Tisimu 78:69 - Tshwa Bible

⁶⁹ I akile a wutshamu gakwe ga kubasa gi tlakuka khwatsi i tilo, Gi tiya kota misava leyi a yi tiyisileko kala kupinzuka.

Tisimu 78:69 Mawu Ofanana

1 Tihosi 9:8

Ni yindlu leyi, hambu loku yi tlakukile kota lezi, ni wihi loyi a ta nga hunza hi laha kusuhani ka yona, i ta hlamala, aba noti, aku: Hi kuyini Jehova a maha za kunghahi ka tiko legi ni yindlu leyi ke?

1 Kronekele 29:1

Hosi Davida i te ngalo ka tlhangano: A nʼwana wa mina Solomoni, loyi ku nga yena a hlawulweko hi Nungungulu, wa hi tsongwani, a nga se ngava ni ntamu, kanilezi a ntiro ngwa hombe, hakuva a yindlu leyo a hi ya munhu, kanilezi nja Jehova Nungungulu.

1 Kronekele 29:19

U nyika ka nʼwana wa mina Solomoni a mbilu yi mbheleleko a ku hlayisa milayo ya wena, ni timhaka ta wena, ni zileletelo za wena, ni ku maha a zilo lezi zontlhe, ni ku aka a yindlu leyi nzi yi longiseleko!

2 Kronekele 2:9

Va ta nzi longisela a tisinya to tala, hakuva a yindlu leyi nzi ta nga yi aka yi tava ya hombe, yo saseka nguvu.

2 Kronekele 3:4

A nyangwa leyi yi nga wa mahlweni ka yindlu: a kuanama ka yona ku wa hi 20 wa mikono, ku fanana ni kuanama ka yindlu; a kutlakuka ka yona ku wa hi 120 wa mikono. Nzeni ka yona i wa nameketele nzalama yo saseka.

Joba 26:7

Yena wa andlala Nwalungu hehla ka wutshamu gi nga hiko na nchumu; A hayeka misava laha ndengelengeni.

Tisimu 102:25

Kale na u vekile a xiseketelo xa misava, A matilo i ntiro wa mandla ya wena. Maheb. 1:10

Tisimu 104:5

V yimisile misava ziseketelweni za yona, Yi nga tsekatseki kala kupinzuka.

Tisimu 87:1

A ziseketelo za Zioni zi lomu zitsungeni za kubasa.

Isaya 48:13

I canja ga mina gi akileko a xiseketelo xa misava, Ni canja ga mina ga xinene gi lo andlala tilo; Nzi lo zi vitana zi tumbuluka khatiginwe. Tis. 33:9; Maheb. 1:10

Isaya 51:6

Tlakusani a mahlo ya nwina le tilweni, Mu cuwuka ni laha misaveni; Hakuva a tilo gi ta nwalala khwatsi i musi, Ni misava yi ta hlakala khwatsi i nguwo; Ni lava va tshamako ka yona va tafa kota ziwunuwunwani; Kanilezi a kuhanyisa ka mina ku ta su tsoma kala kupinzuka, Ni kululama ka mina ku nga ta mbhela.

Kuvululelwa 20:11

Zonake nzi lo wona a xitshamu xa hombe xa wuhosi xo basa, ni loyi a tshamileko ka xona; a tilo ni misava zi lo tsutsuma nghoheni yakwe, a zi kumelwangi wutshamu. Dan. 2:35; 2 Ped. 3:10

1 Samueli 2:8

Wa humesa xisiwana lomu tshurini, Wa tsawula muvumali lomu maropeni, A va tshamisa zinwe ni tihosi, Ni ku va nyika a tshomba ya xitshamu xa wukosi. Hakuva a ziseketelo za misava za Jehova, I yimisile misava hehla ka zona.