Zonake Solomoni i lo sangula ku aka a yindlu ya Jehova le Jerusalema, laha xitsungeni xa Moria, laha Jehova a nga woneka ka raru wakwe Davida, le nzhimbyeni wa Ornani a mujebusi, a wutshamu gi longisilweko hi Davida.
Nwina zitsunga zi tlakukileko, hikuyini mu cuwukelako hi xiluse A xitsunga lexi Nungungulu a nga xi hlawula a kuva wutshamu gakwe ke? Kunene, Jehova i ta tshama ka xona kala kupinzuka.
Va ta hlamula yini ka mitsukano ya maFilistia? Va taku: Jehova i akile xiseketelo xa Zioni, A va tsimbeketilweko xikari ka vanhu vakwe va ta chavela kona.
Hikwalaho Hosi Jehova i ngalo: Langutani, nza veka a ribye giva xiseketelo le Zioni, A ribye gi ringilweko, a ribye ga magumo, ga lisima, a xiseketelo xi tiyileko; Loyi a gi tsumbako a nga ta tsutsuma. Tis. 118:22; Mat. 21:42; Rom. 9:33
Nzi ta va yisa xitsungeni xa mina xi basileko, Nzi va tsakisa lomu ndlwini ya mina ya mikhongelo; A minyikelo yabye yo hiswa ni miphahlo yabye Yi ta amukeleka ganzelweni ga mina; Hakuva a yindlu ya mina yi ta vitanwa a yindlu ya kukhongela a ka matiko wontihe. 1 Tih. 8:41; Mat. 21:13; Lu. 19:46
Jehova i ngalo: Nzi ta tlhelela Zioni, nziya aka xikari ka Jerusalema. Jerusalema i ta vitanwa ku Muti wu tsumbekileko; a xitsunga xa Jehova wa tiyimpi xi ta vitanwa ku Xitsunga xi Basileko.
Na mina nziku ka wena: Wena u Pedro, a hehla ka ribye legi nzi ta aka handla ga mina; a tinyangwa ta Hayidesi ti nga ta gi hluta. Joh. 1:42; Efe. 2:20; Kuv. 21:14
