Tisimu 72:15 - Tshwa Bible

¹⁵ I ta hanya, va ta mu nyika nzalama ya le Xeba; Va ta mu kombelela xontlhe xikhati, va mu khesa siku ni siku.

Tisimu 72:15 Mawu Ofanana

1 Tihosi 10:10

Zonake i lo nyika a hosi a 120 wa titalenta ta nzalama, ni mipepo yo tala nguvu, ni maribye ya tsengo. Cima ku wa nga tangi ni siku ginwe a mipepo yo tala nguvu kota leyi yi ngata ni muzinza wa le Xeba ku ta nyika hosi Solomoni.

1 Tihosi 10:14

A kubinza ka nzalama leyi yi nga wata ka Solomoni lembe ni lembe, ku wa hi 666 wa titalenta ta nzalama,

2 Kronekele 9:1

Laha a muzinza wa le Xeba wu nga wa zwile hi wudumo ga Solomoni, wu lota le Jerusalema a ku ta ringa Solomoni hi ziwutiso zo binza; wu lota ni vanhu vo tala nguvu, ni makameli lawa ma nga wa rwele makha ni nzalama yo tala, ni maribye ya malongo. Wu lota ka Solomoni wu ta mu hlawutela lezi zi nga wa hi mbilwini ya wona. Mat. 12:42; Lu. 11:31

Tisimu 21:4

I lo kombela wutomi, wena u mu nyika, A wutomi go leha, ga pinzukelwa. Tis. 61:6; Rom. 6:9

Tisimu 45:4

Khilela haxi hi kungangamela ka wena u ya hlula, Na u lwela zinene, ni kurutisa, ni kululama; Zonake a canja ga wena ga xinene gi ta ku gonzisa mitiro yi rewukisako.

Tisimu 72:19

A gi khesiwe a vito gakwe ga hombe kala kupinzuka; A misava yontlhe ngha yi tala hi wudzunzo gakwe. Amen ni Amen!

Isaya 60:6

A makameli yo tala ma ta ku fenengeta, Ni marole ya makameli ya le Midiani ni ya le Efa; Vontlhe va le Xeba va tata va neha nzalama ni hlakati, Va taba nyiwo hi kudumiswa ka Jehova.

Mateu 2:11

Va lo enghena lomu ndlwini, va wona a xihlangana ni nyine wa xona Maria; va lo xi khizamela, va vulula zikhwama zabye va mu nyika zinyikiwo: a nzalama ni hlakati ni mira. Tis. 72:10

Mateu 21:9

Ni zidlemo lezi zi nga rangile ni lezi zi nga lanzela, zi lo kanyuluka, ziku: Hozana ka Nʼwana Davida; a ku khesiwe yena loyi a tako vitweni ga Hosi; Hozana ka le hehla-hehla. Tis. 118:26; Xip. 23:39

Mateu 6:10

A wute mufumo wa wena. Kuranza ka wena a ku mahiwe misaveni, kota lezi ku mahiwako le tilweni.

Johani 11:25

Jesu aku kakwe: Mina nzi kuvuka ni wutomi; loyi a kholwako ka mina, hambu loku a file, i ta hanya; Xip. 1:4; 3:36; 5:21; Kol. 3:4

Johani 14:19

Ka ha hi xikhatanyana, zonake a tiko gi nga ta ha nzi wona; kanilezi nwina mu ta nzi wona, hakuva nza hanya, na nwina mu ta hanya. Xip. 16:16; 1 Kor. 15:20

Johani 5:23

kasi vontlhe va fela kuva ni xichawo hi Nʼwana, kota lezi va nga ni xichawo hi Dadani. Loyi a nga hiko na xichawo hi Nʼwana, a nga chavi ni Dadani loyi a mu rumileko. 1 Joh. 2:23

2 Va le Korinte 13:14

A tipswalo ta Hosi Jesu Kristu, ni liranzo la Nungungulu, ni kutlhangana ka Moya wa ku Basa, a zive na nwina nwenthle.

Va le Filipi 2:11

kasi a tirimi tontlhe ti fela ku wulela lezaku Jesu Kristu i Hosi, a dumiswa Nungungulu Dadani. Joh. 13:13

1 Va le Tesalonika 3:11

Makunu ngha Nungungulu a Dadani wa hina, ni Hosi ya hina Jesu Kristu, va hi lulametela a ndlela ya kuta ka nwina.

2 Timote 4:22

A Hosi a yive ni moya wa wena. A tipswalo a tive na nwina.

2 Pedro 3:18

Kanilezi kutani tipswalweni ni kutiveni ka Hosi ni Muhanyisi wa hina Jesu Kristu. Ka yena a kuve wudzunzo makunu ni kala kupinzuka. Amen. Efe. 4:15; 1 Ped. 2:2; Kuv. 1:6

1 Johani 1:2

(Hakuva a wutomi gi lo wonekeliswa, hina hi gi wonile, hi maha wukustumunyu ha gona, hiba hungu ka nwina hi wutomi legi ga pinzukelwa, legi gi nga hi zinwe na Dadani, gi lo wonekeliswa ka hina,) Joh. 1:1, 2, 4; Rom. 16:26

Juda 1:25

a ka Nungungulu leyi wa munwe a nga Muhanyisi wa hina ha Jesu Kristu, a Hosi ya hina, a kuve wudzunzo, ni wukulu, ni kufuma, ni ntamu, na zi nga seva kona zikhati, ni makunu, ni ku kala kupinzuka. Amen.

Kuvululelwa 1:18

ni Loyi a hanyako. Nzi wa file, kanilezi makunu nza hanya kala kupinzuka; nzi na ni tipfhungulo ta kufa ni ta wutshamu ga vafileko. Tis. 68:20; Rom. 6:9