Tisimu 53:6 - Tshwa Bible

⁶ O, loku ku wo khwatsi a kuhanyisa ka Israeli ku wa ta huma hi le Zioni! Laha Nungungulu a tlhelisako vanhu vakwe hi le kukhonweni; Zonake Jakobe i ta tsaka, na Israeli i ta nengela. Gen. 49:18; Lu. 10:24

Tisimu 53:6 Mawu Ofanana

Ezra 3:11

Zonake vontlhe va lo yimbelela, va dumisa, va bonga Jehova, vaku: Hakunene, i nene, hakuva a kuranza ka wunene gakwe ka Israeli ku simamile kala kupinzuka. A vanhu vontlhe va lo kanyuluka va maha guwa ga hombe hi ku dumisa Jehova, hakuva ku wa akilwe a xiseketelo xa yindlu ya Jehova.

Nehemia 12:43

Lego siku va lo nyikela miphahlo ya hombe, va tsaka, hakuva Nungungulu i wa va nyikile litsako la hombe; a vavasati ni vanana va lo tsakawu. Hikwalaho a litsako la Jerusalema ku lo zwala kule.

Joba 42:10

Zonake Jehova i lo tlhatlhisa Joba wukhumbini gakwe anzhako na a kombelele vanghana vakwe; na Jehova i lo anzisa ha kumbiri lezi Joba a nga wa hi nazo.

Tisimu 14:7

O, loku ku wo khwatsi a kuhanyisa ka Israeli ku wa ta huma hi le Zioni! Laha Jehova a tlhelisako vanhu vakwe hi le kukhonweni, Zonake Jakobe i ta tsaka, na Israeli i ta nengela. Tis. 126:1; Mat. 1:21

Tisimu 50:2

Nungungulu i lo hatima hi le Zioni, Laha ku hunzeleleko kusaseka.

Tisimu 85:1

Jehova, u katekisile a tiko ga wena, U wuyisile a vakhomilweko va Jakobe.

Mavingu 28:1

A va kubiha va tsutsuma na va nga hlongolwi hi munhu; anilezi lava va lulamileko va tiya kota xinghalana. Levi 26:36

Isaya 12:6

Kanyulukani, mu kwanguluka, nwina vaaki va Zioni, Hakuva ngwa hombe a Basileko wa ka Israeli xikari ka nwina.

Isaya 14:32

Va ta hlamula yini ka mitsukano ya maFilistia? Va taku: Jehova i akile xiseketelo xa Zioni, A va tsimbeketilweko xikari ka vanhu vakwe va ta chavela kona.

Jeremia 30:18

Jehova i ngalo: Nzi ta wuyisa a vakhonwi va matenda ya Jakobe, Nzi ta zwela wusiwana wuakelo gakwe; A muti wu ta akiswa nhulwini ya wona, A yindlu ya wuhosi yi ta tshama kota kutolovela.

Jeremia 31:23

Jehova wa tiyimpi, Nungungulu wa Israeli, i ngalo: Va ha ta wula gezu legi a tikweni ga Juda ni lomu mitini yabye, loku nzi wuyisile lavava nga wukhumbini, vaku: Jehova a ku katekise, wena wuako ga nongameto, Wena xitsunga xi basileko!

Joeli 3:1

Hakuva masikwini lawo, ni ka xikhati lexo nzi ta tlhelisela a vabohiwa va ka Juda ni va le Jerusalema.

Levi 26:17

Nzi ta mu cuwukisa hi mahlo ya makayi, mu ta dawa hi valala va nwina, mu fumelwa hi lava va mu vengako; zonake mu ta tsutsuma na ku nga hi na muhlongolisi. Joba 36:12; Mav. 23:1

Levi 26:36

Kasike lava va ta nga pona, nzi ta va maha va tsemeka mihlana lomu matikweni ya valala vabye. A guwa ga tluka gi ta va hlongola, va tsutsuma khwatsi hi loku va tsutsuma mahlweni ka matlhari, va tawa na va nga hlongolwi hi munhu. Isa. 30:17

Amosi 9:14

Nzi ta tlhelisela a vabohiwa va vanhu va mina va Israeli, va ta aketa a miti leyi yi nga hi marumbi va tshama ka yona; va ta byala zivina, vanwa a vinya ga zona; va rima masimu, vaga a mihanzu ya wona. Deut. 28:30, 39; Am. 5:11