Tisimu 99:1 - Tshwa Bible

¹ Jehova wa fuma, matiko a ma rurumele. I tshamile xikari ka makerubima, A misava yi tsekatseka. 1 Sam. 4:4; 2 Sam. 6:2

Tisimu 99:1 Mawu Ofanana

2 Samueli 6:2

Zonake Davida i lo suka zinwe ni vontlhe vanhu lava a nga hi navo, kusukela le Baali-Juda, va neha a arke ga Nungungulu legi gi vitwako hi vito ga Jehova wa tiyimpi, loyi a tshamako hehla ka makerubima. Ekso. 25:17; Jox. 15:9, 60

1 Kronekele 16:30

Rurumelani mahlweni kakwe, nwina misava yontlhe! A misava yi tiyile, cima yi nga ta tsekatsekiswa.

Tisimu 18:10

I lo khilela a kerubima, a puruma, A haha tipapeni ta mheho.

Tisimu 2:6

Aku: Hi mina nzi vekileko a hosi ya mina Le Zioni, a xitsunga xa mina xi basileko.

Tisimu 80:1

Ingisa, wena Murisi wa Israeli, Wena loyi u rangelako Josefa khwatsi hi ntlhambi; Wena loyi u tshamako xikari ka makerubima Huma u hatima. Isa. 37:16; Ezek. 34:12; Joh. 10:11

Tisimu 80:2

Vuxa a ntamu wa wena, U rangela Efraime na Benjamini na Manasse, Zonake ngone u ta hi hanyisa.

Tisimu 82:5

Kanilezi a va tivi nchumu, hambu ni ku pima, Va fambafamba munyameni; A ziseketelo zontlhe za misava za tsekatseka.

Tisimu 93:1

Jehova wa fuma, i ambele wukulu; Jehova i ti ambexile ntamu, a wu boha, Hikwalaho a misava yi tiyisilwe, a yi tsekatseka

Tisimu 96:10

Kanelani xikari ka matiko, muku: Jehova wa fuma; Hikwalaho misava yi tiyile, a yi na ku tsekatsekiswa, I ta lamula a matiko hi nongameto.

Tisimu 96:9

Khozelani Jehova na mu ambele wubaswa, Mu rurumela mahlweni kakwe nwina nwentlhe va misava.

Tisimu 97:1

Jehova wa fuma; a misava ngha yi nengela, Ni zihlale leʼzinyingi a zi tsake. Isa. 60:9; Zak. 9:9

Tisimu 97:4

A kuhatima kakwe ku woninga misava, A misava ya ku wona, yi rurumela.

Eksodusi 25:22

Nzi ta ti wonekisa ka wena kwalomo hi le xitshanwini xa wuxinji, xikari ka makerubima lawa ma nga hehla ka nghaxa ya xivumelwano, nzi wulawula na wena hi zileletelo zontlhe lezi nzi ta nga zi nyika vaIsraeli ha wena.

Isaya 19:14

Jehova i va chelile a moya wa sululwani, Va mahile Gipite gi dedereka mitirweni ya gona yontlhe, Khwatsi hi munhu a popilweko a dederekako kuhlateni kakwe.

Jeremia 4:24

Nzi lo cuwuka zitsunga, languta, zi wa kari zi rurumela; Ni miganga yontlhe na yi kari yi ndlengandlenga.

Jeremia 49:21

A misava ya rurumela hi guwa ga kuwa kabye; a kurila kabye ka zwakala ni le Bimbini go Pswhuka.

Jeremia 5:22

Xana a mu nzi chavi ke? ku wula Jehova; mu nga ta rurumela mahlweni ka mina ke? Mina loyi nzi nga veka a seke a kuva mbhingano wa bimhi wa kala kupinzuka, lezaku gi nga zi koti ku wu hunza. Hambu loku a mabyandlati ma gobhoza hi ntamu a ma zi koti ku hlula, hambu loku gi nga dzinza-dzinza hi ntamu, cima gi nga ta hunza. Joba 26:10; Tis. 104:9

Jeremia 50:46

A misava ya rurumela hi guwa ga kuhlulwa ka Babuloni, ni nkosi wa zwala matikweni wontihe.

Ezekieli 43:7

I te ngalo ka mina: Nʼwana wa munhu, hi laha ku nga ni xitshamu xa mina xa wuhosi, a wutshamu legi nzi yimileko hi mikonzo ya mina, lomu nzi ta nga tshama xikari ka vanana va ka Israeli kala kupinzuka. A yindlu ya ka Israeli yi nga ta ha nyenyezisa a vito ga mina ga kubasa, vona ni tihosi tabye, hi wubhayi gabye ni zirumbi za tihosi tabye a kufeni ka tona, 2 Tih. 21:18, 26

Luka 19:12

I te ngalo: A munhu wa hombe i loya matiko wundle, ku ya amukela wuhosi a wuya. Mat. 25:14; Mar. 13:34

Luka 19:14

Kanilezi a vanhu va tiko gakwe va wa mu venga, va ruma a mitsumi hi lenzhako kakwe, vaku: A hi ranzi ku fumiwa hi munhu loyi. Joh. 1:11

Luka 19:27

Kanilezi a valala va mina, lava va nga kala va nga zi ranzi aku ngha nzi fuma hehla kabye, va neheni laha, mu va daya mahlweni ka mina.

Va le Filipi 2:12

Hilezoke, varanzekako va mina, khwatsi hi lezi mu ingisileko xontlhe xikhati, na ku nga hi loku nzi hi kona ka nwina ntsena, kanilezi nguvunguvu makunu loku nzi ngha nzi hi hava, tirelani a kuhanyiswa ka nwina hi kuchava ni kururumela.

Kuvululelwa 11:17

maku: Ha ku bonga, Hosi Nungungulu wa Ntamu-wontlhe, Loyi u nga kona, Loyi u nga hi kona, hilezi u tekile a ntamu wontihe wa wena wa hombe, u sangule ku fuma. Xip. 1:4, 8; 19:6

Kuvululelwa 20:11

Zonake nzi lo wona a xitshamu xa hombe xa wuhosi xo basa, ni loyi a tshamileko ka xona; a tilo ni misava zi lo tsutsuma nghoheni yakwe, a zi kumelwangi wutshamu. Dan. 2:35; 2 Ped. 3:10

Kuvululelwa 6:14

A tilo gi lo suswa khwatsi hi bhuku loku gi: songiwa; ni zitsunga zontlhe ni zihlale zi lo suswa wutshanwini ga zona. Isa. 34:4; Jer. 3:23; Xip. 16:20