Tisimu 62:9 - Tshwa Bible

⁹ Kunene, a vanhu va wulahasi a va nyawuli, Ni vanhu va hombe mbunwa ntsena; Loku va vekiwa xikalwini va hehuka ku hunza kuhefemula. Isa. 40:15, 17; Dan. 5:27

Tisimu 62:9 Mawu Ofanana

2 Samueli 15:31

Va lo byela Davida; vaku: Ahitofeli i lomu xikari ka lava va yimako na Absalome. Davida i te ngalo: Jehova, hunzula wusungukati ga Ahitofeli giva wupumbu! Joba 5:12

2 Samueli 15:6

Absalome i wa maha lezo ka vontlhe va ka Israeli lava va tako hosini ku ta lamulwa; zinghaho Absalome i lo ti kokela timbilu ta vanhu va ka Israeli.

2 Tihosi 19:14

Hezekia i lo amukela a papilo mandleni ya mitsumi a gi gonza; zonake i lo kanziha aya lomu ndlwini ya Jehova, a ya gi andlala mahlweni ka Jehova.

Tisimu 116:11

Nzi wula mahikeni ya mina, nziku: Vontlhe vanhu mbahembi. Rom. 3:4

Tisimu 118:9

Ku sasekile ku tsutsumela Jehova, Ku hunza ku tsumba tihosana.

Tisimu 142:3

Laha a moya wa mina wu nga ni gome nzeni ka mina, Hi wena loyi u tivako ndlela ya mina. Va vekile ziyo laha ndleleni nzi fambako ha yona.

Tisimu 39:11

Loku u tsayisa munhu hi kota ya kubiha, U maha wukosi gakwe gi mbhela khwatsi hi loku gi giwa hi tisumba; Kunene, vanhu vontlhe kuhefemula ntsena. (Sela.)

Tisimu 39:5

U mahile a masiku ya mina a ku khwatsi hi kuanama ka canja; A xikhati xa kuhanya ka mina a hi nchumu mahlweni ka wena; Kunene, ni wihi munhu, hambu loku a tiyile, kuhefemula ntsena. (Sela.)

Tisimu 46:2

Hi kota ya lezo hi nga ta chava hambu loku misava yi hunzulwa, Ni loku zitsunga zi ninginiswa giwa bimbini.

Tisimu 71:7

Mina nzi masingita ka vanyingi, Kanilezi wena u wuchavelo ga mina ga ntamu.

Isaya 26:4

Tsumbani Jehova kala ku pinzuka, Hakuva Jehova Jehova i ribye ga pinzukelwa. Deut. 32:4; Tis. 18:2

Isaya 40:15

Langutani, a matiko me khwatsi i dona ga mati gi donelako fukweni, Ma ku khwatsi i tshuri wa lomu xikalwini; Ni matiko ya laha bimbini ma fanana ni tsutsungwani laha ndengelengeni.

Isaya 40:17

Langutani, wontihe matiko a hi nchumu mahlweni kakwe, A hi ya manyawu mahlweni kakwe, a ma hlayiwi nchumu.

Danieli 5:27

Tekel, U kalilwe xikalwini, u kumeka na u hehuka.

Mateu 21:9

Ni zidlemo lezi zi nga rangile ni lezi zi nga lanzela, zi lo kanyuluka, ziku: Hozana ka Nʼwana Davida; a ku khesiwe yena loyi a tako vitweni ga Hosi; Hozana ka le hehla-hehla. Tis. 118:26; Xip. 23:39

Johani 19:15

Va lo kanyuluka, vaku: Mu suse, mu suse, mu belele! Pilatu aku kabye: Nzi belela a hosi ya nwina ke? A vapristi va hombe va lo hlamula, vaku: A hi na hosi saseka Kesari. Gen. 49:10

Va le Roma 3:4

Kokwihi! Ngha Nungungulu a kumiwa na a lulamile, hambu loku vanhu vontlhe va kumiwa na va hi vahembi; kota lezi ku tsalilweko ku ngalo: Kasi u fela ku kumeka na u lulamile timhakeni ta wena, U hlula loku uya kulamulweni. Joba 40:8; Tis. 51:4; Joh. 3:33

1 Samueli 1:15

Hana a hlamula, aku: Kokwihi, hosi yanga! Nzi wasati wa ku karateka mbilwini. A nzi nwangi vinya hambu byala, kanilezi nzo chulula a muhefemulo wa mina mahlweni ka Jehova.

1 Samueli 18:5

Davida i wa humahuma aya kontlhe lomu a nga wa rumiwa hi Saule, na a hi munhu wo ti lonzowota. Saule i lo mu yimisa a kuva nduna ya vanhu va yimpi. I lo xalalisa vontlhe vanhu, hambu ni malanza ya Saule.

1 Samueli 18:7

A vavasati lavo va wa kari va kina na va yimbelela, vaku: Saule i dele 1,000, Kanilezi Davida i dele 10,000!

1 Samueli 23:12

Zonake Davida aku: A vanhu va lomu Keila va ta nzi nyikela ni vanhu va mina mandleni ya Saule ke? Jehova aku: Va ta mu nyikela.