Tisimu 97:3 - Tshwa Bible

³ A nzilo wu ranga mahlweni kakwe, Wu hisa valala vakwe wontihe matlhelo.

Tisimu 97:3 Mawu Ofanana

Tisimu 18:8

Ku lo huma musi hi lomu tinhovini takwe, Hi nonwini wakwe ku lo huma nzilo wu lovisako, Ku lo huma kambe ni makhala ma vurako. Ekso. 19:18

Tisimu 18:9

I lo cikisa a matilo a relela; Ku wa phumile lahasi ka mikonzo yakwe.

Tisimu 50:3

Nungungulu wa hina wata, a nga ta miyela. A mahlweni kakwe ku na ni nzilo lowu wu lovisako, I renzelekelwe hi bhubhutsa ga ntamu.

Ezekieli 1:4

Nzi lo cuwuka nzi wona a mheho ya xipupuri na yita hi Nwalungu, ni refu ga hombe gi nga hi ni nzilo wa hombe wu nga woninga matlhelo wontihe, ku huma hi lomu xikari ka wona a kungangamela ko fanana ni ka suku.

Danieli 7:10

Ku lo huma a congo wa nzilo hi le mahlweni kakwe, a mazana ya mazana ma lo mu khozela, ni 10,000 ma wuyetilweko hi 10,000 ma lo yima mahlweni kakwe. Ku wa hi ni hubye yo lamula, ku vululiwa mabhuku. Kuv. 5:11; 20:12

Habakuka 3:5

A ntungu wa mu rangela mahlweni, A kufa loku ku hisako ku mu lanza hi lenzhako.

Malaki 4:1

Hakuva langutani, a siku gata, legi gi to vura ku fana ni pingo ga nzilo. Vontlhe a vamatshanza ni vontlhe a vamahi va kubiha va ta fanana ni byanyi gi womileko. A siku legi gi tako gi ta va hisa, ku wula Jehova wa tiyimpi, gi nga ta va siyela mutsu hambu liravi.

Deuteronome 32:22

Hakuva a nzilo wa zanga ya mina wu vurisilwe, Wu vura kala le wutshanwini ga lava va fileko, Wu hisa misava zinwe ni mihanzu ya yona, Wu hisa ziseketelo za zitsunga.

Deuteronome 4:11

Hakunene nwina mu lo tshinela mu yima lahasi ka xitsunga; na xitsunga xi vura nzilo kala xikari ka tilo; ni kambe ku wa hi ni wusiku ni refu ni munyama.

Deuteronome 4:36

I ku mahile uzwa a gezu gakwe na a hi tilweni a ku gonzisa; ni laha misaveni i ku wonisile a nzilo wakwe wa hombe; na wena u zwile a timhaka takwe lomu nzilweni.

Deuteronome 5:4

Jehova i wulawulile na nwina le xitsungeni na mu cuwukana zinwe naye, na a hi xikari ka nzilo;

2 Va le Tesalonika 1:8

a ta va tlhelisela lava va nga mu tiviko Nungungulu, ni lava va nga ingisiko ivangeli ya Hosi ya hina Jesu. Tis. 79:6; Maheb. 10:27; 12:29

Maheberu 12:29

hakuva Nungungulu wa hina i nzilo lowu wu hisako. Isa. 66:15; Deut. 4:24; Tis. 50:3

Kuvululelwa 11:5

Loku munhu a lava ku va bayisa, ku huma nzilo kanwini kabye, wu khadamula valala vabye; ni loku munhu a lava ku va bayisa i ta dayiswa zalezo. Mitse. 16:29; 2 Tih. 1:10, 12

Kuvululelwa 20:15

Ni wihi loyi ku nga tsaliwangiko a vito gakwe lomu bhukwini ga wutomi, i lo hoxwa tiveni ga nzilo.