Tisimu 91:15 - Tshwa Bible

¹⁵ I ta rila ka mina, nzi ta mu hlamula, Nzi tava naye a khombyeni; Nzi ta mu ponisa, nzi mu maha a dzunziwa.

Tisimu 91:15 Mawu Ofanana

Joba 12:4

Mina loyi nzi nga vitana Nungungulu a nzi hlamula, Nzi mahile xihlekiso ka vaakelane va mina; A munhu wa zinene ni wa kululama, wa tseketselwa!

Joba 5:19

I ta ku hlanguta zikaratweni ntlhanu wa zikhati ni xinwe: Ina, ni ntlhanu wa zikhati ni zimbiri cima a kubiha ku nga ta ku khumba.

Tisimu 10:17

Jehova, u zwile a mixuvo ya lava va koramileko; U tiyisa timbilu tabye; U demba a ndleve ya wena,

Tisimu 138:7

Hambu nzi famba xikari ka zikarato, wena wa nzi hanyisa; U nawuluta canja ga wena u nzi vikela ka zanga ya valala va mina, A canja ga wena ga xinene ga nzi ponisa.

Tisimu 18:15

A milonga ya mati yi lo woneka, Ziseketelo za misava zi sala kubaseni, Hi kota ya kupambula ka wena, Jehova, Hi kota ya xikuhe xa tinhovu ta wena.

Tisimu 23:4

Ina, hambu nzi tsemakanya a nzhelelo wa nzhuti wa kufa, Nzi nga ta chava za kubiha, hakuva wena u zinwe na mina; A nhonga ya wena ni chetengelo wa wena za nzi miyeta. Isa. 50:10

Tisimu 37:40

Jehova wa va vuna, a va hlangu ta; I va hlanguta ka vakubiha, a va hanyisa, Hakuva va chavele kakwe. Dan. 6:23

Tisimu 50:15

Nzi vitane zikhatini za makhombo; Nzi ta ku hlanguta, na wena u ta nzi dumisa. Mat. 7:7

Isaya 41:10

U nga chavi, hakuva nzi na wena; U nga mbheli ntamu, hakuva nzi Nungungulu wa wena! Nzi ta ku tiyisa, nzi ku vunetela; Nzi ta ku seketela hi canja ga mina ga xinene ga kululama.

Isaya 58:9

Zonake Jehova i ta ku hlamula loku u kombela, Ni loku u vitana, yena i taku: Nzi laha! Loku u susa miyoka xikari ka wena, Ni loku u tsika ku lumbeta hi titiho ni ku wulawula kubiha,

Isaya 65:24

Ku ta maheka lezaku na va nga se ku vitana nzi ta va hlamula, Ni loku va ha wulawula nzi ta ingisa. Gen. 24:15; Dan. 9:23; Mat. 7:7

Jeremia 33:3

Vitana ka mina, nzi ta ku hlamula, nzi ku komba zilo za hombe, leʼzi fihlilweko lezi u nga zi tiviko.

Zakaria 13:9

A xipanze lexi xa wunharu nzi ta xi enghenisa nzilweni, nzi va basisa ku fanana ni siliva yi nyekisilweko, nzi va ringa ku fanana ni nzalama. Va ta khongela vitweni ga mina, nzi va ingisa. Nzi taku: Vona mbanhu va mina. Vona vaku: Jehova i Nungungulu wa hina. Mal. 3:3; Joh. 20:28; 1 Ped. 2:6

Mateu 28:20

mu va gonzisa a ku gonga zontlhe lezi nzi mu layileko zona. Mangabye, nzi na nwina a masiku wontihe, na kona kugumelweni ka xikhati. Miti. 2:42

Johani 12:26

Loku munhu a nzi tirela, a nzi lanzele; ni laha nzi nga kona, i ta va kona loyi a nzi tirelako. Loku munhu a nzi tirela, yaloye i ta dzunziwa hi Dadani. Xip. 14:3; 1 Tes. 4:17

Johani 12:43

hakuva va wa ranza ku dzunziwa hi vanhu a ku hunza ku dzunziwa hi Nungungulu: Xip. 5:44

Johani 16:32

Mangabye, xa hata xikhati, xi chikele ni lezi, xa kuva mu hangalaka, munwe ni munwani a famba kaya kakwe, mu nzi siya nzoce; kanilezi a nzi nzoce, hakuva Dadani i na mina. Mat. 26:31; Xip. 8:29; 20:10

Johani 5:44

Mu ta kholwisa kuyini nwina lava va dzunzanako, kasi a wudzunzo legi gi tako hi ka Nungungulu a nga yece, a mu gi lavi? Xip. 12:43; Rom. 2:29

2 Timote 4:17

Kanilezi a Hosi yi lo nzi yimela, yi nzi tiyisa, kasi a mhaka ya fela ku biwa hungu hi mina matlhelweni wontihe, lezaku a vamatiko vontlhe va fela kuzwa; lezo nzi lo hlangutwa nonwini wa nghala. Mat. 10:19; 2 Ped. 2:9

Maheberu 5:7

A masikwini ya kuhanya kakwe nyameni, Jesu i lo khongela ni ku khongotela hi kurila ka hombe ni mihloti, ka loyi a nga zi kota ku mu hlanguta kufeni; yena i lo zwiwa hilezi a nga hi ni xichawo ka Nungungulu. Tis. 22:1; Mat. 26:37, 39; Mar. 14:33

1 Pedro 1:21

Lava mu kholwako ka Nungungulu hi kota ya yena, loyi a nga mu vuxa hi ka vafileko, a mu nyika kungangamela, kasi a kukholwa ka nwina ni kutsumba ka nwina kuva ka Nungungulu. Miti. 2:24; Fil. 2:9

1 Pedro 3:22

loyi a yileko tilweni, a ya tshama reveni ga xinene ga Nungungulu; a tingelosi ni tihosi ni mintamu na zi vekilwe a lahasi kakwe. Tis. 110:1; Rom. 8:28; 1 Kor. 15:24

1 Pedro 5:4

Kasi laha a Murisi wa hombe a ta nga wonekeliswa, mu ta kuma a xidlodlo xa kungangamela lexi xi nga guhaliko. 2 Tim. 4:8; Maheb. 13:20; Jak. 1:12

Kuvululelwa 3:21

Loyi a hlulako nzi ta mu nyika a kuva a tshama zinwe na mina xitshanwini xa mina xa wuhosi, kota lezi mina nzi nga hlula, nzi tshamile na Dadani wa mina xitshanwini xakwe xa wuhosi. Mat. 19:28; 1 Kor. 6:2

1 Samueli 2:30

Hikwalaho Jehova Nungungulu wa ka Israeli i ngalo: Mina nzi wulile lezaku a yindlu ya wena ni yindlu ya raru wa wena yi ta famba mahlweni ka mina kala kupinzuka. Kanilezi makunu Jehova i ngalo: Lezo a zive kule na mina! Hakuva nzi ta dzunza lava va nzi dzunzako; kanilezi lava va nzi kanyisako va ta wiswa tingana.