Tisimu 79:10 - Tshwa Bible

¹⁰ Hikuyini a vamatiko va ta nga wula, vaku: I kwihi Nungungulu wabye? A zi tibyiwe ka vamatiko a kuwoneni ka hina, Lezaku u photelisa kuyini a nkhata wu halatilweko wa malanza ya wena. Ekso. 32:12; Deut. 32:43; Joeli 2:17

Tisimu 79:10 Mawu Ofanana

Tisimu 115:2

Hi yini a matiko ma wulako, maku: I kwihi makunu Nungungulu wabye ke?

Tisimu 42:10

Ku fanana ni kutshobyiwa ka marambu ya mina, Loku a valala va mina va nzi rukatela; Va simamisa va wula ka mina, vaku: I kwihi a Nungungulu wa wena ke?

Tisimu 42:11

Muhefemulo wa mina, Hi yini u xanisekako u karateka lomu nzeni ka mina ke? Tsumba ka Nungungulu, hakuva nza ha ta mu dumisa, Loyi a nga kuhanyisa ka mina ni Nungungulu wa mina.

Tisimu 42:3

A mihloti ya mina kuga ka mina mumu ni wusiku, Hakuva wontihe masiku va wula ka mina, vaku: I kwihi makunu a Nungungulu wa wena ke?

Tisimu 42:4

A muhefemulo wa mina wu rila laha na nzi alakanya Lezaku nzi wa fambisa kuyini ni zidlemo, Nzi zi rangela ndlwini ya Nungungulu Hi magezu ya litsako zinwe ni kudumisa; A xidlemo xi gongako a siku ga ximuse.

Tisimu 58:11

Zonake a vanhu va taku: Kunene, loyi a lulamileko i na ni nchachazelo; Hakunene, ku kona Nungungulu loyi a lamulako misaveni. 2 Tes. 1:5

Tisimu 9:16

Jehova i ti tivekisile, i lamulile: Wa phasa muonhi hi mitiro ya mandla yakwe wutsumbu. (Higgaion. Sela.)

Tisimu 94:1

Jehova, Nungungulu wa kuphotela, Ti wonekelise, Nungungulu wa kuphotela. Deut. 32:35; Jer. 51:56; Rom. 12:19

Eksodusi 6:7

Mina nzi ta mu teka muva vanhu va mina, mina nziva Nungungulu wa nwina, loyi a mu tlhatlhisileko ka mikhinyavezo ya vaGipite;

Eksodusi 7:5

Ni vaGipite va ta zi tiva lezaku hi mina Jehova, loku nzi nawuluta a canja ga mina hehla ka Gipite, nzi humesa a vanana va ka Israeli xikari kabye.

Isaya 64:1

O, loku ku wo khwatsi wa hanzula matilo u chika, Kasi a zitsunga zi wa ta tseka-tseka mahlweni ka wena, Vala. 5:4

Jeremia 51:24

Nzi ta tlhelisela Babuloni ni vaaki vontlhe vo le Kaldea a kubiha kabye kontlhe loku va ku mahileko le Zioni a kuwoneni ka nwina, ku wula Jehova.

Jeremia 51:35

A muaki wa le Zioni i taku ngalo: A hlokiselelo lowu nzi mahelweko wona mirini wa mina a wuve hehla ka Babuloni; na Jerusalema i taku: A nkhata wa mina a wuve hehla ka vaaki va le Kaldea.

Mikosi 1:22

A kubiha kabye kontlhe a kute mahlweni ka wena, U maha kabye kota lezi u mahileko ka mina hi kota ya zihambunyeto za mina zontlhe; Hakuva nzi hefemuteka nguvu, ni mbilu ya mina yi na ni gome.

Ezekieli 36:23

Nzi ta basisa a vito ga mina ga hombe, legi gi nyenyezisilweko xikari ka matiko, legi mu gi nyenyezisileko xikari ka wona. A matiko ma ta zi tiva lezaku hi mina Jehova, ku wula Hosi Jehova, laha nzi ta nga basiswa xikari ka nwina a mahlweni kabye.

Joeli 2:17

A vapristi va nga malanza ya Jehova, a va rile laha xikari ka ligumbagumba ni alati, vaku: Rivalela a vanhu va wena Jehova, u nga nyikeli a tshomba ya wena a kuva yi tseketselwa, yi hlekiwa hi vamatiko. Ku ta wulelwa yini xikari ka matiko, vaku: I kwihi a Nungungulu wabye?

Mika 7:10

A valala va mina va ta zi wona, vawa tingana, lava va nge ngalo: I kwihi Jehova a Nungungulu wa wena? A mahlo ya mina ma ta tsaka a kuwoneni kabye, hakuva va ta kanzihelelwa khwatsi i nzhope ya lomu tindleleni.

Va le Roma 12:19

Mu nga ti photeli varanzekako, kanilezi tlhalukelani a zanga ya Nungungulu; hakuva ku tsalilwe ku ngalo; A kuphota ka mina, mina nzi ta tlhelisela, ku wula Hosi. Deut. 32:35

Deuteronome 32:43

Bhumani nwina matiko, yimbelelani hi kutsaka zinwe ni vanhu vakwe, Hakuva Nungungulu i tlhelisele a nkhata wa malanza yakwe, Wa ti photela hehla ka valala vakwe, I maha nzhiho hi kota ya misava yakwe, ni vanhu vakwe. Tis. 9:13; Rom. 15:10; Kuv. 19:2

Kuvululelwa 18:20

Bhumani ha wona wena tilo na nwina vobasa, na nwina vapostoli, na nwina vaprofeti; hakuva Nungungulu i wu lamulile a ku photela nwina. Jer. 51:48; Lu. 11:49