Tisimu 92:12 - Tshwa Bible

¹² A wakululama i ta hluka kukotisa a sinya ya cinzu, A kula kukotisa a sedare ya Lebanoni. Mav. 11:28; Jer. 17:8; Hos. 14:6

Tisimu 92:12 Mawu Ofanana

1 Tihosi 4:33

I lo wulawula hi tisinya kusukela ka sedare lowu wu nga hehla ka Lebanoni, kala ka hisope lowu wu hlukako lomu khurisini. I lo Wulawula kambe hi zifuyo, ni tinyanyani, ni zikokakoka, ni zidluwani.

1 Tihosi 6:29

A matlhelo wontihe ya khurisi ga yindlu ni lomu ka mapulango, i lo kehlela a zifananiso za makerubima ni micinzu ni zitsangi zi pfepfako, na zi kehlelwe lomu nzeni ni lahandle ka yindlu.

Estere 9:5

A vaJuda va lo daya vontlhe valala vabye hi supado, va va hihirita va maha kuranza kabye hehla ka lava va nga wa va venga.

Tisimu 1:3

I fanana ni sinya yi byelweko kusuhi ni micongo ya mati, Leyi yi pswalako a mihanzu ya yona hi nguva ya yona, Leyi a matluka ya yona ma nga wuniko; Zontlhe lezi a zi mahako za vuvuma.

Tisimu 104:16

A tisinya ta Jehova ti xurile, A tisedare ta Lebanoni leti a nga ti byala;

Tisimu 148:9

A zitsunga ni yontlhe miganga, Tisinya ta mihanzu, ni tisedari tontlhe;

Tisimu 37:34

Rinzela Jehova, u hlayisa a ndlela yakwe, Na yena i ta ku yimisa kasi wa fumela tiko; U ta wona a kulobyiswa ka lava vo biha.

Tisimu 52:8

Kanilezi mina nzi fanana ni sinya yo nyuka ya oliva lomu ndlwini ya Nungungulu: Nzi tsumba wuxinji ga Nungungulu kala kupinzuka.

Tisimu 72:7

A masikwini yakwe a wakululama i ta hluka; Ni kurula ku ta anza, kala a hweti yi ngave kona. Lu. 2:14

Tisimu 92:7

Loku a vakubiha va hluka khwatsi i byanyi, Ni loku a vahambunyeti va vuvuma, Zi mahiwa lezaku va lobyiswa kala kupinzuka.

Isaya 55:13

A wutshanwini ga mizwa ku ta mila kipres, Ni wutshanwini ga zigetlwani ku ta huma a mirta; Zi ta zwakalisa a vito ga Jehova, Zi tava xikombiso xa pinzukelwa xi to kala xi nga vinyiwi,

Isaya 65:22

Va nga ta akela ku kasi vanwani va tshama lomo, Va nga ta byalela ku kasi vanwani vaga mihanzu ya kona; Hakuva a masiku ya vanhu ma ta ringana ni masiku ya tisinya, Ni vahlawulilweko va mina va ta tsakela mitiro ya mandla yabye.

Jeremia 17:8

Hakuva i ta fanana ni sinya yi byelweko kusuhi ni mati, Leyi a mitsu ya yona yi navako kala matini, Hambu kuva ni mumu a yi chavi, Kanilezi a matluka ya yona ma simama ma nyuka; A yi karateki hi lembe go kala vula, Hambu ku tsika ku phandlula mihanzu.

Amosi 2:9

Kasike hi mina nzi lovisileko a maAmori mahlweni kabye, lava kuleha ka vona ku nga ringana ni kuleha ka tisedare, na va hi ni ntamu wo fanana ni wa mitule; kasike nzi lovisile a mihanzu yabye le hehla ni mitsu yabye lahasi. Deut. 2:33; Jox. 24:8; Vala. 11:23

Mika 7:10

A valala va mina va ta zi wona, vawa tingana, lava va nge ngalo: I kwihi Jehova a Nungungulu wa wena? A mahlo ya mina ma ta tsaka a kuwoneni kabye, hakuva va ta kanzihelelwa khwatsi i nzhope ya lomu tindleleni.

Mitsengo 24:6

Gi nava kule khwatsi minzhelelo, Khwatsi hi zizunze mbhirini ya congo, Kukotisa a mhangani wu byalilweko hi Jehova, Khwatsi hi tisinya ta sedari ti nga kusuhani ni mati.