Tisimu 51:8 - Tshwa Bible

⁸ Maha mina nzizwa a kutsaka ni kunengela, Kasi a marambu laya wena u ma tshovileko ma fela ku tsaka.

Tisimu 51:8 Mawu Ofanana

1 Kronekele 29:17

Nungungulu wa mina, nza zi tiva lezaku wena wa hlola a mbilu, ni lezaku wena u xalaliswa hi kululama. Loku ku hi mina, nzi nyikele zontlhe lezi zilo hi kutsaka ka mbilu ya mina; ni kambe a vanhu va wena lava va nga laha, nzi va wonile hi kutsaka loku va humesa a minyikelo yabye.

Tisimu 13:5

Mina nzi tsumbile a wuxinji ga wena, A mbilu ya mina ya nengela kuhanyisweni ka wena.

Tisimu 30:11

Lezo u hunzule a kurila ka mina kuva kukina, Wena u nzi tlhatlhile a nguwo ya xirilo, u nzi ambexa hi litsako,

Tisimu 35:10

A marambu ya mina wontihe ma taku: Jehova, himani a fananako na wena, Loyi a tlhatlhisako a xisiwana ka loyi a mu tlulako hi ntamu, Ina, loyi a tsimbeketilweko ni muvumali a ka loyi a mu wutlelako ke?

Tisimu 38:3

A ku na wutomi mirini wa mina hi kota ya zanga ya wena; A ku na kuhanya marambyini ya mina hi kota ya xionho xa mina.

Isaya 35:10

Ina, lava va tirulweko hi Jehova va ta tlhela, Vaya Zioni hi tisimu ta litsako; A kutsaka ka pinzukelwa ku tava tihlokweni tabye, Va ta kuma makatekwa ni litsako, A hlomulo ni kutsikwila zi ta tsutsuma. Joh. 16:22; Kuv. 21:4

Jeremia 5:3

O Jehova, xana a mahlo ya wena a ma cuwukeli a zinene ke? Wena u va bile, kanilezi a va zwangi kubayisa. U va lovisile, kanilezi a va vumelangi ku layiwa. Va nonohisile a tinghohe tabye a ku hunza ni ribye, Va ala ku hunzuluka. Isa. 1:5; 9:13

Mateu 5:4

Va katekile lava va rilako, hakuva va ta chavelelwa.

Luka 4:18

A Moya wa Hosi wu le hehla ka mina, Hakuva yi nzi totile a kuva nzi kanela a mahungu yo saseka ka lava va vumalako; Yi nzi rumile a kuba hungu hi kutlhatlhiswa ka laʼva bohilweko, Ni kutlheliselwa kuwona ka zikhumu, Ku tlhatlhisa lava va giswako mbhukutsa, Isa. 61:1