Tisimu 59:13 - Tshwa Bible

¹³ Va lovise zangeni ya wena, u va lovisa lezaku va nga have kona; Ngha va tiva lezaku Nungungulu wa fumela Jakobe, Ni le magemeta-musi ya misava. (Sela.)

Tisimu 59:13 Mawu Ofanana

2 Tihosi 19:19

Hikwalaho Jehova Nungungulu wa hina, hi ponise mandleni ya Senakeribe, kasi a mifumo yontlhe ya misava yi fela ku zi tiva lezaku wena hi wena wece Jehova Nungungulu.

Tisimu 10:7

A nomu wakwe wu tele hi hlamba, ni kukhohlisa ni kutsimbeketa; Ku na ni kukhohlakala ni kubiha lahasi ka lirimi lakwe. Rom. 3:14

Tisimu 104:35

A vaonhi a va lobyiswe laha misaveni, A vakubiha ngha va ngave kona kambe. Khesa Jehova, muhefemulo wanga! Dumisani Jehova!

Tisimu 109:17

I lo ranza nzhukano, a tlhela a welwa ha wona; A nga tsakangi ku katekisa, a zikatekiso a zive kule na yena.

Tisimu 59:11

U nga va dayi, a tiko ga mina gi nga dzuka gi zi rivala; Va hangalasa hi ntamu wa wena, u va wisa lahasi, Hosi, xitlhangu xa hina.

Tisimu 64:9

A vanhu vontlhe va ta chava, Va ta tlhatlhambutela mitiro ya Nungungulu, Va alakanya lezi a zi tirileko.

Tisimu 7:9

Ngha ku mbhela a kubiha ka va nga lulamangiko; Kanilezi u tiyisa laʼvo lulama; Hakuva wena Nungungulu u lulamile, wa hlolisisa timbilu ni tiswa. 1 Sam. 16:7; Joba 7:17; Kuv. 2:23

Tisimu 83:18

Kasi va fela ku tiva lezaku hi wena wece u nga ni vito ga Jehova, Loyi a Hunzeleleko Kutlakuka misaveni yontlhe.

Mavingu 12:13

Loyi wa kubiha i phasiwa hi kugoha ka nomu wakwe; anilezi a va kululama va ta pona zikaratweni.

Isaya 54:5

Hakuva a Muvangi wa wena hi yena nuna wa wena, Leyi a nga Jehova wa tiyimpi a vito gakwe; Loyi a Basileko wa ka Israeli Mutiruli wa wena, A ta nga vitanwa lezaku i Nungungulu wa misava yontlhe. Rom. 3:29

Ezekieli 38:23

Nzi ta ti kulisa, nzi ti basisa, nzi ti tivekisa mahlweni ka matiko manyingi; va ta zi tiva lezaku hi mina Jehova.

Ezekieli 39:7

Nzi ta maha a vito ga mina ga kubasa gi tibyiwa xikari ka tiko ga mina Israeli; cima nzi nga ta ha tsika a vito ga mina ga kubasa gi nyenyeziswa kambe. A matiko ma ta zi tiva lezaku hi mina Jehova, Loyi wa ku Basa wa ka Israeli.

Danieli 4:25

U ta hlongolwa xikari ka vanhu u ya tshama ni zihari za khwati, uga byanyi ku fanana ni tihomu, u tsakamiswa hi mbhera ya le tilweni, kala ku hunza a ntlhanu wa zikhati ni zimbiri, kala u zi tiva lezaku Loyi a Hunzeleleko Kutlakuka i fumela a mifumo ya vanhu, a yi nyika ni wihi a mu ranzako.

Mitsengo 32:13

Zinghaho a zanga ya Jehova yi lo vindlukela a va ka Israeli, a va tlhelisa vaya nzulanzula lomu xiwuleni 40 wa malembe, kala ku mbhela xontlhe lexo xizukulwana xi mahileko kubiha mahlweni ka Jehova.