Tisimu 79:4 - Tshwa Bible

⁴ Hi mahile a xiruko ka vaakelwane va hina, Hi maha a tseketselo ni xihlekiso ka lava va hi ranzelako.

Tisimu 79:4 Mawu Ofanana

1 Tihosi 9:7

mina nzi ta susa va ka Israeli tikweni legi nzi va nyikileko gona, nzi hoxa kule na mina a yindlu leyi nzi yi basiseleko a vito ga mina; na Israeli i tava tsheketo ni xihlekiso xikari ka matiko wontihe. Deut. 28:37; Jer. 7:15; 24:9

Nehemia 1:3

Vaku ka mina: A misalela leyi yi humileko wukhumbini, yi akileko tikweni legiya, va le kuxanisekeni ka hombe nguvu ni nzhukanweni. A ligingisi la Jerusalema kambe li khungumulwe, a tivati ta lona ni hisilwe hi nzilo. 2 Tih. 25:9

Nehemia 2:19

Kanilezi laha Sanballati a muHoroni, na Tobia a nanza, a muAmoni, na Gexemi a muArabia, va nga zizwa va lo hi tseketsela, va wuta hi ku hi kanyisa, vaku: Xini lexi mu xi mahako? Mu vukela a hosi ke?

Tisimu 80:6

A vaakelwane va hina va bangelana ba hina, Ni valala va hina va hi tseketsela.

Tisimu 89:41

Vontlhe vahunzi va mu phanga, I mahile xiruko ka vaakelwane vakwe.

Isaya 43:28

Hikwalaho nzi tsongahatile a tihosana ta yindlu yo basa, Nzi nyikele Jakobe a kuva a lobyiswa, Na Israeli a kuva a rukiwa.

Jeremia 24:9

A ka matlhelo wontihe va tava xichaviso ni khombo a ka matiko wontihe ya misava, va tava xihlekiso, ni vingu, a xixovo, ni xiruko lomu nzi ta nga va hangalasela kona. Deut. 28:25; 1 Tih. 9:7

Jeremia 25:18

Hi Jerusalema ni miti ya ka Juda, ni tihosi ta kona ni tihosana tabye, lezaku ma maha marumbi, ni xirewukiso, ni xiruko, kota ma nga zona nyamutlha;

Jeremia 42:18

Hakuva Jehova wa tiyimpi, a Nungungulu wa Israeli, i ngalo: Laha mu ta nga enghena Gipite nzi ta chulula a zanga ya mina hehla ka nwina, khwatsi hilezi nzi nga yi chululisisa zona hehla ka vaaki va Jerusalema. Mu tava xiruko ni xirewukiso, mu rukiwe ni ku xanziwa; mu nga ta ha wona legi wutshamu.

Jeremia 51:51

Hazwa tingana hakuva hi zwile a nzhukano, a tinghohe ta hina ti fenengetilwe hi kukanganyiseka, hakuva a vamatiko va enghenile matshanwini ya kubasa ndlwini ya Jehova.

Mikosi 1:11

A vanhu vakwe vontlhe va keta, va lava zakuga; Va humesile titshomba tabye kasi va xava zakuga, kasi ku vuxa wutomi gabye. Jehova, hi nga nzi wona, nzi mahile munhu wo nyenyeza.

Mikosi 5:1

Jehova, alakanya lezi zi bi humeleko, Cuwukisisa a kurukatelwa ka hina.

Ezekieli 22:5

Lava va nga kusuhi ni lava va nga le kule na wena va ta ku hleka, wena loyi u nga ni vito go biha, u teleko hi zolonga.

Ezekieli 35:12

U ta zi tiva lezaku mina Jehova nzi zwile tontlhe a tinzhukano ta wena leti u nga ti wulawula ka zitsunga za ka Israeli, uku: Zi hahlulwe, zi nyikilwe ka hina a kuva hi zi khadamula.

Ezekieli 36:15

Nzi nga ta ku tsika uzwa kambe a xiruko xa matiko, hambu ku rwala a nzhukano ya vanhu; u nga ta khunguvanyisa a tiko ga wena kambe, ku wula Hosi Jehova.

Ezekieli 36:3

Hikwalaho profeta, uku: Hosi Jehova i ngalo: Hakuva va mu hahlule, va mu mita matlhelo wontihe, kasi mu fela ku fumelwa hi matiko manwani, ni lezi mu nga milonwini yo biha ya vanhu ni ya va mahlevo,

Danieli 9:16

Hosi, hi kota ya kululama ka wena kontlhe, hi nga susa a zanga ya wena ni khulo ga wena mutini wa Jerusalema, a xitsunga xa wena xa kubasa. Hakuva Jerusalema ni vanhu va wena va mahile xiruko ka vontlhe lava va hi ranzeleko hi kota ya zionho za hina ni zigoho za vadadani va hina.

Zefania 3:18

Nzita tsombanyisa lava va hulukelako hi kuvumaleka ka tihlengeletano ta ximuse, lava va nga tshamile kule na wena, lava va rweleko a nzhwalo wa nzhukano.

Zakaria 8:13

Khwatsi hilezi mu nga hi xiruko xikari ka matiko, nwina yindlu ya ka Juda ni ya ka Israeli, lezo nzi ta mu hanyisa, muva xikatekiso. Mu nga chavi, kanilezi tiyani hlana.

Deuteronome 28:37

Na wena u tava xihlamaliso ni xihlekiso, ni a xomololwako xikari ka vanhu vontlhe lavo Jehova a ta nga ku yisa ka vona. 1 Tih. 9:7; Jer. 25:9