzula tinguwo takwe, i lowa lahasi hi nghohe yakwe mahlweni ka nghaxa ya Jehova kala laha gambyeni, yena zinwe ni masingalakati ya ka Israeli, na vona va lo ti palatela tsutsungwani hehla ka tihloko tabye.