Tisimu 95:3 - Tshwa Bible

³ Hakuva Jehova i Nungungulu wa hombe; I Hosi ya hombe hehla ka vanungungulu vontlhe,

Tisimu 95:3 Mawu Ofanana

Nehemia 8:6

Ezra a bonga Jehova, a Nungungulu wa hombe. A vanhu vontlhe vaku: Amen, Amen! na va tlakusa a mandla yabye, va koramisa tihloko tabye va khozela Jehova a tinghohe tabye na ti cuwukile lahasi.

Tisimu 104:1

Khesa Jehova, muhefemulo wa mina! Jehova, Nungungulu wa mina, u wa hombe nguvu; U ambele wukosi ni kungangamela.

Tisimu 135:5

Nza zi tiva lezaku Jehova ngwa hombe, Lezaku a Hosi ya hina yi le hehla ka vanungungulu vontlhe.

Tisimu 145:3

Jehova ngwa hombe, i fanekelwe hi kudumiswa, A wukulu gakwe a gi na ku pimiwa.

Tisimu 47:2

Hakuva Loyi a Hunzeleleko Kutlakuka wa chaveka. Hi yena Hosi ya hombe laha misaveni yontlhe. Zak. 14:9; Mal. 1:14

Tisimu 47:3

I ta hi khozisela a matiko, A veka mifumo lahasi ka mikonzo ya hina.

Tisimu 96:4

Hakuva Jehova ngwa hombe, i fanelwe hi ku dumiswa, Wa chaveka ku hunza vanungungulu vontlhe. Deut. 10:17

Tisimu 97:9

Hakuva wena Jehova u loyi a Tlakukileko nguvu misaveni yontlhe, U tlakukile hehla ka vanungungulu vontlhe.

Eksodusi 12:12

Hakuva ka gona wusiku lego nzi ta hunza lomu tikweni ga Gipite, nzi daya a matewula wontihe ya tiko ga Gipite, ya vanhu ni ya zifuyo; zonake nzi ta lamula vanungungulu vontlhe va Gipite. Hi mina Jehova. Mitse. 33:4

Eksodusi 18:11

Makunu nza zi tiva lezaku Jehova ngwa hombe ku hunza vanungungulu vontlhe hakuva i va hangalasile ka lezi va nga ti kukumukisa ha zona.

Isaya 44:8

Mu nga chavi, ge hambu ku rurumela! A nzi ku byelangi kale, nzi zi tlhatlhambutela ke? Nwina mu vakustumunyu va mina. I kona munwani Nungungulu a handle ka mina ke? Ge, a gi kona ginwani ribye, a nzi gi tivi. Deut. 4:35; 1 Sam. 2:2; 1 Kor. 8:4

Jeremia 46:18

Nza hlambanya hi kuhanya ka mina, ku wula Hosi, Leyi yi tibyako Jehova wa tiyimpi, Hizinene wata, na a fanana ni Tabor xikari ka zitsunga, Aku khwatsi hi Karmeli hi laha bimbini.

Jeremia 48:15

Moabi i hahlulwe, a miti yakwe yi tuvika a musi, A majaha yakwe ma hlawulekako ma chikile maya kudaweni, Ku wula Hosi leyi a vito ga yona a nga Jehova wa tiyimpi.

Danieli 4:37

Makunu mina Nebukadnezzare nza dumisa ni ku dzunza a Hosi ya tilo, hakuva a mitiro yakwe yontlhe nja zinene, ni tindlela takwe ta nongameto. I na ni ntamu a ku tsongahata lava va fambako hi matshanza. 1 Ped. 5:5

Malaki 1:11

Hakuva a vito ga mina ga hombe xikari ka vamatiko kusukela kutsuwukeni ka gambo kala kupeleni ka gona: matshanwini wontlhe ku hiswa a libani vitweni ga mina, zinwe ni minyikelo yi basileko; hakuva a vito ga mina ga hombe xikari ka vamatiko, ku wula Jehova wa tiyimpi.

Malaki 1:14

Kanilezi a rukiwe a mukhohlisi, loyi a phahlelako hi lexi xi nga ni bawa laha a ti bohako hi xifungo, kasilezo i na ni matsune ntlhambini wakwe! Hakuva mina nzi Hosi ya hombe, ku wula Jehova wa tiyimpi, a vito ga mina ga chaveka xikari ka vamatiko.

Mateu 5:35

hambu hi misava, hakuva xikhegetelo xa mikonzo yakwe; hambu hi Jerusalema, hakuva hi muti wa Hosi ya hombe.

Deuteronome 7:21

Wena u nga dzukiswi ha vona, hakuva Jehova Nungungulu wa wena i kona xikari ka wena, i Nungungulu wa hombe, wo tshisa.