Tisimu 72:19 - Tshwa Bible

¹⁹ A gi khesiwe a vito gakwe ga hombe kala kupinzuka; A misava yontlhe ngha yi tala hi wudzunzo gakwe. Amen ni Amen!

Tisimu 72:19 Mawu Ofanana

1 Tihosi 1:36

Zonake Benaia wa Jehoiada i lo hlamula, aku: Amen! A wulise zalezo Jehova Nungungulu wa hosi ya mina!

Nehemia 9:5

Zonake a vaLevi, na Jexua, na Kadmieli, na Bani, na Haxabneia, na Xerebia, na Hodia, na Xebania, na Petahia, vaku: Sukani mu yima, mu bonga Jehova Nungungulu wa nwina kala kupinzuka. A gi bongiwe a vito ga wena gi dzunzekileko, gi tlakukileko, gi hunzeleleko kudumiswa kontlhe.

Tisimu 41:13

A bongiwe Jehova, a Nungungulu wa Israeli, Kusukela kupinzukeni kala kupinzuka! Amen, Amen!

Tisimu 89:52

A khesiwe Jehova kala kupinzuka, Amen ni Amen!

Isaya 11:9

A xitsungeni xontlhe xa mina xa kubasa ku nga ta gohiwa nchumu hambu ku onhiwa, Hakuva ku tiva Jehova ku tava ku enetile misava, Khwatsi hi lezi a mati ma fenengetiieko a kueta ka bimbi.

Isaya 6:3

A ginwe gi lo kanyuluka ka ginwani, giku: Basa, basa, basa, yena Jehova wa tiyimpi; Yontlhe misava yi tele hi kungangamela kakwe!

Jeremia 28:6

muprofeti Jeremia aku: Amen! Jehova a mahe lezo. Ngha Jehova a tatisa a timhaka ta wena, leti u ti profetileko, ta ku wuyisa a zibya za yindlu ya Jehova, ni vontlhe va nga wukhumbini ga le Babuloni, va wuya laha.

Habakuka 2:14

Hakuva a misava yi ta tala hi ku tiva a wukulu ga Jehova, kota lezi a kueta ka bimbi ku fenengetwako hi mati.

Zakaria 14:9

Jehova i tava hosi ya misava yontlhe; hi siku lego Jehova i tava munwe, ni vito gakwe gi tava ginwe. Mal. 1:11; Joh. 10:16

Malaki 1:11

Hakuva a vito ga mina ga hombe xikari ka vamatiko kusukela kutsuwukeni ka gambo kala kupeleni ka gona: matshanwini wontlhe ku hiswa a libani vitweni ga mina, zinwe ni minyikelo yi basileko; hakuva a vito ga mina ga hombe xikari ka vamatiko, ku wula Jehova wa tiyimpi.

Mitsengo 14:21

Kanilezi hakunene kota lezi nzi hanyako, a kungangamela ka Jehova ku ta tata misava yontlhe.

Mitsengo 5:22

ni mati lawa ma vangako nzhukano ma ta enghena lomu rumbyini ga wena, ma vimbisa a rumbu ga wena, ni ku wunisa a mahangaswa ya wena. A wasati i taku ngalo: A zive nghaho, a zive nghaho!

Mateu 6:10

A wute mufumo wa wena. Kuranza ka wena a ku mahiwe misaveni, kota lezi ku mahiwako le tilweni.

Mateu 6:13

U nga hi yisi minzhingweni, kanilezi hi tlhatlhise ka loyi wa kubiha. Lu. 22:40, 48; Joh. 17:15; Kuv. 3:10

Kuvululelwa 1:18

ni Loyi a hanyako. Nzi wa file, kanilezi makunu nza hanya kala kupinzuka; nzi na ni tipfhungulo ta kufa ni ta wutshamu ga vafileko. Tis. 68:20; Rom. 6:9

Kuvululelwa 22:20

Loyi a nga kustumunyu wa timhaka leti i ngalo: Ina, nzata lokuloku. Amen! Tana Hosi Jesu! 2 Tim. 4:8

Kuvululelwa 5:13

Ni zilo zontlhe zi vangilweko lezi zi nga le tilweni, ni za laha misaveni, ni lezi zi nga lahasi ka misava, ni lezi zi nga bimbini, ni zontlhe zi nga ka zona, nzi lo zizwa ziku: A kubongwa, ni wudumo, ni kukhesiwa, ni kufuma, a zive ka loyi a tshamileko xitshanwini xa wuhosi ni ka Yivana, kala kupinzuka ni kupinzuka. Fil. 2:10; 1 Tim. 6:16; Xip. 7:10