Tisimu 59:5 - Tshwa Bible

⁵ Ina, wena Jehova, Nungungulu wa tiyimpi, Nungungulu wa Israeli, Vuka, u tsayisa vontlhe vamatiko; U ngave na wuxinji ka munwe wa vamahi va kubiha. (Sela.)

Tisimu 59:5 Mawu Ofanana

Genesisi 33:20

Laho i lo aka a alati, i lo gi chula ku ngalo hi El-Elohe-Israeli.

Tisimu 54:3

Hakuva a vamatiko va nzi vukela, A zigevenga va hlota wutomi ga mina; Cima a va cuwukeli Nungungulu hi mahlo yabye. (Sela.)

Tisimu 55:15

Ngha kufa ku va tela hi xitshuketi, Va relela vaya Xeole na va ha hanya; Hakuva a kubiha ku lomu tindlwini tabye ni xikari kabye. Mitse. 16:33

Tisimu 7:7

A hlengeletano wa vamatiko a wu ku ranzele, Zonake tlakukela hehla ka vona u tlhelela tilweni.

Tisimu 80:4

Jehova, Nungungulu wa tiyimpi, Ku ta kala kuva rini na wa ha zangarela a mikombelo ya tiko ga wena?

Tisimu 84:8

Jehova, Nungungulu wa tiyimpi, ingisa kukhongela ka mina, Kangatela a ndleve, Nungungulu wa Jakobe. (Sela.)

Tisimu 9:15

A vamatiko va wele rinzini legi va nga gi kela; A milenge yabye yi phasilwe hi ntlhamu lowu va wu dembileko. Joba 18:8; Mav. 26:27

Eksodusi 20:5

U nga zi khizameli, hambu ni ku zi tirela; hakuva mina Jehova, Nungungulu wa wena, nzi Nungungulu wo pinyama, loyi a tsayisako a vanana hi kota ya zionho za vapswali vabye, kala ka xizukulwana xa wunharu ni xa wumune xa lava va nzi vengako; Deut. 24:16; Jer. 31:29; Ezek. 18:19

Eksodusi 3:15

Nungungulu a engeta aku ka Mosi: U ta va byela uku: Jehova, Nungungulu wa vararu va nwina, Nungungulu wa Abrahama, Nungungulu wa Isaka, Nungungulu wa Jakobe, i nzi rumele ka nwina. Hi vito ga mina ga kala kupinzuka; i vito ga xialakanyiso xa mina zizukulwaneni zontlhe.

Isaya 1:10

Zwanani mhaka ya ka Jehova nwina vafumeli va Sodoma; ingisani nayo wa Nungungulu wa hina, nwina vanhu va Gomora.

Isaya 27:11

Loku maravi ma womile, ma ta tshobyiwa, A vavasati va ta va dzivela nzilo ha wona; Hakuva i tiko gi nga tlharihangiko, Hikwalaho a muvangi wa gona a nga ta gi zwela wusiwana, Ni loyi a nga va wumba a nga ta va mahela tipswalo.

Jeremia 18:23

Kanilezi wena Jehova wa gi tiva A kungo gabye gontlhe go hlota ku nzi daya; U nga tsetseleli a kubiha kabye, Hambu a ku vinya a xionho xabye mahlweni ka wena; A va khunguvanyeka mahlweni ka wena, Va mahele lezi xikhatini xa zanga ya wena.

Danieli 6:7

A tinduna tontlhe ta mufumo, a vatongi ni tihosana, a masungukati ni vamwamangulu, va tlhangene va boha xikungo xaku a hosi ngha yi yimisa a nayo wu tiyileko, waku ni wihi a ta nga kumiwa na a khongela ka nungungulu munwani, kutani ka munhu munwani xikari ka 30 wa masiku, ahandle ko khongela ka wena hosi, i ta hoxwa nkeleni wa tinghala.

Amosi 9:7

Ka mina a mu fanani ni vana va maEtiopia ke, nwina vana va ka Israeli? ku wula Jehova. A nzi humesangi Israeli tikweni ga Gipite, ni maFilistia tikweni ga Kaftori, ni maSiria tikweni ga Kire ke? Gen. 10:14; Deut. 2:23; Am. 1:5

Va le Roma 9:6

Kanilezi a hi ku khwatsi a mhaka ya Nungungulu yi tsanzekile; hakuva a vaIsraeli a hi vona vontlhe va nga huma hi ka Israeli. Gal. 6:16

Jakobe 2:13

Hakuva loyi a nga mahangiko wuxinji a nga ta mahelwa wuxinji kulamuleni; kanilezi a wuxinji gi ta ti kulisa hehla ka kulamula. Mav. 21:13; Mat. 6:15