Titusi 3:3 - Tshwa Bible

³ Hakuva kale na hinawu hi wa hi zipumbu, hi nga ingisi, na hi pengile, hi hi tikhumbi ta kunavela ko biha ni kutitsakisa kunyingi; hi lo hanya hi matshoho ni makangwa, hi nyenyiwa, hi vengana.

Titusi 3:3 Mawu Ofanana

Genesisi 38:9

Onani i wa zi tiva lezaku a vanana va kona va nga tava vakwe, hikwalaho loku aya ka sati loye wo siyiwa hi nakulobye, i wo halatela hasi kasi a nga nyiki pswalo ka nhonzo yakwe.

Genesisi 39:16

Yena i lo hlayisa a nguwo ya Josefa a kala a Wuya a nuna wakwe.

Tisimu 36:2

Hakuva xa mu byela zilo zi xalalisako mahlo yakwe, Lezaku a xionho xakwe xi nga ta kumeka xi vengiwa.

Mavingu 8:5

Nwina zipumbu gonzani wutlhari, a nwina mu nga tlharihangiko hlotani mbilu ya kupimisisa.

Mavingu 9:6

Tsikani wupumbu, mu ta hanya: ambani hi ndlela ya kupimisisa.

Isaya 44:20

Iga khuma, a hambukiswa hi mbilu yi khohlakeleko, lezaku a tsanzeka ku ponisa a muhefemulo wakwe; hambu ni ku wula, aku: Lezi nzi zi khomileko canjeni ga mina a hi wunwa ke?

Obadia 1:3

A matshanza ya mbilu ya wena ma ku khohlisile, wena loyi u akileko mikovotlweni ya maribye, loyi a wuakelo ga wena gi nga tlakukile; loyi unge mbilwini ya wena: Himani a ta nga nzi wisa lahasi?

Mateu 21:29

I lo hlamula, aku: Nyawowe; kanilezi hi lenzhako i lo hunzuluka, aya kona.

Luka 21:8

Yena aku ngalo: Tlharihani lezaku mu nga pengiswi; hakuva vanyingi Va tata hi vito ga mina, va taku: Nzi mina yena; niku: A xikhati xi tshinele; kanilezi mu nga va lanzeli. Mat. 24:4; Efe. 5:8; 2 Tes. 2:3

Johani 8:34

Jesu i lo va hlamula, aku: Hizinene nziku ka nwina: Loyi a mahako kuonha, i tshama khumbi ya kuonha. Rom. 6:20; 2 Ped. 2:19

Va le Roma 11:30

Hakuva kota lezi nwina mu wa nga ingisi Nungungulu a xikhatini xa kale, kanilezi makunu mu mahelwe wuxinji hi kota ya kungaingisi kabye,

Va le Roma 6:12

Hikwalaho ngha mu nga vumeli a kuonha ku fuma mirini wa nwina wa kufa, lezaku mu ingisa a kunavela ka wona. Efe. 4:22

Va le Roma 6:17

A ku bongiwe Nungungulu, hakuva hambu lezi mu nga hi malanza ya kuonha, mu zi kotile a ku ingisa a gonzisela legi mu nga nyikiwa gona.

Va le Roma 6:22

Kanilezi makunu na mu tlhatlhisilwe kuonheni, na mu hi malanza ya Nungungulu, mu bhinzule a kubasiswa, ni magumeso ya kona hi wutomi ga pinzukelwa.

Va le Roma 6:6

na hi tiva lezaku a munhu wa hina wa kale i belelwe zinwe naye, kasi a miri wa kuonha wu fela ku hetiswa, lezaku hi nga havi tikhumbi ta kuonha, Gal. 2:20; Kol. 2:11

2 Va le Korinte 12:20

Hakuva nza chava lezaku, loku nzita nzi ta ta mu kuma na mu nga hi lezi nzi zi ranzako, na nwinawu mu nzi kuma na nzi hi lezi mu nga zi ranziko; ni lezaku ku nga dzuka kuva kona kuholova, ni xiluse, ni zanga, ni kuhambana, ni mahlevo, ni kulumbetana, ni kutikukumukisa, ni mazolonga. 1 Kor. 4:21

Va le Galatia 6:3

Hakuva loku a munhu a ti alakanyela aku i nchumu, na a nga hi nchumu, wa ti kanganyisa. Rom. 12:3; 2 Kor. 3:5

Va le Kolosi 1:21

Na nwina lava mu nga hambukile kakwe xikhatini xa kale, mu hi valala kupimeni ka nwina hi mitiro ya nwina ya kubiha,

Va le Kolosi 3:7

lezi mu nga fambafamba xikari ka zona kale, laha mu nga hanya ka zona.

2 Timote 3:13

Kanilezi a vanhu vo biha ni vakanganyisi va ta nonohisa vaya mahlweni kubiheni, va kanganyisa vanwani, va tlhela va kanganyiswa.

2 Timote 3:6

Hakuva xikari ka vona va kona lava va enghenako tindlwini, va khoma a vavasati va gome, lava va binzwako hi zionho, va susumetwako hi kunavela kunyingi, Mat. 23:14

Titusi 1:16

Va wula lezaku va mu tiva Nungungulu, kanilezi va mu kaneta hi mitiro yabye; mbanhu va manyala, ni va nga ingisiko, a va vuni nchumu mitirweni yontlhe yo saseka. Ezek. 33:31; Rom. 1:28

Titusi 2:12

ti hi gonzisa ku tsika lezi zi nga lulamangiko ni kunavela ka misava, hi hanya ka nguva leyi hi kutikhoma ni kululama hi chava Nungungulu; Lu. 1:75

Jakobe 1:26

Loku a hi kona loyi a alakanyako ku ngalo mukholwa, na a nga khomi lirimi lakwe, kanilezi a khohlisa mbilu yakwe, a kukholwa ka munhu loye a ku vuni nchumu. Tis. 39:1; 1 Ped. 3:10

1 Pedro 1:14

Ngha mu maha vanana va kuingisa; lezaku mu nga lanzeli a kunavela ka nwina ka kale, laha mu nga kala mu nga se tiva nchumu.

Kuvululelwa 12:9

Zonake drako loyi wa hombe, a nga nyoka leyi ya kale, yi tibyako Muhlevi na Satani, a mukhohlisi wa tiko gontlhe, yena i lo hoxwa lahasi misaveni, ni tingelosi takwe ti lo hoxwa zinwe naye. Gen. 3:1; Lu. 10:18; Xip. 9:1

Kuvululelwa 13:14

Xi pengisa lava va akileko misaveni hi masingita lawa xi nyikilweko ntamu ku maha wona mahlweni ka xihari; xi byela a vaaki va misava lezaku va xi mahela a xifananiso a xihari lexi xi nga hi ni phanja ya supado, xi tlhela xi hanya. 2 Tih. 20:7; 2 Tes. 2:9; Xip. 19:20

Kuvululelwa 18:2

Yi lo kanyuluka hi gezu ga hombe, yiku: I wile, i wile Babuloni loyi wa hombe, i hunzukile ava wutshamu ga madimoni, ni paxo ga mimoya yontlhe ya kubiha, ni ga zinyanyani zontlhe za kubiha lezi zi vengekako. Isa. 13:19, 21; 14:23; Jer. 50:39