Titusi 2:13 - Tshwa Bible

¹³ na hi cuwukela a kutsumba ka hina ku bongekako ku nga kuwoneka ka kungangamela ka Nungungulu wa hina wa hombe tlhelo Muhanyisi wa hina Kristu Jesu. Miti. 24:15

Titusi 2:13 Mawu Ofanana

Isaya 25:9

A ka siku lego va taku: Langutani, loyi hi yena Nungungulu wa hina; Hi mu tsumbile, i ta hi ponisa; Hi yena Jehova, loyi hi mu rinzeleko, A hi tsakeleni kuhanyisa kakwe!

Mateu 16:27

Hakuva a Nʼwana wa munhu i tata hi kungangamela ka Raru wakwe, zinwe ni tingelosi takwe; hi kwalaho i ta chachazela munwe ni munwani kotisa mitiro yakwe. Mar. 8:38; 2 Kor. 5:10; Kuv. 2:23

Mateu 25:31

Kanilezi laha a Nʼwana wa munhu a ta ngata hi kungangamela kakwe, ni tingelosi tontlhe ti hi zinwe naye; zonake i ta tshama xitshanwini xakwe xa kungangamela. Zak. 14:5; Miti. 1:11; Kuv. 1:7

Mateu 26:64

Jesu aku kakwe: U wulile zona. Ahembalokoke, nza wula ka nwina, nziku: Anzhako ka lezi mu ta wona a Nʼwana wa munhu na a tshamile hi le reveni ga xinene ga Ntamu, na ata hi marefu ya tilo. Tis. 110:1; Dan. 7:13; Miti. 7:55

Marku 14:62

Jesu aku: Hi mina yena. Mu ta wona Nʼwana wa munhu na a tshamile hi le reveni ga xinene ga ntamu, na ata hi marefu ya tilo. Mat. 24:30; 26:64; Lu. 22:69

Marku 8:38

Hakuva loyi a nga ni tingana ha mina ni timhaka ta mina xizukulwaneni lexi xa wubhayi ni kuonha, a Nʼwana wa munhu kambe i tava ni tingana ha yena, laha a ta nga wuya hi kungangamela ka Raru wakwe, zinwe ni tingelosi to basa. Mat. 10:33; Lu. 9:26; 2 Tim. 1:8

Mitiro 24:15

Nzi na ni kutsumba ka Nungungulu, loku va nga nako na vonawu, lezaku ku tava kona a kuvuka ka valulamileko ni va nga lulamangiko. Dan. 12:2; Mat. 22:31; Xip. 23:6

Va le Roma 15:13

Ngha na Nungungulu wa kutsumba a mu tatisa hi kutsaka kontlhe ni kurula a kukholweni, a ku kasi mu fela ku tala kutsumbeni, ni le ntanwini wa Moya wa ku Basa.

Va le Roma 5:5

A kutsumba a ku wisi tingana, hakuva a liranzo la Nungungulu li chelilwe timbilwini ta hina hi Moya wa ku Basa lowu hi nyikilweko wona. Fil. 1:20; 2 Kor. 1:22; Gal. 4:6; Efe. 1:13

Va le Roma 8:18

Hakuva nza alakanya nziku, a kuxaniseka ka lexi xikhati a ku na ku ringaniswa ni kungangamela loku ku ta nga wonekeliswa ka hina. 2 Kor. 4:17; 1 Ped. 1:6, 7

1 Va le Korinte 1:7

a kuva mu nga vumali xinyikiwo ni xinwe xa ka moya, na mu kari mu rinzela a kuwonekeliswa ka Hosi ya hina Jesu Kristu;

2 Va le Korinte 4:4

hakuva a nungungulu wa misava leyi i pfhupelisile a kupima ka lava va nga kholwiko, kasi va nga woni a kuwonekela ka ivangeli yo ngangamela ya Kristu, loyi a nga mufananiso wa Nungungulu. Isa. 6:10; Joh. 12:31; 14:30; 16:10; Efe. 6:12; Fil. 2:6; Kol. 1:15; Maheb. 1:3

2 Va le Korinte 4:6

Hakuva Nungungulu loyi a ngaku ngalo: A kuwonekela ku ta woninga hi le munyameni, hi yena a nga woninga timbilwini ta hina, kasi ku woningela vanhu lezaku va tiva a kungangamela ka Nungungulu loku ku nga kona nghoheni ya Kristu. Gen. 1:3; Tis. 27:1; Isa. 2:5; Efe. 5:8, 14; 2 Ped. 1:19

Va le Kolosi 1:23

loku nwina mu simamisa kukholweni, na mu zimekilwe muku nde, mu nga tsiki ku tsumba a ivangeli leyi mu yi zwileko, leyi yi nga kanelwa ka zivangwa zontlhe lahasi ka tilo, leyi mina Paule nzi nga mahiwa nanza ga yona.

Va le Kolosi 1:27

Hakuva Nungungulu i lo ranza ku va tivisa lezaku ku talisile kuyini a kungangamela ka fihlakalo lowu xikari ka vamatiko, lowu wu nga lezaku Kristu i xikari ka nwina, loyi a nga kutsumba ka kungangamela.

Va le Kolosi 1:5

hi keta ya kutsumba loku ku vekelweko nwina le matilweni. Kale na mu zwile hi kutsumba loku a mhakeni ya zinene ya ivangeli, Mat. 5:12; 2 Tim. 4:8; 1 Ped. 1:4

Va le Kolosi 3:4

Laha Kristu, loyi a nga wutomi ga hina, a ta nga wonekeliswa, zonake na nwinawu mu ta wonekeliswa zinwe naye hi kungangamela. Joh. 11:25; 1 Kor. 15:43; 1 Joh. 3:2

2 Va le Tesalonika 2:16

A Hosi ya hina Jesu Kristu, ni Nungungulu a Dadani wa hina, loyi a hi ranzileko, ni ku hi nyika a kutangaliswa ka pinzukelwa, ni kutsumba ko saseka hi tipswalo takwe, Kuv. 1:5

2 Va le Tesalonika 2:8

Zonake i ta wonekeliswa a xihunza-milayo, loyi Hosi Jesu a ta nga mu daya hi xikuhe xa nomu wakwe, a mu lovisa hi kuwonekeliswa ka kuwuya kakwe. Joba 4:9; Isa. 11:4; Dan. 7:10; Maheb. 10:27; Kuv. 2:16

1 Timote 1:1

Paule a mupostoli wa Kristu Jesu hi kulaya ka Nungungulu, a Muhanyisi wa hina, na Kristu Jesu a kutsumba ka hina, Gal. 1:1; Kol. 1:27; Xip. 2:3; Tit. 1:3; 2:10; 3:4

2 Timote 1:2

nza rungula Timote, a nwananga a ranzekako, nziku: A tipswalo, ni wuxinji, ni kurula, lezi zi humako hi ka Nungungulu Dadani, ni ka Kristu Jesu a Hosi ya hina, a zive na wena.

2 Timote 4:1

Nza ku hlambanyisa mahlweni ka Nungungulu, ni ka Kristu Jesu, loyi a ta nga lamula a vahanyako ni vafileko, na hi kuwoneka kakwe ni mufumo wakwe, nziku:

2 Timote 4:8

Makunu nzi vekelwe a xidlodlo xa kululama, lexi a Hosi a nga mulamuli a lulamileko, yi ta nga nzi nyika xona sikwini lego, na ku nga hi mina nzoce, kanilezi ni ka vontlhe lava va ranzileko a kuwoneka ka yena. Kuv. 2:10

Titusi 1:2

hi ku tsumba a wutomi ga pinzukelwa, legi Nungungulu loyi a nga hembiko a nga tsumbisa hi kaleloko ka matiko; 2 Tim. 1:9

Titusi 1:4

Mina Paule nza rungula Titusi, a nwananga hizinene a kukholweni loku hi nga nako hi wumbiri ga hina, nziku: A tipswalo ni kurula a zive na wena, na zi huma ka Nungungulu Dadani na Kristu Jesu a Muhanyisi wa hina. 2 Kor. 2:13; Gal. 2:3

Titusi 3:4

Kanilezi laha ku nga woneka a wunene ga Nungungulu a Muhanyisi wa hina, ni liranzo lakwe a ka vanhu,

Maheberu 9:28

hizalezo Kristu kambe, na a nyikelwe kanwe, kasi ku rwala a zionho za vanyingi, i ta woneka hi xikhati xa wumbiri a handle ka kuonha, a ka lava va mu rinzelako lezaku a va hanyisa. Rom. 6:10; Tit. 2:13; 1 Ped. 2:24

1 Pedro 1:3

A khesiwe Nungungulu tlhelo Dadani wa Hosi ya hina Jesu Kristu, loyi hi kota ya wuxinji gakwe ga hombe a nga hi beleka luswa, hiva ni kutsumba ku hanyako hi kuvuka ka Jesu Kristu hi ka vafileko, 1 Kor. 15:20; 1 Tes. 4:14; Jak. 1:18

1 Pedro 1:7

leyi mu ringiwako hi yona kasi ku hlolwa a kukholwa ka nwina, loku ku nga ni tsengo wa hombe ku hunza nzalama leyi yi lovako, hambu loku yi hlohlwe hi nzilo, lezaku ku fela ku kumeka na ku hi ni kudzunzwa ni kukhesiwa ni wudumo hi siku ga kuwonekeliswa ka Jesu Kristu; Tis. 66:10; Zak. 13:9; Jak. 1:12

2 Pedro 1:1

Simoni Pedro, a nanza tlhelo mupostoli wa Jesu Kristu, nza rungula vona lava va kumileko a kukholwa ku nga ni tsengo wa hombe wo fanana ni loku hi ku kumileko hina kululameni ka Nungungulu wa hina tlhelo Muhanyisi Jesu Kristu, nziku:

2 Pedro 3:18

Kanilezi kutani tipswalweni ni kutiveni ka Hosi ni Muhanyisi wa hina Jesu Kristu. Ka yena a kuve wudzunzo makunu ni kala kupinzuka. Amen. Efe. 4:15; 1 Ped. 2:2; Kuv. 1:6

1 Johani 4:14

Hina hi zi wonile, hi maha wukustumunyu lezaku Dadani i rumile a Nʼwana a ku ta maha Muhanyisi wa tiko. Joh. 3:17; Xip. 1:1, 2

Juda 1:21

mu ti hlayisa liranzweni la Nungungulu, na mu cuwukela a wuxinji ga Hosi ya hina Jesu Kristu legi gi yisako kuhanyeni ka pinzukelwa.

Kuvululelwa 1:7

Langutani, wata hi marefu; a mahlo wontihe ma ta mu wona, na vona lava va nga mu tlhava; a vanhu va tixaka tontlhe ta misava va ta tiba zifuva loku va mu wona. Hizona. Amen. Dan. 7:13; Zak. 12:10; Joh. 19:37