Tisimu 84:11 - Tshwa Bible

¹¹ Hakuva Jehova Nungungulu i gambo ni xitlhangu; Jehova i ta nyika wuxinji ni wudzunzo, A nga ta va tsona a xilo xo saseka lava va fambako kululameni. Tis. 3:4; 23:1; Isa. 60:19

Tisimu 84:11 Mawu Ofanana

Genesisi 15:1

Anzhako ka lezi zilo ni gezu ga Jehova gi lota ka Abrama hi kulora, giku: U nga chavi, Abrama! Nzi xitlhangu xa wena; a nchachazelo wa wena wa hombe nguvu.

Tisimu 119:114

U wuchavelo ga mina ni xitlhangu xa mina, Nza tsumba a mhaka ya wena.

Tisimu 15:2

Hi loyi a fambako hi nongameto, a mahako kululama; Loyi a wulawulako lisine mbilwini yakwe; Gen. 17:1; Efe. 4:25

Tisimu 27:1

Jehova hi kuwonekela ka mina ni kuhanyisa ka mina; Nzi ta chava mani ke? Jehova hi khokhola ga wutomi ga mina; Nzi ta rurumela ha mani ke?

Tisimu 3:3

Kanilezi wena Jehova u xitlhangu xa mina, U wukosi ga mina, loyi a tlakusako hloko ya mina.

Tisimu 47:9

A tihosana ta matiko ti tsombene, Zinwe ni vanhu va Nungungulu wa Abrahama,

Tisimu 84:9

Nungungulu, xitlhangu xa hina, languta, U cuwuka a nghohe ya a totilweko wa wena.

Tisimu 85:12

Futsi, Jehova i ta hi nyika makatekwa, A tiko ga hina gi ta humesa mihanzu ya gona. Levi 26:4

Mavingu 10:9

Loyi a fambako hi kululama i famba hi kurula; anilezi loyi a fambako hi tindlela ta hava i ta tibyiwa.

Mavingu 2:7

A vakululama i va hlayisela kukateka; i yena xitlhangu xa lava va fambako kululameni;

Mavingu 28:18

Loyi a fambako hi kululama i ta hanyiswa; anilezi loyi a fambako hi tindlela ta kubiha, zalezo i tawa.

Mavingu 28:6

I chukwana a xisiwana lexi xi fambako hi tindlela ta xona to lulama, u hunza loyi a fambako hi tidlela takwe ta kubiha na fumile.

Mika 2:7

Wena yindlu ya Jakobe, xana a Moya wa Jehova wu hatla ku zangara ke? A matirela yakwe hi walawo ke? A timhaka ta mina a ti na wunene ka loyi a fambako hi kululama ke?

Malaki 4:2

Kanilezi nwina lava mu chavako vito ga mina mu ta tsuwukelwa hi gambo ga kululama, na gi hi ni kuhanyisa tipapeni ta gona. Mu ta huma mu khana ku fanana ni marole ma tlhatlhekileko rangeni.

Mateu 6:33

Kanilezi a kuranga lavani mufumo wakwe, ni kululama kakwe, zonake ku ta engetelwa ka nwina zontlhe lezi zilo. Tis. 37:25; Mar. 10:30; Lu. 12:31

Johani 1:16

Hakuva hina hontlhe hi amukele hi kakwe kutala, a wuxinji hehla ka wuxinji. Efe. 1:6; Kol. 1:19

Johani 1:9

A kuwonekela ka zinene, loku ku woningako vanhu vontlhe, ku wa kari kuta misaveni. Isa. 49:6

Johani 8:12

Zonake Jesu i lo engeta a kanela ka vanhu, aku: Mina nzi kuwonekela ka tiko. Loyi a nzi lanzelako a nga ta ha famba munyameni; kanilezi i tava ni kuwonekela ka wutomi. Xip. 1:5, 9; 9:5; 12:35, 46

2 Va le Korinte 3:18

Hina hontlhe lava hi cuwukako a kungangamela ka Hosi hi mahlo ma nga fenengetwangiko a ku khwatsi hi laha wonini, ha hunzuluswa a ku fanana zinwe naye, hi longoloka hi kungangamela kunwe hiya ka kunwani, kota lezi yi tirako Hosi leyi, yi nga Moya. Joh. 9:39; Rom. 8:29; Xip. 4:4, 6; Kol. 3:10

2 Va le Korinte 4:17

Hakuva a kuxaniseka ka hina ko hehuka ka xikhatanyana ntsena, ka hi tirela a ntsengo wa hombe wa wudumo ga pinzukelwa;

Va le Galatia 2:14

Kanilezi laha nzi nga wona lezaku a va ha fambi hi kululamileko kota zinene za ivangeli, mina nzi te ngalo ka Kefasi mahlweni ka vona vontlhe: Loku wena na u hi muJuda, u hanya kota vamatiko, u nga hanyi kota vaJuda, hi yini u kurumetako a vamatiko a ku hanya kota vaJuda ke? Miti. 10:28; 11:3; 1 Tim. 5:20

Deuteronome 18:2

Cima va nga ta kuva na tshomba xikari ka vamakabye vabye; a tshomba yabye hi Jehova, kota lezi a wulileko ka vona.

Va le Filipi 1:6

Nza tsumba lezaku loyi a nga sangulisa a ntiro wo saseka ka nwina, i ta wu mbhelelisa ka kala sikwini ga Jesu Kristu. Joh. 6:29

Va le Filipi 4:19

A Nungungulu wa mina i ta mu nyika zontlhe lezi mu zi vumalako, khwatsi hi kufuma kakwe ni kungangamela kakwe ka Kristu Jesu. Tis. 23:1; Mav. 8:21; 2 Kor. 9:8

Kuvululelwa 21:23

Lomu mutini a ku laveki gambo ni hweti a kuva zi woninga; hakuva wu woningwa hi kungangamela ka Nungungulu, ni kandiya ya wona hi Yivana. Isa. 24:23; 60:19, 20