Tisimu 76:8 - Tshwa Bible

⁸ U lo zwata a kulamula ka wena hi le tilweni, A misava yi lo chava, yi miyela,

Tisimu 76:8 Mawu Ofanana

2 Tihosi 22:13

Fambani mu ya nzi wutisela ka Jehova, mu wutisela ni vanhu vontlhe va ka Juda, xungetano ni timhaka ta bhuku legi gi thumbilweko, hakuva a zanga ya Jehova yi vurako hehla ka hina nja hombe, hakuva a vadadani va hina a va ingisangi timhaka ta bhuku legi, ni ku maha zontlhe kota lezi hi layilweko ka gona.

1 Kronekele 16:25

Hakuva Jehova ngwa hombe, i fanekelwe hi ku dumiswa. Yena wa chaveka ku hunza vanungungulu vontlhe.

1 Kronekele 16:30

Rurumelani mahlweni kakwe, nwina misava yontlhe! A misava yi tiyile, cima yi nga ta tsekatsekiswa.

Nehemia 1:5

nziku: Nza ku khongotela Jehova, wena Nungungulu wa tilo, Nungungulu wa hombe a chavekako, loyi a hlayisako a xivumelwano, a mahela wuxinji lava va mu ranzako va hlayisako zileletelo zakwe, Ekso. 20:6; Mitse. 14:18; Dan. 9:4

Joba 25:2

A kufuma ni kuchabyiwa zi ka Nungungulu; Wa vanga kurula matshanwini yakwe ma tlakukileko.

Tisimu 46:10

Yimani, mu tiva lezaku mina nzi Nungungulu; Nzi ta tlakuswa xikari ka matiko, nzi ta tlakuswa misaveni. Isa. 30:15

Eksodusi 19:10

Jehova i te ngalo ka Mosi: Famba ka vanhu u ya va basisa nyamutlha na manziko, va hlaza tinguwo tabye;

Jeremia 10:10

Kanilezi Jehova i Nungungulu wa zinene, I Nungungulu loyi a hanyako, a Hosi ya pinzukelwa; A misava yi rurumela zangeni yakwe, A matiko a ma na ku yima mahlweni ka khulo gakwe.

Jeremia 49:19

Languta, i tata kota nghala yi humako hi lomu xihlahleni xa Jordani, yiya wugehveni go nyuka. Nzi ta mu hlongola xikanwe; ni wihi loye nzi mu hlawulako, nzi ta mu yimisa hehla ka gona. Hakuva himani a kotako mina? Himani a ta nga nzi yimisela xikhati ke? Himani murisi a ta nga tiya mahlweni ka mina ke?

Nahume 1:6

Himani a nga yimelako a zanga yakwe? Himani a nga tiyelako a kuhisa ka zanga yakwe? A khulo gakwe gi halaka khwatsi i nzilo, a maribye ma panzeka mahlweni kakwe.

Habakuka 2:20

Kanilezi Jehova i lomu tempeleni yakwe yi basileko, a misava yontlhe ngha yi rutisa mahlweni kakwe! Zef. 1:7; Zak. 2:13

Zakaria 2:13

A nyama yontlhe ngha yi miyela mahlweni ka Jehova; hakuva i vukile wutshanwini gakwe gi basileko. Hab. 2:20; Zef. 1:7

Valamuli 5:20

Ku wa hi kona kulwa hi le tilweni, A tinyeleti lomu tindleleni ta to na ti lolwa na Sisera. Ekso. 14:24; Jox. 10:12