Tisimu 81:3 - Tshwa Bible

³ Kuwonekeni ka hweti banani mpunzu, Wu biwa ni xikhatini xa babani, Hi siku ga mubuzo wa hina. Ekso. 12:1; Levi 23:5; Deut. 16:1

Tisimu 81:3 Mawu Ofanana

2 Tihosi 4:23

Yena i te ngalo: Na u yela yini kakwe inyamutlha? A hweti a yi se woneka, ni kambe a hi sabado. A wasati i te ngalo: Zi lulamile!

1 Kronekele 15:16

Davida i lo leletela a tihosana ta ka Levi a ku yimisa a vanakulobye ntirweni wa kuyimbelela hi timbila ni zitende, va yimbelela hi ntamu va kombisa kutsaka.

1 Kronekele 15:19

A vayimbeleli ku wa hi Hemani, na Asafa, na Etani, va nga wa hi ni zingomana za suku, va zi gidivela zi vuma nguvu;

1 Kronekele 15:24

Xebania na Joxafate na Netaneli, na Amasai, na Zakaria, Beneia, na Eliezere, va wa hi vapristi kuba mipunzu mahlweni ka arke ga Nungungulu; Obed-Edomi, na Jehia, va wa hi vahlayisi va tinyangwa ta arke.

1 Kronekele 16:42

Hemani na Jedutuni va wa hlayisa a mipunzu ni tingomana ta vayimbeleli ni timbila to yimbelela a tisimu ta Nungungulu; a vana va Jedutuni va wa hi vahlayisi va tinyangwa.

1 Kronekele 16:6

Mupristi Benaia na mupristi Jehazieli va wa fanele ku yima wontihe masiku mahlweni ka arke ga xivumelwano xa Nungungulu, na va khomile mipunzu.

1 Kronekele 25:1

Davida ni tinduna ta yimpi va lo avanyisa a ntiro wa vana va ka Asafa, ni va ka Hemani, ni va ka Jedutuni, lava va nga wa yimbelela hi zitende, ni timbila, ni tingoma hi moya wa ku profeta. A tsengo wa lava va yimisilweko ntirweni lowo hi lowu:

2 Kronekele 13:12

Makunu langutani, Nungungulu i na hina a hi rangela, zinwe ni vapristi vakwe, ni mipunzu leyi Va bako kasi ku mu hangalasa. O, va ka Israeli, mu nga hlomi yimpi muiwa na Jehova Nungungulu wa vararu va nwina, hakuva cima mu nga ta hlula.

2 Kronekele 13:14

A xikhati lexi a va ka Juda va nga cuwuka le nzhako, va lo kuma lezaku ku wa hi ni yimpi le mahlweni ni le nzhako kabye. Zonake va lo rila ka Jehova, a vapristi vaba mipunzu.

2 Kronekele 2:4

Languta, mina nzi lava ku aka a yindlu yi lumbako a vito ga Jehova Nungungulu wa mina nzi yi nyikela kakwe, nzi hisela lomo libani mahlweni kakwe, ni ku veka zibaba wontihe masiku mahlweni kakwe za zikombiso, ni ku mu phahlela hi munyikelo wa kuhiswa wa mixo ni gambo, ni wa masabado, ni wa kuhumeni ka hweti, ni wa mibuzo ya Jehova Nungungulu wa hina. Leyo hi yona a fanelo ya va ka Israeli kala kupinzuka. Levi 24:5; Mitse. 28:3

2 Kronekele 5:12

ni vayimbeleli vontlhe va ka Levi, Asafa, na Hemani, na Jedutuni, ni vana vabye, ni vanakulobye, va wa yimile hi le Muhuma-gambo wa alati, na va ambele a tinguwo ta wukene, na va hi ni tingoma ni timbila ni zitende, na va hi ni 120 wa vapristi laha kusuhani lava va bako mipunzu).

2 Kronekele 8:13

a nyikela miphahlelo ya siku ni siku khwatsi hi lezi Mosi a leleteleko, ya masabado, ni ya kusangula ka hweti, ni ya mibuzo, makhati manharu hi lembe, ni mibuzo ya zibaba zi nga comelwangiko, ni mibuzo ya tisonto, ni mibuzo ya matabernakeli. Levi 23:37; Mitse. 28:2

Tisimu 149:3

A va dumise a vito gakwe hi kukina, Va mu khesa hi tingomana ni zitende. Ekso. 15:20; 2 Sam. 6:14

Tisimu 33:2

Dumisani Jehova hi xitende, Mu kheseni hi xitende xa khume ga tingoti.

Tisimu 98:6

Hi tinanga ni guwa ga makhombela, Hlalelani mahlweni ka Jehova, a Hosi.

Mikosi 2:6

I hahlule a tabemakeli gakwe aku khwatsi gi wova simu; a fuvisa a wutshamu gakwe ga tihlengeletano. Jehova i mahile a va le Zioni va rivala a mitlhangano ya zimuse ni tisabado, Hi kota ya zanga yakwe a nyenya a tihosi ni vapristi.

Nahume 1:15

Langutani le hehla ka zitsunga a mikonzo ya loyi a nehako a mahungu yo saseka, loyi a bako nyiwo ya kurula! wena Juda, maha mibuzo ya wena, u tatisa a zifungo za wena, hakuva a wakubiha a nga ta ha hunza hi ka wena i lobyiselwe magumo.

Mitsengo 15:3

ku taku loku mu humesa munyikelo ka Jehova, wu mahiwako nzilweni, a muphahlelo wa kuhiswa, kutani muphahlelo wa ku tatisa xifungo, kutani munyikelo wa kuranza ka nwina, kutani hi lomu mibuzweni ya nwina; na mu xuva ku nyikela ka Jehova a masema yo nanziha, hi zifuyo lezi za hombe, kutani hi lezi za zitsongwani; Levi 22:21

Mitsengo 28:11

Kusanguleni ka hweti yinwe ni yinwani mu ta nyikela ka Jehova a munyikelo wa kuhiswa wa tinkuzi timbiri, ni hamba, ni 7 wa tihambana ta lembe ginwe a wukale, ti nga hiko na bawa;

Deuteronome 16:15

Lomu ka 7 wa masiku, u ta maha mubuzo wa Jehova Nungungulu wa wena ka wutshamu lego Jehova a ta nga gi hlawula, hakuva Jehova Nungungulu wa wena i ta ku katekisa kontlhe kuhuleni ka wena, ni ka yontlhe mitiro ya mandla ya wena, hikwalaho u tava ni kutsaka hakunene.

Va le Kolosi 2:16

Hikwalaho ngha ku nga hi kona munhu a mu lamulako hi kota ya zakuga kutani kunwa, kutani hi siku ga ximuse, kutani hi kuwoneka ka hweti, kutani hi masabado; Rom. 14:3; Gal. 4:10