Titusi 1:1 - Tshwa Bible

¹ Paule, a nanza ga Nungungulu, tlhelo mupostoli wa Jesu Kristu, a rumelweko hi kota ya kukholwa ka vahlawulilweko va Nungungulu, ni kutiva kabye a zinene lezi zi xungeteneko ni ku khozela Nungungulu, 1 Tim. 6:3; 2 Tim. 2:25

Titusi 1:1 Mawu Ofanana

1 Kronekele 6:49

Kanilezi Aroni ni vana vakwe ya lo tira a ntiro wa alati ga munyikelo wa kuhiswa, ni wa alati ga tibani, va tira ntiro wontihe wa wutshamu ga ku basabasa, va phahlela miphahlo ya va ka Israeli khwatsi hi lezi Mosi a nanza ga Jehova a leleteleko zontlhe.

Luka 18:7

Xana Nungungulu a nga ta va photela a vahlawulilweko vakwe, lava va rilako ka yena a mumu ni wusiku ke, a nga ta timisela ha vona ke? Kuv. 6:10

Mitiro 13:48

Laha a vamatiko na va zi zwile, va lo tsaka, va dumisa a mhaka ya Nungungulu; ni vontlhe lava va nga wa yimiselwe wutomi ga pinzukelwa va lo kholwa. Xip. 2:47

Va le Roma 1:1

Paule, a nanza ga Jesu Kristu, nzi vitanilweko a kuva mupostoli, nzi bambanyiselwa ku kanela ivangeli ya Nungungulu, 1 Tim. 1:11; Miti. 9:15

2 Va le Korinte 1:1

Mina Paule, nzi nga mupostoli wa Jesu Kristu hi kuranza ka Nungungulu, na Timote a makabye wa hina, ha losa a bandla ga Nungungulu legi gi nga le Korinte, zinwe ni vobasa vontlhe lava va nga le Akaia gontlhe, hiku: Kol. 1:2

Va le Efesusi 2:8

Hakuva hi kota ya tipswalo mu hanyisilwe hi kukholwa; na ku nga hi kumaha ka nwina, xinyikiwo xa Nungungulu. Rom. 4:16; Fil. 1:29

Va le Filipi 1:1

Paule na Timote, a malanza ya Jesu Kristu, ha losa a vobasa ka Kristu Jesu, lava va nga le Filipi, zinwe ni varisi ni madikoni, hiku:

Va le Kolosi 2:2

lezaku a timbilu tabye ti fela a ku tangaliswa, vona na va te gwa liranzweni, va amukela a kutala ka kupimisisa ku tiyileko, lezaku va fela ku tiva a fihlakalo wa Nungungulu, wu nga yena Kristu, 2 Kor. 1:6; 2 Ped. 3:18

1 Timote 2:4

loyi a ranzako lezaku vanhu vontlhe va hanyiswa, vava ni kutiva ka zinene. Isa. 55:1, 7; Ezek. 13:23; Joh. 3:16; 17:3

1 Timote 3:16

Kunene a fihlakalo wa kukholwa ka hina wa hombe nguvu: Loyi a nga wonekeliswa nyameni, A kumiwa na hi loyi a lulamileko Moyeni, A woniwa hi tingelosi, A kanelwa xikari ka vamatiko, A kholwiwa laha misaveni, A tlakuselwa kungangameleni. Mat. 3:16; 28:2; Joh. 1:32; 15:26; Miti. 10:34; Gal. 2:8

1 Timote 6:3

Loku ku hi ni munhu a gonzisako a gonzo yinwani, a nga namareli timhakeni ti nene, tona timhaka ta Hosi ya hina Jesu Kristu, ni gonzo leyi yi lulamileko,

2 Timote 2:10

Hikwalaho nzi timisela zontlhe hi kota ya vahlawulilweko, kasi na vonawu va fela ku kuma a kuhanyiswa loku ku nga ka Kristu Jesu, zinwe ni kungangamela ka pinzukelwa. 2 Kor. 1:8

2 Timote 2:23

Kanilezi ala ku xuxa hi timhaka ta wupumbu leti ti nga vuniko nchumu; wa zi tiva lezaku ti vanga timholova.

2 Timote 2:25

I fanele ku luleka hi kurula lava va kanetako, na a tsumba lezaku Nungungulu i ta va nyika kuhunzuluka va kala va tiva zinene,

Jakobe 1:1

Mina Jakobe, a nanza ga Nungungulu, ni ga Hosi Jesu Kristu, nza rungula ka khume ga tixaka ni timbiri leti ti hangalakileko. Miti. 12:17; 26:7; Juda 1

2 Pedro 1:3

A ntamu wakwe wa wuNungungulu wu hi nyikile zontlhe zi nga za wutomi ni za xichawo xa wuNungungulu, hi ku mu tiva loyi a hi vitanileko hi kungangamela ni ntamu wakwe. Joh. 17:3; 2 Tim. 1:9; 1 Ped. 2:9

2 Pedro 3:11

Kota lezi zontlhe lezi zi ta nga nyamalaliswa, nwina mu fanele a kuva vanhu ba kuyini mahanyeleni wontihe yo basa ni wukhongeli!

1 Johani 2:23

Kani himani a kanetako Nʼwana, yaloye a nga na Dadani; loyi a vumelako a Nʼwana i na ni Dadani kambe. Joh. 14:7, 9, 10; 15:23; 2 Joh. 9

Kuvululelwa 1:1

Loku hi kuvululwa ka Jesu Kristu, a nga nyikiwa hi Nungungulu lezaku a tivisa a malanza yakwe lezi zi ta nga humelela lokuloku. I lo ruma a ngelosi yakwe a ku ya zi kombisa ka Johani a nanza gakwe; Joh. 3:32