Tisimu 61:4 - Tshwa Bible

⁴ Nzi ta tshama tendeni ga wena kala kupinzuka; Nzi ta chavela kufihlaleni ka tipapa ta wena. (Sela.) 2 Sam. 7:11

Tisimu 61:4 Mawu Ofanana

Tisimu 15:1

Jehova, himani a ta nga luvela tendeni ga wena? Himani a ta nga aka le xitsungeni xa wena xi basileko ke?

Tisimu 17:8

Nzi hlayise ku khwatsi i nzololoya tihlo, U nzi fihla nzhutini wa tipapa ta wena,

Tisimu 23:6

Hizinene, a kusaseka ni wuxinji ku ta nzi lanzisela A masiku wontihe ya kuhanya ka mina; Nzi ta tshama ndlwini ya Jehova kala kupinzuka.

Tisimu 27:4

Xilo xinwe nzi kombelako ka Jehova, nzi ta lava lexo: Hi lezaku nzi tshama ndlwini ya Jehova a masiku wontihe ya kuhanya ka mina, Kasi nza wona a kusaseka ka Jehova, nzi languta tempeli yakwe.

Tisimu 57:1

Nzi zwele wuxinji, Nungungulu, nzi zwele wuxinji, Hakuva a muhefemulo wa mina wu chavela ka wena; Ina, nzi ta chavela nzhutini wa tipapa ta wena, Kala ma hunza makhombo laya.

Tisimu 61:7

Yi ta tshama xitshanwini xakwe xa wuhosi mahlweni ka Nungungulu kala kupinzuka; Ngha a tipswalo ni kululama zi mu gongola.

Tisimu 62:7

A kuhanyiswa ka mina ni wudzunzo ga mina zi ka Nungungulu; A ribye ga ntamu wa mina, ni wuchavelo ga mina zi le ka Nungungulu.

Tisimu 63:7

Hakuva wena u muvuneteli wa mina, Nzi tsaka lomu nzhutini wa tipapa ta wena.

Tisimu 90:1

Hosi, u wa hi wutshamu ga kuaka ka hina, A ka xizukulwana ni xizukulwana.

Tisimu 91:1

Yena loyi a tshamileko xihundleni xa loyi a Hunzeleleko Kutlakuka, A humula nzhutini wa Nyamintamu,

Tisimu 91:4

I ta ku fenengeta hi tisiva takwe, U kuma wuponelo lahasi ka tipapa takwe; A kutsumbeka kakwe xitlhangu ni ngenge. Mat. 23:37

Tisimu 92:13

Lava va byalilweko ndlwini ya Jehova, Va ta anza lomu hubyeni ya Nungungulu wa hina.

Mavingu 18:10

A vito ga Jehova i khokhola go tiya; oyi a lulamileko wa chavela ka gona a pona.

Mateu 23:37

Jerusalema, Jerusalema, loyi u dayako vaprofeti, ni ku gandla hi maribye lava va rumelweko ka wena! Zikhati zingani nzi nga lava ku wungeletela a vanana va wena, kota a pswele gi wungeletelako a zihukwana za gona lahasi ka tipapa ta gona, kanilezi a mu vumelangi. Deut. 32:11; Tis. 17:8; Lu. 13:34

Maheberu 6:18

lezaku kasi hi zilo lezi zimbiri zi nga hiko na kuhunzuluka, lezi Nungungulu a nga zi kotiko ku hemba ha zona, hina hi fela kuva ni kutiyiswa ka ntamu, hina lava hi tsutsumeleko wuponelweni ku ta khoma a kutsumba loku ku vekilweko mahlweni ka hina.

Kuvululelwa 3:12

Loyi a hlulako nzi ta mu maha mhanze tempeleni ya Nungungulu wa mina, zonake a nga ta huma kona kambe. Nzi ta tsala hehla kakwe a vito ga Nungungulu wa mina, ni vito ga muti wa Nungungulu wa mina, ga Jerusalema giswa, legi gi relelako hi le tilweni ka Nungungulu wa mina, ni vito legi giswa ga mina wutsumbu. Xip. 22:4; 1 Tih. 7:21; Maheb. 12:22

Rute 2:12

Jehova a ku tlhelisele mitiro ya wena, u amukela nchachazelo wa hombe hi ka Jehova Nungungulu wa ka Israeli, loyi u tileko hasi ka tipapa takwe kasi ku ta kuma wuponelo. Tis. 17:8; Mat. 23:37