Titusi 3:2 - Tshwa Bible

² va nga lumbeti munhu, va nga holovi, va hi va nene, va kombisa kuolova ka vanhu vontlhe. Ekso. 20:16; Efe. 4:31

Titusi 3:2 Mawu Ofanana

2 Samueli 22:36

Wena u nzi nyikile a xitlhangu xa kuhanyisa ka wena, A wunene ga wena gi nzi kulisile.

Tisimu 140:11

A munhu wa mawunwa ngha a nga humeleli misaveni; A munhu wa tihanyi i ta susumetelwa makhombyeni hi kubiha.

Mavingu 19:19

A munhu wa zanga ya hombe i ta tsayiswa; akuva loku u mu tsetselela, wena u fanele ku engeta u zi maha.

Mavingu 25:24

I chuko ku tshama le gwitsini ga xixungwe xa yindlu, u hunza ku tshama lomu ndlwini ya hombe ni wasati wa timholova.

Mavingu 6:19

A kustumunyu yo hemba, leyi yi wulako wunwa, i loyi a xwanyako kungazwani xikari ka vanakulobye.

Isaya 40:11

I ta gisa a tlhambi wakwe khwatsi hi murisi; I ta tsombanyisa a tiyivana mawokweni yakwe, A ti rwala laha xifuveni xakwe, A fambisa khwatsi leti ti anwisako. Tis. 23:1; Mika 7:14; Joh. 10:11, 14 Himani a ringanako na Nungungulu?

Mateu 11:29

Rwalani a pingu wa mina, mu gonza ka mina; hakuva nzi rulile, nzi hi ni mbilu yi koramileko; mu ta kuma kuhumula mihefemulweni ya nwina. Joh. 13:15; Fil. 2:5; 1 Ped. 2:21

Mitiro 23:5

Paule aku ngalo: Vamakabye, nzi wa nga zi tivi lezaku mupristi wa hombe, hakuva ku tsalilwe ku ngalo: U nga rukateli a hosi ya tiko ga nwina. Ekso. 22:28; 2 Ped. 2:10; Juda 8

1 Va le Korinte 6:10

ni makhamba, ni zinaveli, ni zidakwa, ni lava va rukatelako, ni vaphangi; a va kunghaho va nga taga a tshomba ya mufumo wa Nungungulu.

1 Va le Korinte 9:19

Hakuva hambu lezi nzi nga tlhatlhekile ka vanhu vontlhe, nzi lo ti maha nanza ga vontlhe, lezaku kasi nzi fela ku kuma vanyingi. Mat. 18:15; Gal. 5:13; 1 Ped. 3:1

2 Va le Korinte 10:1

Mina Paule wutsumbu nza mu khongotela hi wunene ni kurula ka Kristu, mina loyi nzi ti koramisako loku nzi hi xikari ka nwina, kanilezi loku nzi hi hava nzi maha wurena ka nwina. Rom. 12:1

2 Va le Korinte 12:20

Hakuva nza chava lezaku, loku nzita nzi ta ta mu kuma na mu nga hi lezi nzi zi ranzako, na nwinawu mu nzi kuma na nzi hi lezi mu nga zi ranziko; ni lezaku ku nga dzuka kuva kona kuholova, ni xiluse, ni zanga, ni kuhambana, ni mahlevo, ni kulumbetana, ni kutikukumukisa, ni mazolonga. 1 Kor. 4:21

Va le Galatia 5:22

Kanilezi a mihanzu ya Moya hi liranzo, ni kutsaka, ni kurula, ni kutimisela, a wunene, ni kusasa, ni kutsumbeka, Joh. 15:2; 1 Kor. 13:7; Jak. 3:17

Va le Galatia 6:1

Vamakabye, loku a munhu a kumiwa xionhweni xo kari, nwina lava mu nga va moya, lulekani a wa kunghaho hi moya wa kuolova; zonake wenawu u ti tlharihela lezaku u nga ringiwi na wena. 1 Kor. 2:15; 7:5; 2 Tes. 3:15

Va le Galatia 6:10

Hikwalaho kota lezi hi nga ni xikhati, a hi tireni lezi zi nene ka vanhu vontlhe, nguvunguvu ka va le ngangweni wa kukholwa. Joh. 9:4; Efe. 2:19; 1 Tim. 6:18

Va le Efesusi 4:2

muva ni kutikoramisa kontlhe, ni lihlaza-mbilu, mu timiselana hi liranzo, Gal. 5:22

Va le Efesusi 4:31

A titsheku tontlhe, ni khulo, ni zanga, ni guwa, ni wuxezi, ngha zi suswa ka nwina, zinwe ni mona wontihe.

Va le Filipi 4:5

Ngha na wunene ga nwina gi tibyiwa hi vanhu vontlhe. A Hosi yi le kusuhi. Maheb. 10:25; Jak. 5:8, 9; 1 Ped. 4:7; 2 Ped. 3:8

1 Va le Tesalonika 2:7

Kanilezi hi lo rula xikari ka nwina, kota a muanwisi loku a hlayisa a vanana vakwe.

1 Timote 3:11

Loku va hi vavasati, va fanele kuva lava va dzunzekako, va nga hiko vamahlevo, a va ti khomako, va tsumbekako zilweni zontlhe.

1 Timote 3:3

loyi a nga ti nyikeliko kunweni ka byala, kutani kulweni; kanilezi a va wo rula, loyi a nga holoviko, na a nga hi muranzi wa mali;

Jakobe 3:17

Kanilezi a wutlhari legi gi tako hi le hehla, a kusangula gi basile, kambe gi na ni kurula, gi nene, ga ingisa, gi tele hi wuxinji ni mihanzu yo saseka, a gi na kukanakana ni kuxengetela. 1 Kor. 2:6; 1 Ped. 1:22

Jakobe 4:11

Mu nga hlevani, vamakabye. Loyi a hlevako makabye, kutani a lamula makabye, yena i hleva nayo, a lamula nayo; kanilezi loku u lamula nayo, a ku mumahi wa nayo, kanilezi u mulamuli wa wona. Mat. 7:1; Rom. 2:1; Efe. 4:31

1 Pedro 2:1

Hikwalaho tsikani a kubiha kontlhe, ni kukanganyisa kontlhe ni kuxengetela, ni kunavela, ni mahlevo wontihe.

1 Pedro 3:10

Hakuva: Yena loyi a lavako a kuva a tsakela wutomi Ni ku wona a masiku ya kusaseka, Ngha a tsimbetela a lirimi lakwe ka za kubiha, Ni milomu yakwe lezaku yi nga wulawuli kukhohlisa. Tis. 34:12; Jak. 1:26

1 Pedro 3:8

Hi kugumesa, ngha nwina nwentlhe mu hi ni mbilu yinwe, mu zwelana, mu ranzana ni vamakabye, mu hi ni wuxinji, mu ti koramisa. Rom. 12:10; Fil. 3:16; Kol. 3:12

1 Pedro 4:4

Hi lezi va hlamalako ha zona loku mu nga ha tsutsumi navo nzhopeni ya wuoswi, zonake va mu hleva. Miti. 13:45

2 Pedro 2:10

kanilezi i maha lezo nguvunguvu hi vona lava va fambako hi ka nyama kumbilukeleni ko nyenyeza, va kanyisa a wuhosi ga le hehla. Kota lezi va nga ni wurena va ti kukumukisa, a va chavi a ku rukatela a zivangwa zi ngangamelako. Juda 4, 7, 8

Juda 1:10

Kanilezi a vanhu lavo va rukatela zontlhe lezi va nga zi tiviko; ni lezi va zi pimako hi mahanyela, khwatsi hi zihari zi nga hiko na kupima, va ti lovisa ha zona. 2 Ped. 2:12

Juda 1:8

Hizalezo ni vanhu lava, va nyenyezisa a nyama yabye hi miloro yabye, va kanyisa wuhosi ga le tilweni, va sola ni lava va nga kungangameleni. Ekso. 22:28