Tisimu 89:4 - Tshwa Bible

⁴ Nziku: Nzi ta tiyisa a pswalo wa wena kala kupinzuka, Nzi ta yimisa a xitshamu xa wena xa wuhosi ka zontlhe zizukulwana. (Sela.) 2 Sam. 7:12; Isa. 55:3; Lu. 1:32

Tisimu 89:4 Mawu Ofanana

2 Samueli 7:29

Hikwalaho katekisa a yindlu ya nanza ga wena makunu, kasi yi fela ku tshama mahlweni ka wena kala kupinzuka. Hakuva hi wena Hosi Jehova u wulileko lezo; hikwalaho ngha a yindlu ya nanza ga Wena yi katekiswa hi zikatekiso za wena za kala kupinzuka.

1 Tihosi 9:5

zinghaho nzi ta tiyisa a xitshamu xa wuhosi xa wena hehla ka va ka Israeli kala kupinzuka, khwatsi hi lezi nzi tsumbisileko a raru wa wena Davida, nziku: Cima ku nga ta vumaleka a munhu wa pswalo wa wena laha ka xitshamu xa wuhosi xa ka Israeli.

1 Kronekele 22:10

Hi yena a ta nga aka a yindlu yi lumbako a vito ga mina; i tava nʼwana wa mina, na mina nzi tava raru wakwe. Nzi ta yimisa a xitshamu xakwe xa wuhosi hehla ka va ka Israeli kala kupinzuka. 1 Tih. 5:5; Tis. 89:27; Maheb. 1:5

1 Kronekele 28:4

Hambu lezo, Jehova Nungungulu wa ka Israeli i nzi hlawule ndlwini yontlhe ya dadani wa mina, a kuva nzi hi hosi ya ka Israeli kala kupinzuka; hakuva yena i hlawule Juda a kuva hosi. Lomu nyangweni ya ka Juda i hlawule a yindlu ya dadani wa mina. Lomu xikari ka vana va dadani hi mina nzi nga mu tsakisa, a nzi yimisa kuva hosi ya vontlhe va ka Israeli. Gen. 49:8; 1 Sam. 16:1

Tisimu 132:11

Jehova i mahile xihlambanyo xi nene ka Davida, Cima a nga ta hunzuluka ka xona; Ite: Nzi ta veka xitshanwini xa wuhosi xa wena a nʼwana wa nyimba ya wena. 2 Sam. 7:11; Miti. 2:30

Tisimu 132:12

Loku a vana va wena va hlayisa xivumelwano xa mina, Ni zileletelo lezi nzi ta nga va gonzisa, A vana vabyewo va ta tshama xitshanwini xa wena xa wuhosi kala kupinzuka.

Tisimu 72:17

A vito gakwe gi ta tsonzoma kala kupinzuka, A vito gakwe gi tava kona na ga hi kona gambo; Ni vanhu va ta katekisana ha yena; Matiko wontihe ma ta mu vitana loyi a katekileko. Gen. 12:3

Tisimu 89:1

Nzi ta yimbelela a wunene ga Jehova kala kupinzuka, A nomu wa mina wu ta tlhatlhambutela a kutsumbeka ka wena titangeni tontlhe.

Tisimu 89:29

Nzi ta maha lixaka lakwe li simamisa kala kupinzuka, Ni xitshamu xakwe xa wuhosi khwatsi hi masiku ya tilo.

Tisimu 89:36

A mbewu yakwe yi ta simamisa kala kupinzuka, Ni xitshamu xakwe xa wuhosi xi ta simamisa mahlweni ka mina khwatsi i gambo. Joh. 12:34

Tisimu 89:50

Jehova, alakanya a kurukatelwa ka malanza ya wena; Nzi rwele xifuveni xa mina a xiruko xa matiko manyingi.

Isaya 42:1

Languta a nanza ga mina, legi nzi gi yimelako, A hlawulilweko wa mina loyi muhefemulo wa mina wu xalalako ha yena; Nzi vekile moya wa mina hehla kakwe, I ta humesela kululama ka vamatiko. Mat. 3:17; 17:5

Zakaria 12:8

Hi siku lego Jehova i ta vikela a vaaki va la Jerusalema; hi siku lego loye wa gome i ta ku khwatsi hi Davida, ni yindlu ya Davida yi ta ku khwatsi hi Nungungulu, yi ku khwatsi i ngelosi ya Jehova mahlweni kabye. 1 Sam. 17:50; 18:7; 2 Sam. 17:8

Va le Roma 15:12

Na Isaya i ngalo: Ku ta baleka ximilwa mutswini wa ka Jese, Loyi a ta ngata ku ta fumela a vamatiko; A vamatiko va ta tsumba ka yena. Isa. 9:6, 7; 11:1; Kuv. 5:5; 22:16

Kuvululelwa 22:16

Mina Jesu nzi rumile a ngelosi ya mina a kuba hungu mabandleni hi timhaka leti. Nzi mutsu ni hluke ga Davida, nzi mahlahle a ngangamelako wa mixo. Xip. 1:1; 5:5