Tisimu 78:55 - Tshwa Bible

⁵⁵ I lo hlongola a vamatiko mahlweni kabye, A va avanyisela a tshomba yabye hi lipimo, A akisa a tixaka ta ka Israeli matendeni yabye.

Tisimu 78:55 Mawu Ofanana

Tisimu 44:2

U lo hlongola a vamatiko hi canja ga wena, Kanilezi vona u va zimekile; U lo mbhetisa matiko manwani, kasi vona va fela ku enzeleka. Ekso. 15:17

Tisimu 44:3

Hakuva a va kumangi tiko hi matlhari yabye, A va hlulangi hi mawoko yabye, Kanilezi hi canja ga wena ga xinene, ni woko ga wena, Ni kuvaninga ka nghohe ya wena, hakuva u lo xalala ha vona. Ekso. 33:14; Mitse. 6:25; Jox. 24:12

Isaya 34:17

Hakuva i zi hlahluvile, A canja gakwe gi zi avele a tiko, Gi gi pimile hi lingoti; Zi ta gi fumela kala kupinzuka, A xizukulwana ni xizukulwana xi ta tshama lomo.

Mitsengo 33:54

Nwina mu ta avela a tiko hi ku hlahluveta hi tinyangwa ta nwina; ka lava vo tala mu ta va nyika a tshomba ya hombe; mu nyika a tshomba yi tsongwani ka lava va nga va tsongwani. Loyi ni loyi i ta kuma a xiavelo xakwe hi ku komba ka tihlolo; mu ta amukela a tshomba ya nwina hi tinyangwa ta vararu va nwina.

Joxua 13:7

Makunu lezi avela a tiko legi hi ku hlahluva, gi tava tshomba ya 9 wa tinyangwa, ni khihlanya ga nyangwa ya ka Manasa.

Joxua 19:51

Leti hi titshomba leti ti avelweko hi Eliazari mupristi na Joxua nʼwana Nuni, ni tihosana leti ti nga vararu va tixaka ta vanana va ka Israeli, ti avelweko hi kuhlahluva le Xilo mahlweni ka Jehova, laha nyangweni ya tenda ga mutlhangano: zinghaho va lo mbheta a ku avela a tiko.

Joxua 21:43

Zinghaho Jehova i lo nyika ka Israeli gontlhe a tiko legi a nga wa hlambanyile ka vararu vabye a ku va nyika gona, zonake va lo gi amukela, va tshama ka gona.

Joxua 23:4

Langutani, nzi mu avele lawa matiko hi ku hlahluvela, wona matiko lawa ma seleko ni wontihe matiko lawa nzi ma lovisileko kusukela Jordani, kala le Bimbini ga Hombe, hi le Muhlwa-gambo, kasi gi maha tshomba ya nwina, ni zizukulwana za nwina.