Tisimu 79:9 - Tshwa Bible

⁹ Hi vune, Nungungulu wa kuhanyiswa ka hina, Hi kota ya wudumo ga vito ga wena; Hi ponise, u hi rivalela a zionho za hina Hi kota ya vito ga wena.

Tisimu 79:9 Mawu Ofanana

2 Kronekele 14:11

Asa i lo khongela ka Jehova Nungungulu wakwe, aku: Jehova, ahandle ka wena, cima a nga kona munwani a zi kotako ku vunetela lava va nga hiko na ntamu, loku va vukelwa hi lava va nga ni ntamu. Hi vune wena Jehova Nungungulu wa hina, hakuva hina hi tsumba ka wena; hi hlomile yimpi leyi vitweni ga wena a ku talwa ni xidlemo lexi. Wena u Jehova Nungungulu wa hina; ngha a nga hi kona munhu a hlulako wena! Vala. 7:2, 7; 1 Sam. 14:6

Tisimu 115:1

U nga dzunzi hina, Jehova, u nga dzunzi hina, Kanilezi dzunza a vito ga wena, Hi kota ya wuxinji ga wena ni zinene za wena.

Tisimu 25:11

Jehova, hi kota ya vito ga wena Tsetselela kugoha ka mina, hakuva ka hombe.

Tisimu 31:3

Hakuva hi wena ribye ga mina ni khokhola ga mina; Hi kota ya vito ga wena u ta nzi rangela, u nzi fambisa.

Tisimu 65:3

A zigoho zi nzi binzela mina, Kanilezi u ta tsetselela a zihambuko za hina.

Isaya 43:25

Hi mina ntsena nzi vinyako a zihambunyeto za wena hi kota ya mina wutsumbu, Ni zionho za wena nzi nga ta ha zi alakanya.

Isaya 48:9

Kanilezi hi kota ya vito ga mina nzi ta timisela, Hi kota ya wudumo ga mina nzi ta ti khoma, Lezaku nzi nga ku lovisi.

Jeremia 14:21

Hi kota ya vito ga wena, u nga swireki ha hina, U nga wisi tingana a xitshamu xa wena xa wukosi; Alakanya a xivumelwano xa wena na hina, u nga xi tshovi.

Jeremia 14:7

Hambu loku a zionho za hina zi hi ranisa, O Jehova, hi vune hi kota ya vito ga wena. Hakuva hi hluwukile kanyingi, hi ku onhela.

Ezekieli 20:14

Kanilezi hi kota ya vito ga mina, nzi lo maha lezaku gi nga nyenyeziswi mahlweni ka matiko lawa nzi va humesileko mahlweni ka wona. Mitse. 14:13; Deut. 9:28

Ezekieli 20:44

Mu ta zi tiva lezaku hi mina Jehova, loku nzi mu mahele lezo hi kota ya vito ga mina, na ku nga hi ku kota ya mahanyela ya nwina yo biha, ni zimaho za nwina zo biha, nwina va yindlu ya ka Israeli, ku wula Hosi Jehova.

Ezekieli 20:9

Kanilezi hi kota ya vito ga mina, nzi lo maha lezaku gi nga nyenyeziswi mahlweni ka matiko lawa va nga hi xikari ka wona, lawa nzi nga ti tivekisa mahlweni ka wona, hi ku va humesa tikweni ga le Gipite.

Danieli 9:19

Hosi, zwana! Hosi, tsetselela! Hosi, ingisa, tira u nga hlweli; hi kota ya vito ga wena, Nungungulu wa mina, hakuva a muti wa wena ni vanhu va wena va vitanwa hi vito ga wena.

Danieli 9:9

A Hosi Nungungulu wa hina i na ni wuxinji ni kutsetselela hambu lezi hi nga ti alisile.

Malaki 2:2

Loku mu nga xi ingisi, ni loku mu nga xi veki timbilwini ta nwina, lezaku mu dzunza vito ga mina, ku wula Jehova wa tiyimpi, zoriake nzi ta rumela a nzhukano hehla ka nwina, nzi rukatela a makatekwa ya nwina. Ina, nzi sina nzi ma rukatele, hakuva a mu xi khataleli. Deut. 28:15

Va le Efesusi 1:6

kasi ku dumisa a kungangamela ka tipswalo takwe, leti a nga hi nyika tona hi kota ya Xiranzwa xakwe. Isa. 43:21; Mat. 17:5; Rom. 3:24

Joxua 7:9

Laha a vaKanani ni vontlhe lava va akileko lomu tikweni va ta nga zizwa, va ta su ta hi ranzela, va susa a vito ga hina laha misaveni; wenake u ta maha yini hi vito ga wena ga hombe ke? Ekso. 32:12; Mitse. 14:13