Tisimu 62:10 - Tshwa Bible

¹⁰ Mu nga tsumbi tihanyi, Ge hambu ku ti kulisa hi wukhamba; Loku kufuma ku enzeleka, mu nga zi khataleli. Joba 31:24; Lu. 12:16; 1 Tim. 6:17

Tisimu 62:10 Mawu Ofanana

Joba 20:19

Hakuva i tsimbeketile a zisiwana, a zi tsika, I wutlile a tiyindlu, a nga zi koti ku ti akisa.

Joba 20:29

Lexo hi xona a xiavelo xa wa kubiha xi tako hi ka Nungungulu, Ni tshomba yi nyikilweko kakwe hi Nungungulu.

Tisimu 39:6

A munhu wa famba a ku fanana ni xiruti, A ti karata mahala; Wa hlengeletela, kanilezi a nga zi tivi lezaku zi ta giwa hi mani. Joba 8:9; 14:2; Mutsa. 2:18, 21

Tisimu 4:3

Tivani lezaku Jehova i ti hlawulele a munhu nene; Jehova i ta nzizwa loku nzi vitana ka yena.

Tisimu 49:6

Va tsumba a kufuma kabye, Va ti kulisa hi wunyingi ga titshomba tabye.

Tisimu 52:7

Hi nga wona munhu loyi a nga tekangiko Nungungulu a kuva khokhola gakwe, A tsumba ntsena a wunyingi ga titshomba takwe, A ti tiyiseta lomu kubiheni kakwe.

Tisimu 91:14

Khwatsi hilezi a nzi ranzako, nzi ta mu tlhatlhisa, Nzi ta mu hlayisa hakuva i tivile a vito ga mina.

Mavingu 23:5

U ta cuwukela lezi zi hunzako ke? akuva a wukosi ga mila tipapa, i puruma kukotisa gama giya tilweni.

Isaya 28:15

Hilezi mu nge ngalo: Hi mahile xivumelwano ni kufa, Hi zwanana ni Xeoli; Hambu loku a tsayiselelo wu kukuleta ku fanana ni ntalo, Wu nga ta hi chikelela, Hakuva a mawunwa hi ma mahile wuchavelo ga hina, Hi fihlala lahasi ka kukhohlisa.

Isaya 30:12

Hikwalaho a Wa ku Basa wa ka Israeli e ngalo: Kota lezi mu kanyisako a mhaka leyi, mu tsumba kutsimbeketa ni kubiha, mu namarela ka zona,

Isaya 40:15

Langutani, a matiko me khwatsi i dona ga mati gi donelako fukweni, Ma ku khwatsi i tshuri wa lomu xikalwini; Ni matiko ya laha bimbini ma fanana ni tsutsungwani laha ndengelengeni.

Isaya 40:17

Langutani, wontihe matiko a hi nchumu mahlweni kakwe, A hi ya manyawu mahlweni kakwe, a ma hlayiwi nchumu.

Isaya 47:10

Hakuva u ti tsumbile kubiheni ka wena, uku: A nga kona a nzi wonako! A wutlhari ga wena ni wutivi ga wena gi ku hambukisile. Ute mbilwini ya wena: Hi mina nzoce, a nga kona munwani.

Isaya 59:4

A ku na munhu a yimelako ku lulama, A nga kona a ti hlamulelako hi zinene. Va tsumba za hava, va wulawula mawunwa; Va xura nyimba ya kukhohlisa, va pswala kubiha.

Isaya 61:8

Hakuva mina Jehova nzi ranza lezi zi lulamileko, Nzi venga kuphanga ku mahiwako hi kanu; Nzi ta va nyika hi kutsumbeka a nchachazelo wabye, Nzi ta maha navo a xivumelwano xa pinzukelwa.

Jeremia 13:25

Lexi hi xiavelo xa wena lexi u ringaniselweko hi mina, Ku wula Jehova; Hakuva u nzi rivele, u tsumba mawunwa.

Jeremia 17:11

Khwatsi hi hwari leyi yi kuhlehelako a manza lawa yi nga ma tsikelangiko, Zinghaho ni loye a hlengeletelako a kufuma handle ka nongameto; Na hi xikari ka masiku yakwe i ta ku tsika, Ni kugumeseni kakwe i tava muhunguki.

Marku 10:23

Jesu i lo lunguza, aku ka vapizani vakwe: Zi tsanzisa kuyini ka lava va fumileko a ku enghena mufunweni wa Nungungulu! Mat. 19:23; Lu. 18:24

1 Timote 6:10

Hakuva a ku ranza mali hi mutsu wa tixaka tontlhe ta kubiha; a vanwani hi ku yi navela va pengile kukholweni, va ti phoroketile hi kuxaniseka kunyingi. Ekso. 23:8

1 Timote 6:17

Laya vona lava va fumileko laha misaveni, lezaku va nga ti kukumukisi, va nga tsumbi kufumeni ku nga tiyangiko, kanilezi va tsumba Nungungulu, loyi a hi nyikako zilo zontlhe hi matsenya lezaku hi tsaka ha zona.