Tisimu 7:9 - Tshwa Bible

⁹ Ngha ku mbhela a kubiha ka va nga lulamangiko; Kanilezi u tiyisa laʼvo lulama; Hakuva wena Nungungulu u lulamile, wa hlolisisa timbilu ni tiswa. 1 Sam. 16:7; Joba 7:17; Kuv. 2:23

Tisimu 7:9 Mawu Ofanana

Genesisi 20:5

A nga wulangi ka mina lezaku loyi makweru ke? Na yenawu wasati a nga wulangi ka mina lezaku makabye wa mina ke? Nzi mahile lezi zilo hi kululama ka mbilu ya mina ni kubasa ka canja ga mina.

1 Tihosi 8:32

zi ingise wena na u hi kwaseyo tilweni; u tsema timhaka ta malanza ya wena; u kombisa wa kubiha hi ku tlhelisela hlokweni yakwe a kubiha kakwe; ni ku kombisa kululama ka loyi a mahileko kululama.

1 Kronekele 28:9

Wena nwananga Solomoni, tiva Nungungulu wa dadani wa wena, u mu khozela hi mbilu yi basileko ni kutsaka ka muhefemulo; hakuva Jehova wa kamba timbilu tontlhe, a tiva a timhaka tontlhe ta maalakanyo ya mbilu. Loku wena u mu hlota, u ta mu kuma; kanilezi loku wena u mu tsika, yena i ta ku hoxa kule kala kupinzuka. Isa. 55:6; Jer. 11:20; Kuv. 2:23

Tisimu 10:15

Tshova a woko ga wakubiha; Tsayisa a kubiha kakwe kala u nga ha ku kumi.

Tisimu 10:18

Kasi ku lulamisa timhaka ta zisiwana ni ta va tsimbeketilweko. Lezaku a munhu wa misava a fela ku kala a nga ha chavisi kambe. Deut. 10:18; Isa. 2:22

Tisimu 11:5

Jehova wa kamba loyi a lulamileko; Kanilezi wa venga a wakubiha ni loyi a ranzako kuleva.

Tisimu 139:1

Jehova, u nzi hlotile, wa nzi tiva.

Tisimu 17:3

U hlolile a mbilu ya mina, u yi hlolisisa ni wusiku; U nzi hlolile, kanilezi a ku kumangi nanzu; A maalakanyo yo biha a ma humi nonwini wa mina.

Tisimu 18:21

Hakuva nzi hlayisile a tindlela ta Jehova, A nzi onhangi nzi fularela a Nungungulu wa mina;

Tisimu 26:2

Jehova, nzi hlole, u nzi kamba, U ringa tiswa ta mina ni mbilu ya mina.

Tisimu 35:23

Vuka, u nzi yimela, u nzi lulamisela; Yimela a mhaka ya mina, wena Nungungulu wa mina ni Hosi ya mina.

Tisimu 37:23

Jehova wa tiyisa a mikonzo ya loyi a lulamileko, Wa xalaliswa hi hanyela gakwe.

Tisimu 40:2

I nzi humesile rinzini ga lufu, Ni lomu maropeni ya phiriwa; I yimisile a mikonzo ya mina le ribyeni, I tiyisile kufamba ka mina.

Tisimu 43:1

Nungungulu, tsema mhaka ya mina, u nzi yimela Ka lixaka leli li nga hiko na wunene; Nzi hlangute ka vakhohlisi ni lava va nga lulamangiko.

Tisimu 44:21

Xana Nungungulu a wa nga zi tivangi ke? Hakuva wa tiva a mifihlakalo ya mbilu.

Tisimu 58:6

Nungungulu, tshova meno yabye milonwini yabye, Jehova, kunula a meno ya hombe ya tinghalana.

Tisimu 9:9

Jehova i khokhola ga lava va xanisekako, Mbuchavelo zikhatini za zikarato.

Tisimu 96:10

Kanelani xikari ka matiko, muku: Jehova wa fuma; Hikwalaho misava yi tiyile, a yi na ku tsekatsekiswa, I ta lamula a matiko hi nongameto.

Tisimu 96:13

Mahlweni ka Jehova hakuva wata, Hakuva i tela ku ta lamula misava, I ta lamula tiko hi nongameto, Ni matiko hi kutsumbeka kakwe. Miti. 17:31

Tisimu 98:9

Mahlweni ka Jehova, hakuva wata a ku ta lamula misava; I ta lamula tiko hi nongameto, Ni matiko hi kululama kakwe. Miti. 17:31

Jeremia 11:20

Kanilezi Jehova wa tiyimpi Mulamuli a lulamileko, loyi a hlolako a tiswa ni mbilu. Nzi ta wona loku u nzi photela ka vona, hakuva nzi ku tivisile a mhaka ya mina. 1 Sam. 16:7

Jeremia 17:10

Mina Jehova nzi hlota mbilu, nzi kamba a tiswa; Nzi nyika ka munwe ni munwani kota mahanyela yakwe, Kukotisa a mbhanzu wa zimaho zakwe. 1 Sam. 16:7; Rom. 2:6; Kuv. 2:23

Jeremia 20:12

Kanilezi Jehova wa tiyimpi, loyi u ringako a valulamileko, Loyi u wonako a tiswa ni timbilu; Nzi ta wona loku u nzi photela ka vona, Hakuva nzi ku tivisile a mhaka ya mina. 1 Sam. 16:7; Jer. 11:20

Danieli 11:45

I ta gwimba matenda yakwe ya wuhosi xikari ka bimbi ni xitsunga xa kubasa leʼxo saseka nguvu. Kanilezi i taya gumelwa, a nga kona a to mu vunetela.

Mitiro 12:23

Khalakale a ngelosi ya Hosi yi lo muba, hilezi a nga mu nyikangi wudzunzo Nungungulu; i lo giwa hi ziwungwani, afa. 1 Sam. 25:38

Va le Roma 16:25

A ka yena loyi a zi kotako a ku mu tiyisa ka ivangeli leyi nzi yi kanelako, ni kugonziseni ka Jesu Kristu, ni kuvululwa ka fihlakalo lowu wu nga thumbetilwe xikhatini xa kaleloko, Xip. 2:16; 1 Kor. 2:7; Efe. 3:3, 5; Kol. 1:27

1 Va le Tesalonika 3:13

kasi yi fela ku tiyisa a timbilu ta nwina ti nga hi na kusoleka kubasisweni a mahlweni ka Nungungulu Dadani, a kuwuyeni ka Hosi ya hina Jesu zinwe ni vobasa vakwe vontlhe. Zak. 14:5; Juda 14

1 Pedro 5:10

A Nungungulu wa tipswalo tontlhe, loyi a nga mu vitanela a kungangameleni kakwe ka pinzukelwa ka Kristu, i ta mu mbhelelisa a mu tiyisa, ni ku mu nyika ntamu, anzhako ka kuva mu xanisekile a xikhatanyana. 1 Kor. 1:9; 2 Kor. 4:17; Maheb. 13:21

Juda 1:1

Mina Juda, nzi nga nanza ga Jesu Kristu, a nakulobye wa Jakobe, nza rungula lava va vitanilweko, va nga lava va ranzekako ka Nungungulu Dadani, va hlayiselweko Jesu Kristu, nziku: Lu. 6:16; Joh. 17:11; Rom. 1:7

Kuvululelwa 2:23

A vana vakwe nzi ta va daya hi kufa; zonake a mabandla wontihe ma ta zi tiva lezaku hi mina nzi hlolako tiswa ni timbilu, nzi ta nyika munwe ni munwani wa nwina khwatsi hi mitiro yakwe. 1 Sam. 16:7; Tis. 62:12; Rom. 2:6

1 Samueli 16:7

Kanilezi Jehova i te ngalo ka Samueli: U nga cuwuki nghohe yakwe hambu ni xiyimo xakwe, hakuva mina a nzi mu lavi. Jehova a nga cuwuki lezi a vanhu va zi cuwukako; hakuva a vanhu va cuwuka a nghohe, kasike Jehova i cuwuka mbilu. Deut. 10:17; Tis. 7:10; Miti. 10:34

1 Samueli 2:9

Wa hlayisa a mikonzo ya lava va kubasa vakwe, Kanilezi a vakubiha va ta lova lomu munyameni; Hakuva a munhu a nga ta humelela hi ntamu wakwe.