Tisimu 91:13 - Tshwa Bible

¹³ U ta kanzihela nghala ni mamba. U ta gandletela xinghalana ni nyoka. Deut. 3:15; Mar. 16:18; Lu. 10:19

Tisimu 91:13 Mawu Ofanana

Joba 5:23

Hakuva wena u ta maha wuxaka ni maribye ya khwati: Ni zivanza za khwati zi tava kuruleni zinwe na wena.

Tisimu 58:4

Va na ni wuxungu go fana ni ga nyoka; Va fanana ni phiri gi nga ingisiko, legi gi valako ndleve, Jer. 17:23; Ezek. 12:2; Miti. 7:57

Isaya 27:1

A ka siku lego Jehova i taba hi supado yakwe yo kariha ya hombe ni ya ntamu, A tsayisa Leviatani, a nyoka yi tsutsumako, Leviatani, a nyoka yi ti kokakokako, Zonake a daya drako legi gi nga lomu bimbini. Joba 26:13; Ezek. 29:3

Danieli 6:22

A Nungungulu wa mina i rumele a ngelosi yakwe yi ta vala milomu ya tinghala, hikwalaho a ti nzi bayisangi. Hakuva nzi kumekile nzi nga hi na nanzu mahlweni ka yena, ni le mahlweni ka wena hosi, a nzi gohangi nchumu.

Marku 16:18

va ta khoma tinyoka; hambu loku vanwa a xilo xi dayako, xi nga ta va lamata; va ta tlhateka mandla ka vababyi, va hanya. Miti. 28:5, 8

Luka 10:19

Langutani, nzi mu nyikile ntamu wa ku kanzihela tinyoka ni tihume, ni hehla ka ntamu wontihe wa nala; a ku na nchumu xi ta nga mu lamata. Mar. 16:18; Miti. 28:5

Va le Roma 16:20

Nungungulu wa kurula i ta hatla a lamata Satani lahasi ka mikonzo ya nwina. A tipswalo ta Hosi ya hina Jesu Kristu a tive na nwina.

Va le Roma 3:13

A nkolo wabye xilahla xi vululekileko; Va khohlisa hi tirimi tabye; A wuxungu ga tinyoka gi lomu nzeni ka milomu yabye. Tis. 5:9; 140:3

2 Timote 4:17

Kanilezi a Hosi yi lo nzi yimela, yi nzi tiyisa, kasi a mhaka ya fela ku biwa hungu hi mina matlhelweni wontihe, lezaku a vamatiko vontlhe va fela kuzwa; lezo nzi lo hlangutwa nonwini wa nghala. Mat. 10:19; 2 Ped. 2:9

Kuvululelwa 12:9

Zonake drako loyi wa hombe, a nga nyoka leyi ya kale, yi tibyako Muhlevi na Satani, a mukhohlisi wa tiko gontlhe, yena i lo hoxwa lahasi misaveni, ni tingelosi takwe ti lo hoxwa zinwe naye. Gen. 3:1; Lu. 10:18; Xip. 9:1

1 Samueli 17:37

Davida a engeta aku: Jehova loyi a nga nzi ponisa canjeni ga nghala ni ga urso, hi yaloye a ta nga nzi ponisa canjeni ga loyi muFilistia. Zonake Saule i te ngalo ka Davida: Famba, Jehova ave na wena!