Tisimu 7:6 - Tshwa Bible

⁶ Vuka zangeni ya wena, Jehova; Suka u vukela a kuleva ka valala va mina, Suka u nzi yimela kulamuleni loku u ku yimisileko.

Tisimu 7:6 Mawu Ofanana

2 Samueli 17:14

Absalome ni vontlhe vavanuna va ka Israeli va te ngalo: A xikungo xa Huxai a muArke xi sasekile ku hunza xa Ahitofeli. Hakuva Jehova i wa xuvile ku chipisa a xikungo xa xinene xa Ahitofeli, kasi a khombo ga wela Absalome. Joba 5:12

Tisimu 103:6

Jehova wa yimela hi nongameto Vontlhe lava va tsimbeketilweko.

Tisimu 12:5

Hi kota ya kutsimbeketwa ka zisiwana ni kurila ka vavumali, Nzi ta vuka makunu, ku wula Jehova; Nzi ta ponisa loyi a zi langutelako.

Tisimu 138:7

Hambu nzi famba xikari ka zikarato, wena wa nzi hanyisa; U nawuluta canja ga wena u nzi vikela ka zanga ya valala va mina, A canja ga wena ga xinene ga nzi ponisa.

Tisimu 143:3

Hakuva a nala wa hlokisa muhefemulo wa mina, I kanzihele wutomi ga mina lahasi; I nzi susumetele munyameni kukotisa lava va fileko kale.

Tisimu 3:7

Vuka Jehova! nzi ponise, O Nungungulu wa mina! Hakuva hi wena u bako a marama ya valala va mina vontlhe, U tshova meno ya vakubiha.

Tisimu 35:1

Jehova, nzi yimele ka lava va nzi vukelako; Lwana ni lava va lwako na mina.

Tisimu 35:23

Vuka, u nzi yimela, u nzi lulamisela; Yimela a mhaka ya mina, wena Nungungulu wa mina ni Hosi ya mina.

Tisimu 44:23

Vuka, Hosi! hi yini u etlelako ke? Vuka, u nga hi hoxeli magumo. Mat. 8:24

Tisimu 44:26

Vuka, u hi vuna; Hi hlangute hi kota ya wunene ga wena!

Tisimu 59:5

Ina, wena Jehova, Nungungulu wa tiyimpi, Nungungulu wa Israeli, Vuka, u tsayisa vontlhe vamatiko; U ngave na wuxinji ka munwe wa vamahi va kubiha. (Sela.)

Tisimu 73:20

Khwatsi i noro loku hi vukile, Wena Hosi, loku u vuka u ta tlangamela xiwumbeko xabye.

Tisimu 74:3

Kongoma a milenge ya wena uya wutshanwini ga marumbi ga kale, A nala i gohile zontlhe wutshanwini ga wena go basa.

Tisimu 78:65

Zonake a Hosi yi lo khindlimuka khwatsi yi wa hi kuetleleni, Khwatsi hi nhenha yi kanyulukiswako hi byala.

Isaya 3:13

Jehova i vukile kasi ku wulawula, i yimile kasi ku lamula matiko.

Isaya 33:10

Makunu nzi ta vuka, ku wula Jehova; Makunu nzi ta ti tlakusa, nzi ti kulisa.

Isaya 37:20

Makunu Jehova, Nungungulu wa hina, hi ponise canjeni gakwe, kasi a matiko wontihe ya misava ma ta zi tiva lezaku wena wece u Jehova.

Isaya 51:9

Vuka, vuka! Ambala ntamu wena woko ga Jehova! Vuka, u kota kale, a xikhatini xa kaleloko. Xana a hi wena u nga mbhetisa Rahabi, Ni ku tlhava dragoni ke? Ekso. 14:27; 15:7, 10; Tis. 74:13