Valamuli 1:20 - Tshwa Bible

²⁰ Va lo nyikela Hebroni ka Kalebi, khwatsi hi lezi Mosi a nga wa wulile. Yena i lo hlongola lomo a vanana vanharu va Anake.

Valamuli 1:20 Mawu Ofanana

Mitsengo 13:22

Va lo kanziha hi le Dzongeni, kala va ya chikela le Hebroni, laho ku nga wa hi na Ahimani, na Xexai, na Talmai, a vazukulu va Anaki. A muti wa Hebroni wu rangile ku akiwa, hi mahlweni ka ntlhanu wa malembe ni mambiri na wu nga se ku akiwa Zoana wa Gipite.

Mitsengo 14:24

Kanilezi a nanza ga mina Kalebi, loyi a nga ni wunwani moya, loyi a lanzelako hi zinene a ndlela ya mina, nzi ta mu enghenisa ka lego tiko a yako ka gona, gi tava gakwe ni pswalo wakwe.

Deuteronome 1:36

Yena i ta gi wona; nzi ta nyika ka yena ni vana vakwe a tiko legi a ta nga kanzihela gona, hakuva yena i chivirikile ku lanzela Jehova.

Joxua 10:36

Zonake Joxua ni vontlhe va ka Israeli va lo suka le Egloni vaya le Hebroni va yalwa nawo.

Joxua 11:21

Ka xona lexo xikhati, Joxua i lota a ta lovisa va ka Anake va le xitsungeni xa Hebroni, ni le Debira, ni le Anabe, ni le matikweni wontihe ya mitsurana ya ka Juda, ni le matikweni wontihe ya mitsurana ya ka Israeli; Joxua i lo va lovisa zinwe ni miti yabye.

Joxua 14:15

Makunu a kale a Hebroni ku wa vitanwa ku ngalo: Kiriat-Arba; Arba i wa hi munhu wa hombe nguvu xikari ka va ka Anake. Ni tiko gi lo humula kulwa.

Valamuli 1:10

Ju la i lo yalwa kambe ni vaKanani lava va akileko le Hebroni (a vito ga kale ga Hebroni ku wa hi Kiriat-Arba), va lo hlasela Xexai, na Ahimani, na Talmai.