Tisimu 9:10 - Tshwa Bible

¹⁰ A va ku tsumbe lava va tivako a vito ga wena; Hakuva wena Jehova a ku tsiki lava va ku lavako.

Tisimu 9:10 Mawu Ofanana

2 Samueli 22:3

Nungungulu wa mina, a ribye ga mina legi nzi chavelako ka gona, A xitlhangu xa mina, ni limhonzo la kuhanya ka mina, Ni khokhola ga mina gi tlakukileko, ni wuchavelo ga mina! Muhlanguti wa mina, u nzi hanyisako ka lava va nzi hlokisako. Lu. 1:69; Maheb. 2:13

1 Kronekele 28:9

Wena nwananga Solomoni, tiva Nungungulu wa dadani wa wena, u mu khozela hi mbilu yi basileko ni kutsaka ka muhefemulo; hakuva Jehova wa kamba timbilu tontlhe, a tiva a timhaka tontlhe ta maalakanyo ya mbilu. Loku wena u mu hlota, u ta mu kuma; kanilezi loku wena u mu tsika, yena i ta ku hoxa kule kala kupinzuka. Isa. 55:6; Jer. 11:20; Kuv. 2:23

Tisimu 37:28

Hakuva Jehova wa ranza kululama, A nga tsiki a vobasa vakwe; Va hlayiseka kala kupinzuka, Kanilezi a pswalo wa vakubiha wu ta lobyiswa.

Tisimu 37:39

A kuhanyiswa ka valulamileko kuta hi ka Jehova, Hi yena khokhola gabye xikhatini xa zikarato.

Tisimu 5:11

Kanilezi ngha va tsaka vontlhe lava va ku mahako wuponelo gabye; Ngha va buma xontlhe xikhati hakuva wena wa va vikela; Lava va ranzako a vito ga wena a va tatiswe hi litsako.

Tisimu 57:1

Nzi zwele wuxinji, Nungungulu, nzi zwele wuxinji, Hakuva a muhefemulo wa mina wu chavela ka wena; Ina, nzi ta chavela nzhutini wa tipapa ta wena, Kala ma hunza makhombo laya.

Tisimu 91:14

Khwatsi hilezi a nzi ranzako, nzi ta mu tlhatlhisa, Nzi ta mu hlayisa hakuva i tivile a vito ga mina.

Mavingu 18:10

A vito ga Jehova i khokhola go tiya; oyi a lulamileko wa chavela ka gona a pona.

Isaya 25:4

Hakuva wena u wuchavelo ga zisiwana, U khokhola ga lava va vumalako kuxanisekeni kabye; U wuponelo hi siku ga bhubhutsa, ni nzhuti laha munwini, Laha a moya wa laʼvo tshisa wu khwatsi xipupuri xi bhubhutselako khurisi.

Isaya 45:19

A nzi wulangi xihundleni, A wutshanwini ga munyama laha misaveni; A nzi byelangi a vana va ka Jakobe, nziku: Mu ta nzi hlotela mahala! Mina Jehova nzi wulawula zinene, Nzi tlhatlhambutela lezi zi lulamileko. Deut. 30:11; Joh. 18:20

Jeremia 29:13

Mu ta nzi lava, mu ta nzi kuma loku mu nzi hlota hi mbilu ya nwina yontlhe.

Nahume 1:7

Jehova i nene, i khokhola a sikwini ga zikarato; wa va tiva lava va mu tsumbako.

Johani 17:3

A wutomi ga pinzukelwa hi kuva va ku tiva, wena Nungungulu wece wa zinene, na Jesu Kristu loyi u mu rumileko. Isa. 53:11; Jer. 9:24; 1 Kor. 8:4; Xip. 3:34; 7:29

2 Va le Korinte 4:6

Hakuva Nungungulu loyi a ngaku ngalo: A kuwonekela ku ta woninga hi le munyameni, hi yena a nga woninga timbilwini ta hina, kasi ku woningela vanhu lezaku va tiva a kungangamela ka Nungungulu loku ku nga kona nghoheni ya Kristu. Gen. 1:3; Tis. 27:1; Isa. 2:5; Efe. 5:8, 14; 2 Ped. 1:19

2 Timote 1:12

Hi kota ya lezo nza xaniseka hi lezi zilo; kanilezi a nzi na tingana, hakuva nza mu tiva loyi nzi kholwako kakwe; nza tsumba lezaku i na ni ntamu wa ku hlayisa lezi nzi zi vekileko ka yena, a zi hlayisela lego siku. 1 Ped. 4:19

1 Johani 2:3

Hi laha hi zi tivako ha kona lezaku ha mu tiva, loku hi hlayisa a milayo yakwe.

1 Johani 5:20

Ha zi tiva lezaku a Nʼwana wa Nungungulu i tile, i hi nyikile kupima kasi ha mu tiva loyi wa zinene, hi kona ka loyi wa zinene, ka yena Nʼwana wakwe Jesu Kristu. Hi yena Nungungulu wa zinene, ni wutomi legi ga pinzukelwa. Isa. 44:6; Lu. 24:45; Joh. 17:3