Tisimu 85:3 - Tshwa Bible

³ U susile a zanga ya wena yontlhe, U tlhelile kuvureni ka khulo ga wena.

Tisimu 85:3 Mawu Ofanana

2 Kronekele 6:39

zwana wena na u hi kwaleyo tilweni, laho u akileko kona, u ingisa mikhongelo yabye, u va yimela timhakeni tabye, u tsetselela a vanhu va wena lava va ku onheleko.

Tisimu 106:23

Hikwalaho i lo wula lezaku i wa ta va lovisa, Loku Mosi a hlawulilweko wakwe, a wa nga yimangi mahlweni kakwe, Kasi ku rengisa a zanga yakwe, lezaku a nga va lovisi. Ekso. 32:11

Tisimu 78:38

Kanilezi yena na hi ni tipswalo, i lo va tsetselela, a nga va lovisangi; I lo ti khoma zangeni yakwe zikhati zo tala, A nga tsikangi a khulo gakwe gontlhe gi vuka. Ekso. 34:6; Joeli 2:13

Eksodusi 32:22

Aroni aku: Hosi yanga, ngha a zanga ya wena yi nga vindluki nguvu! Wa zi tiva lezaku lava vanhu va bihile.

Isaya 12:1

A ka siku lego u taku: O Jehova, nza ku bonga! Hambu lezi u nga nzi zangarele, Kanilezi a zanga ya wena yi bohlile, U tlhela u nzi chavelela.

Isaya 40:1

Chavelelani, chavelelani a vanhu va mina, Ku wula Nungungulu wa nwina.

Isaya 40:2

Wulawulani hi wuxinji ka Jerusalema. Muba nyiwo kakwe lezaku a wukhumbi gakwe gi mbhelile, Lezaku kugoha kakwe ku tsetselelwe, Hakuva a ka zionho zakwe i amukele a nzhiho kambiri hi ka canja ga Jehova.

Isaya 6:7

Gi lo khumba a nomu wa mina ha gona, giku: Languta, a khala legi gi khumbile milomu ya wena, a zigoho za wena zi susilwe, ni kuonha ka wena ku tsetselelwe.

Jeremia 50:20

A masikwini ya xikhati lexo, ku wula Jehova, a kugoha ka Israeli ku ta labyiwa, kanilezi ku nga ha ta kuva kona; ni zionho za ka Juda zi nga ta kumiwa, hakuva nzi ta rivalela lava nzi ta nga va siya kota misalela.

Ezekieli 16:63

kasi u fela ku khumbula, uva ni tingana, u nga ha vululi a nomu wa wena hi kota ya tingana ta wena, laha nzi ta ngava nzi ku tsetselele zontlhe lezi u zi mahileko, ku wula Hosi Jehova.

Jona 3:9

Himani a zi tivako, aku kutani Nungungulu i ta hunzuluka, a tlhela a tsika a zanga yakwe yo tshisa, kasi hi nga lovi ke?

Mika 7:19

U ta tlhela u hi zwela wusiwana, u kanzihela a zigoho za hina; u ta hoxa zontlhe zionho za hina bimbini.

Johani 1:29

Hi manziko wa kona Johani i lo wona Jesu na a kari ata kakwe, aku: Wonani Yivana ya Nungungulu, leyi yi susako zionho za tiko! Ekso. 12:3; Isa. 53:7; Miti. 8:32; 1 Ped. 2:24; 1 Joh. 2:2

Deuteronome 13:17

Ku nga namarelani xilo xinwe xa lezo zo yila mandleni ya wena; kasi Jehova a fela ku bohla zangeni yakwe, a ku zwela wusiwana, a ku mahela wuxinji, zonake a ku enzelekisa khwatsi hi lezi a hlambanyileko ka vararu va wena,

Deuteronome 32:43

Bhumani nwina matiko, yimbelelani hi kutsaka zinwe ni vanhu vakwe, Hakuva Nungungulu i tlhelisele a nkhata wa malanza yakwe, Wa ti photela hehla ka valala vakwe, I maha nzhiho hi kota ya misava yakwe, ni vanhu vakwe. Tis. 9:13; Rom. 15:10; Kuv. 19:2