Tisimu 89:29 - Tshwa Bible

²⁹ Nzi ta maha lixaka lakwe li simamisa kala kupinzuka, Ni xitshamu xakwe xa wuhosi khwatsi hi masiku ya tilo.

Tisimu 89:29 Mawu Ofanana

2 Samueli 23:5

Xana a yi lezo a yindlu ya mina mahlweni ka Nungungulu ke? Hakuva i mahile xivumelwano xa pinzukelwa na mina, Lexi xi longiselweko khwatsi, xi tiyiswa. Wa kulisa a kuhanyiswa ka mina kontlhe ni kutsaka ka mina kontlhe.

1 Kronekele 22:10

Hi yena a ta nga aka a yindlu yi lumbako a vito ga mina; i tava nʼwana wa mina, na mina nzi tava raru wakwe. Nzi ta yimisa a xitshamu xakwe xa wuhosi hehla ka va ka Israeli kala kupinzuka. 1 Tih. 5:5; Tis. 89:27; Maheb. 1:5

Tisimu 132:11

Jehova i mahile xihlambanyo xi nene ka Davida, Cima a nga ta hunzuluka ka xona; Ite: Nzi ta veka xitshanwini xa wuhosi xa wena a nʼwana wa nyimba ya wena. 2 Sam. 7:11; Miti. 2:30

Tisimu 21:4

I lo kombela wutomi, wena u mu nyika, A wutomi go leha, ga pinzukelwa. Tis. 61:6; Rom. 6:9

Tisimu 45:6

Nungungulu, a xitshamu xa wena xa wuhosi xa kala kupinzuka; A nhonga ya wena ya wuhosi i nhonga ya nongameto. 2 Sam. 7:13, 16; Maheb. 1:8

Tisimu 89:36

A mbewu yakwe yi ta simamisa kala kupinzuka, Ni xitshamu xakwe xa wuhosi xi ta simamisa mahlweni ka mina khwatsi i gambo. Joh. 12:34

Tisimu 89:4

Nziku: Nzi ta tiyisa a pswalo wa wena kala kupinzuka, Nzi ta yimisa a xitshamu xa wena xa wuhosi ka zontlhe zizukulwana. (Sela.) 2 Sam. 7:12; Isa. 55:3; Lu. 1:32

Isaya 55:3

Dembani tindleve, muta ka mina; Zwanani, kasi mihefemulo ya nwina ya hanya. Nzi ta maha xivumelwano xa pinzukelwa na nwina, Kasi ma amukela a tipswalo leti nzi tsumbisileko ka Davida. 2 Sam. 7:15; 1 Tih. 8:25; Miti. 13:34

Isaya 59:21

A xivumelwano xa mina zinwe navo hi lexi, ku wula Jehova. A moya wa mina lowu wu nga hehla ka wena, ni timhaka ta mina leti nzi ti vekileko nonwini wa wena, zi nga ta huma nonwini wa wena, ni milonwini ya vana va wena, hambu milonwini ya vazukulu va wena, kusukela lezi kala kupinzuka, ku wula Jehova.

Isaya 9:7

A kufuma kakwe ku ta enzeleka, Ni kurula ku nga ta kuva na magumo A hehla ka xitshamu xa wuhosi xa Davida ni mufumo wakwe; Kasi ku wu tiyisa ni ku wu seketela hi nongameto ni kululama, Ku sukela lezi kala kupinzuka. A kupangama ka Jehova wa tiyimpi ku ta maha lezo. A zanga ya Jehova yo vukela Israeli.

Danieli 2:44

A masikwini ya tihosi leto, Nungungulu wa le tilweni i ta vuxa a mufumo wu to kala wu nga lobyiswi, ni wuhosi ga wona cima gi nga ta nyikelwa ka ginwani tiko. Wu ta panza wu lovisa yontlhe mifumo leyi, wona wu ku tsonzoma kala kupinzuka. Mika 4:7; Lu. 1:33; 1 Kor. 15:24

Deuteronome 11:21

kasi a masiku ya nwina ni masiku ya vanana va nwina ma anza lomu tikweni legi Jehova a hlambanyileko ka vararu va nwina ku mu nyika gona ma ku khwatsi hi masiku ya tilo hehla ka misava.