Tisimu 91:2 - Tshwa Bible

² I taku ha Jehova: I wuchavelo ga mina ni khokhola ga mina, Nungungulu wa mina loyi nzi mu tsumbako.

Tisimu 91:2 Mawu Ofanana

Genesisi 17:7

Nzi ta tiyisa a xivumelwano xa mina zinwe na wena, ni ka pswalo wa wena anzhako ka wena ni ka zizukulwana za wena, xi tava xivumelwano xi nga gumesiko, nzi tava Nungungulu wa wena ni wa pswalo wa wena anzhako ka wena.

Tisimu 14:6

Mu wisile tingana a khungo ga zisiwana, Kanilezi Jehova hi wuponelo gabye.

Tisimu 142:5

Jehova, nza rila ka wena, Nziku: Wena u wuchavelo ga mina, U xiavelo xa mina laha misaveni ya vahanyako.

Tisimu 142:6

Ingisa kurila ka mina, Hakuva nzi le hlomulweni wa hombe; Nzi ponise ka vaxanisi va mina, Hakuva va nzi hunza hi ntamu.

Tisimu 18:2

Jehova hi ribye ga mina, ni khokhola ga mina, ni mutlhatlhisi wa mina; Nungungulu wa mina, ribye ga mina legi nzi chavelako ka gona; Xitlhangu xa mina, ni limhonzo la kuhanyiswa ka mina, ni khokhola ga mina. Lu. 1:69; Maheb. 2:13

Tisimu 18:3

Nza khongela ka Jehova, loyi a faneleko ku dumiswa; Zonake nzi ta tlhatlhiswa mandleni ya valala va mina.

Tisimu 25:2

Nungungulu wa mina, nzi ku tsumbile; Ngha nzi nga wiswi tingana. Ngha valala va mina va nga mahi migiyo ha mina.

Tisimu 31:15

A zikhati za mina zi le mandleni ya wena; Nzi hlangute mandleni ya valala va mina, ni lava va nzi xanisako.

Tisimu 43:4

Zonake nzi taya alatini ga Nungungulu, A Nungungulu loyi a nga kutsaka ka mina ka hombe; Nzi ta ku dumisa hi xitende, Nungungulu, Nungungulu wa mina.

Tisimu 46:1

Nungungulu wuchavelo ga hina ni ntamu, Kuvunetela ku nga kona kusuhani xikhatini xa zikarato.

Tisimu 46:2

Hi kota ya lezo hi nga ta chava hambu loku misava yi hunzulwa, Ni loku zitsunga zi ninginiswa giwa bimbini.

Tisimu 48:14

Hakuva Nungungulu loyi, i Nungungulu wa hina kala kupinzuka; I tava murangeli wa hina kala kufeni.

Tisimu 61:5

Hakuva wena Nungungulu u zwile a zifungo za mina, U nzi nyikile a tshomba ya lava va chavako a vito ga wena.

Tisimu 71:3

Ngha uva ribye ga kuaka ka mina, Lomu nzi nga chavelako kona xontlhe xikhati. Wena u leletele akuva nzi hanyiswa, Hakuva u ribye ga mina ni khokhola ga mina.

Tisimu 91:9

Lezi u nge ngalo: Wena Jehova u wuchavelo ga mina. U ti hlawulele loyi a Hunzeleleko Kutlakuka akuva a kaya ka wena.

Mavingu 18:10

A vito ga Jehova i khokhola go tiya; oyi a lulamileko wa chavela ka gona a pona.

Isaya 12:2

Langutani, Nungungulu hi kuhanyisa ka mina, Nzi ta tsumba, nzi nga chavi nchumu; Hakuva Jehova Jehova hi ntamo wa mina ni lisimu la mina; Hi yena a nzi hanyisileko.

Jeremia 31:1

A xikhatini lexo, ku wula Jehova, nzi tava Nungungulu wa tontlhe tixaka ta ka Israeli, vona va tava vanhu va mina.

Luka 20:38

Makunu a hi Nungungulu wa lava va fileko, kanilezi ngwa vahanyako; hakuva ka yena vontlhe vahanyi. Rom. 6:10, 11

Maheberu 11:16

Kanilezi makunu va navela a tiko gi nene ku hunza gona, legi gi nga le tilweni; hi kota ya lezo Nungungulu a nga na tingana a ku vitanwa lezaku i Nungungulu wabye; hakuva i va longisele muti. Ekso. 3:6, 15; Fil. 3:20