Tisimu 67:6 - Tshwa Bible

⁶ A misava yi humesile a mihanzu ya yona, Nungungulu, yena Nungungulu wa hina, i ta hi katekisa. Levi 26:4

Tisimu 67:6 Mawu Ofanana

Genesisi 17:7

Nzi ta tiyisa a xivumelwano xa mina zinwe na wena, ni ka pswalo wa wena anzhako ka wena ni ka zizukulwana za wena, xi tava xivumelwano xi nga gumesiko, nzi tava Nungungulu wa wena ni wa pswalo wa wena anzhako ka wena.

Tisimu 48:14

Hakuva Nungungulu loyi, i Nungungulu wa hina kala kupinzuka; I tava murangeli wa hina kala kufeni.

Eksodusi 3:15

Nungungulu a engeta aku ka Mosi: U ta va byela uku: Jehova, Nungungulu wa vararu va nwina, Nungungulu wa Abrahama, Nungungulu wa Isaka, Nungungulu wa Jakobe, i nzi rumele ka nwina. Hi vito ga mina ga kala kupinzuka; i vito ga xialakanyiso xa mina zizukulwaneni zontlhe.

Isaya 1:19

Loku mu vumela ku ingisa, mu taga lezi zo nanziha za tiko;

Jeremia 31:1

A xikhatini lexo, ku wula Jehova, nzi tava Nungungulu wa tontlhe tixaka ta ka Israeli, vona va tava vanhu va mina.

Jeremia 31:33

Kanilezi lexi hi xivumelwano nzi to xi maha ni yindlu ya ka Israeli Anzhako ka lawo masiku, ku wula Jehova: Nzi ta veka nayo wa mina nzeni kabye, Nzi wu tsala timbilwini tabye; Nzi tava Nungungulu wabye, Na vona va tava vanhu va mina. Ezek. 11:19; 2 Kor. 6:16

Levi 25:19

A misava yi ta humesa a mihanzu ya yona, mu taga mu xura, mu aka ka yona hi kurula.

Levi 26:4

zonake nzi ta mu nyika tivula hi zikhati za tona; ni misava yi ta humesa a pfuno wa yona, ni tisinya ta lomu masinwini ti ta pswala mihanzu ya tona.