Tisimu 74:9 - Tshwa Bible

⁹ A ha ha zi woni a zikombiso za hina, A ka ha hi na muprofeti; Xikari ka hina a nga kona a tivako lezaku ku tava kala rini. Ezek. 7:26; Am. 8:12

Tisimu 74:9 Mawu Ofanana

Eksodusi 12:13

A nkhata wu tava xikombiso xa nwina, ka tiyindlu leti mu nga ka tona; loku nzi wona nkhata, zonake nzi ta hunza; kasi a mhango yi nga engheni xikari ka nwina yi mu daya, xikhati lexi nzi dayako vaGipite.

Mikosi 2:9

A tinyangwa takwe ti wile lahasi, a tshoveletela zikwinyaro za kona; A hosi ni tihosana ta kona ti lomu matikweni, a ka ha hi na nayo; A vaprofeti vakwe a va ha kumi miwoniso hi ka Jehova.

Ezekieli 20:12

Tlhatakumbiri nzi lo va nyika a masabado ya mina, mava xikombiso xikari ka mina na vona, kasi va fela ku zi tiva lezaku hi mina Jehova nzi va basisako.

Ezekieli 7:26

A khombo gi ta lanzelwa hi khombo, a nkosi yi ta lanzelwa hi nkosi; va ta kombela muwoniso ka vaprofeti; kanilezi a vapristi va ta rivakelwa hi nayo, ni masingalakati ma ta vumala wusungukati. Jer. 4:20; 18:18

Amosi 8:11

Hosi Jehova i ngalo: Ma hata masiku lawa nzi ta nga rumela a ndlala misaveni, na ku nga hi ndlala ya zakuga, kutani a tora go lava mati, kanilezi a ndlala yo lava timhaka ta Jehova.

Mika 3:6

Hikwalaho mu ta humelwa hi wusiku, kasi mu nga hi na miwoniso; ku tava munyama ka nwina kasi mu nga ha vumbi. A gambo gi ta pelela a vaprofeti, ni hlikanhi wu ta phuma hehla kabye.

Mika 3:7

A zitumbe zi tawa tingana, a vangoma va ta kanganyiseka; vontlhe va ta vala milomu, hakuva ku hava hlamulo wu tako hi ka Nungungulu. Levi 13:45

Maheberu 2:4

Nungungulu kambe i lo maha wukustumunyu zinwe navo hi ziwoniso ni zirewukiso ni mitiro yinyingi ya ntamu, a avela a zinyikiwo za Moya wa ku Basa kota kuranza kakwe yena nwinyi. Mar. 16:20; Miti. 2:22; Rom. 15:18-19

Valamuli 6:17

Gideoni aku kakwe: Loku mina hakunene nzi kumile thomo mahlweni ka wena, hi nga nzi wonisa xikombiso xi kombisako lezaku hi wena u wulawulako na mina.

1 Samueli 3:1

Mufana Samueli i lo khozela Jehova mahlweni ka Eli. Kanilezi a mhaka ya Jehova yi wa kala masikwini lawo, ni ziwoniso zi wa nga tali.