Tisimu 51:12 - Tshwa Bible

¹² Nzi tlhelisele a kutsaka ka kuhanyisa ka wena, U nzi tiyiseta hi moya wu vumelako. Rom. 8:15

Tisimu 51:12 Mawu Ofanana

Tisimu 119:133

Tiyisa milenge ya mina mhakeni ya wena, U nga vumeli ni kugoha kunwe ku nzi fumela.

Tisimu 13:5

Mina nzi tsumbile a wuxinji ga wena, A mbilu ya mina ya nengela kuhanyisweni ka wena.

Tisimu 17:5

Nzi namarele tindleleni ta wena, A mikonzo ya mina a yi retemuki. Joba 23:11; Tis. 18:36

Tisimu 19:13

Hlayisa a nanza ga wena ka zionho lezi zi tiriwako ha womu, Lezaku zi nga fumi hehla ka mina. Zonake nzi nga tava ni nanzu wa kuonha ka hombe.

Tisimu 21:1

Jehova, a ntamu wa wena wa tsakisa hosi; Wa tsaka nguvu hi kuhanyisa ka wena.

Tisimu 24:4

Hi loye a nga ni mandla ma basileko, ni mbilu yi hlazekileko; Loye a nga nyiketeliko muhefemulo wakwe mawunweni, Loye a nga hlambanyiko hi kukhohlisa. Mat. 5:8

Tisimu 35:9

Zonake a muhefemulo wa mina wu ta tsakela Jehova; Wunengela hi kota ya kuhanyisa kakwe.

Isaya 41:10

U nga chavi, hakuva nzi na wena; U nga mbheli ntamu, hakuva nzi Nungungulu wa wena! Nzi ta ku tiyisa, nzi ku vunetela; Nzi ta ku seketela hi canja ga mina ga xinene ga kululama.

Isaya 49:13

Tlhavani zizimba nwina matilo! tsaka wena misava, Bhumani nwina zitsunga, hakuva Jehova i tangalisile a vanhu vakwe, I zwele wusiwana a ka vakwe lava va hlokiswako.

Isaya 61:10

Nzi ta tsaka nguvu ka Jehova, A muhefemulo wa mina wu ta tsakela Nungungulu wa mina, Hakuva i nzi ambexile a nguwo ya kuhanyisa, A nzi fenengeta hi nguwo ya kululama Khwatsi hi muyeni a ti bombisako hi xidlodlo, Ni kukotisa a muswika a ti bombisako hi tinzalama. Hab. 3:18; Lu. 1:47; Kuv. 3:5

Jeremia 10:23

O Jehova, nza zi tiva lezaku a ndlela ya munhu a yi le ntanwini wakwe, Kambe a munhu a nga zi koti ku lulamisa a mazambo yakwe.

Luka 1:47

Ni moya wa mina wa tsaka ha Nungungulu a Muhanyisi wa mina;

Va le Roma 14:4

Hi wena mani loyi u lamulako a nanza ga munwani ke? Loku gi yima, kutani gawa, i mhaka ya nwinyi wa gona. Ina, gi ta yima, hakuva a Hosi yi na ni ntamu ku gi yimisa. Jak. 4:12

Va le Roma 8:15

Hakuva a mu amukelangi a moya wa wukhumbi lezaku mu tlhela mu chava; kanilezi nwina mu lo amukela a moya wa wunʼwana, lowu hi vitanako ha wona, hiku: Abba! Dadani! Isa. 56:5; 2 Tim. 1:7; Maheb. 2:15

2 Va le Korinte 3:17

A Hosi hi wona Moya, ni laha wu nga kona a Moya wa Hosi, ku kona kutlhatlheka.

1 Pedro 1:5

nwina lava mu hlayiswako hi ntamu wa Nungungulu hi kukholwa, kasi ma kuma a kuhanyiswa loku ku longileko ku wonekeliswa xikhatini xo gumesa. Joh. 10:28

Juda 1:24

Makunu loyi a nga ni ntamu wo mu hlayisa kasi mu nga khunguvanyeki, a mu yimisa na mu nga hi na nanzu mahlweni ka kungangamela kakwe na mu kari mu tsaka, Efe. 3:20; Kol. 1:22