Tisimu 76:6 - Tshwa Bible

⁶ Vontlhe vakhileli va tikareta va etlele ni mahaxi yabye. Hi kota ya kukawukwa hi wena, Nungungulu wa Jakobe.

Tisimu 76:6 Mawu Ofanana

2 Samueli 10:18

A maSiria ma lo panzanyeka mahlweni ka Va ka Israeli, na Davida i lo daya a 700 wa vakhileli va tikareta, ni 40,000 wa vakhileli va mahaxi, a daya Xobaka a nduna ya yimpi afa kwalaho.

2 Tihosi 19:35

Zonake ka gwalego wusiku a ngelosi ya Jehova yi lo huma yi ya hlasela 185,000 wa vavanuna lomu wugovelweni ga maAsiria. A xikhati lexi a vanhu va nga vuka ni mixo, va lo kuma lezaku vontlhe va wa file.

2 Kronekele 32:21

Jehova i lo rumela a ngelosi leyi yi nga ya lovisa tontlhe tinhenha, ni varangeli, ni tinduna lomu wugovelweni ga hosi ya Asiria. Zinghaho Sennakeribe i lo tlhela hi tingana aya tikweni gakwe. Laha a nga enghena lomu ndlwini ya vanungungulu vakwe, a vanhu va ku huma hi lomu marumbyini yakwe va lo mu gwaza kwalomo hi tlhari.

Tisimu 104:7

Kanilezi hi ku ma kawuka ka wena ma lo tsutsuma, Hi kudzinza ka gezu ga wena ma lo hatlisa mapswa.

Tisimu 18:15

A milonga ya mati yi lo woneka, Ziseketelo za misava zi sala kubaseni, Hi kota ya kupambula ka wena, Jehova, Hi kota ya xikuhe xa tinhovu ta wena.

Tisimu 80:16

Yi swile hi nzilo, yi tsemilwe; Va lova hi kukawukwa hi nghohe ya wena.

Eksodusi 15:1

Zonake Mosi ni vanana va ka Israeli va lo yimbelela ka Jehova lisimu leli, vaku: Nzi ta yimbelela ka Jehova hakuva i tlakukile nguvu; I hoxile bimbini a haxi ni mukhileli wa gona.

Eksodusi 15:10

U lo pupuxa hi moya wa wena: A bimbi gi lo va khubunyeta; Va lo rikha kota xiketse, Lomu nonzweni wa mati yo eta.

Eksodusi 15:21

Miriamu i lo vumelana navo, aku: Tsakelani Jehova hakuva i dzunzekile nguvu; I hoxile a haxi ni mukhileli wa gona lomu bimbini.

Isaya 37:36

A ngelosi ya Jehova yi lo huma yiya wugovelweni ga maAssiria yi ya daya 185,000 wabye; laha vanhu va nga vuka ni mixo zi wa hi zirumbi ntsena.

Jeremia 51:39

Loku va kufumele nzi ta va mahela mubuzo; Nzi ta va popisa kasi va fela ku tsaka, Va etlela wurongo gi nga mbheliko, Va nga ha vuki, ku wula Jehova.

Jeremia 51:57

Nzi ta popisa a tihosana ni titlhari takwe, a vamwamangulu ni tinduna takwe, ni tinhenha takwe. Va ta etlela wurongo gi nga mbheliko, va nga vuki kambe, ku wula Hosi, loyi a nga Jehova wa tiyimpi a vito gakwe.

Ezekieli 39:20

Laha mezeni ya mina mu ta xura hi mahaxi yo khilele ni ya tikareta, hi tinhenha ni vanhu vontlhe va yimpi, ku wula Hosi Jehova.

Nahume 1:6

Himani a nga yimelako a zanga yakwe? Himani a nga tiyelako a kuhisa ka zanga yakwe? A khulo gakwe gi halaka khwatsi i nzilo, a maribye ma panzeka mahlweni kakwe.

Nahume 2:13

Languta, nzi ta ku vukela, ku wula Jehova wa tiyimpi; nzi ta hisa tikareta ta wena, ti maha musi; a supado yi ta lovisa a tinghalana ta wena. Nzi ta susa misaveni lezi u zi phangileko, ni magezu ya mitsumi ya wena ma nga ta ha zwala kambe.

Nahume 3:18

Wena hosi ya le Assiria, a varisi va wena va etlele, a tinhenha ta wena ti le kuhumuleni. A vanhu va wena va hangalakile lomu xitsungeni, a nga kona a nga va tsombanyisako. Mitse. 27:17; 1 Tih. 22:17

Zakaria 12:4

Hi siku lego, ku wula Jehova, nzi ta dzukisa a mahaxi wontlhe, nziba a vakhileli va wona hi lihlanyi. Kanilezi nzi ta cuwuka a yindlu ya ka Juda hi mahlo ya mina, nzi maha mahaxi wontlhe ya matiko kuva zikhumu.

1 Samueli 26:12

Zinghaho Davida i lo teka a tlhari ni nghotso le hlokweni ya Saule va ti fambela. Kanilezi ku wa nga hi kona a munhu a nga va wonile hambu ku va tiva. Ku wa nga hi kona ni munwe wa kuva a nga vuka, hakuva va wa etlele vontlhe; Jehova i wa va etlelisile wurongo go eta.