Tisimu 50:7 - Tshwa Bible

⁷ Vanhu va mina, ingisani nzi ta wulawula; Israeli, nzi ta kustumunya nzi ku vukela; Mina nzi Nungungulu, a Nungungulu wa wena.

Tisimu 50:7 Mawu Ofanana

1 Tihosi 18:39

Laha vontlhe vanhu va nga wa zi wona, va lowa hi tinghohe tabye, vaku: Jehova i Nungungulu! Jehova i Nungungulu!

2 Tihosi 17:13

Kasike Jehova i wa va byelile va ka Israeli ni va ka Juda hi vaprofeti vakwe, ni vontlhe vawoni vakwe: aku: Tlhelani lomu tindleleni ta nwina to biha, mu hlayisa zileletelo za mina ni milayo ya mina, khwatsi hi lezi nzi leleteleko vararu va nwina yontlhe milayo, kotisa lezi nzi rumileko a malanza ya mina, va nga vaprofeti.

2 Kronekele 28:5

Hikwalaho Jehova Nungungulu wakwe i lo mu nyikela mandleni ya hosi ya Siria; a vaSiria va mu hlasela, va khoma a vanhu vakwe vo tala va va yisa le Damasku. I lo nyikelwa kambe mandleni ya hosi ya va ka Israeli a hlaselwa nguvu hi yena:

Tisimu 49:1

Zwanani timhaka leti, nwina matiko, Dembani ndleve, nwina nwentlhe vaaki va misava.

Tisimu 81:8

Ingisa, tiko ga mina, nzi ku luleka; Israeli, loku ku wo khwatsi u wa nzi ingisa!

Tisimu 81:9

Ku nga tava ni munwani nungungulu ka wena, U nga khizameli a nungungulu wamatiko. Ekso. 20:2

Eksodusi 20:2

Hi mina Jehova, Nungungulu wa wena, loyi a ku humesileko tikweni ga Gipite, a ndlwini ya wukhumbi.

Isaya 1:18

Tanani, hi wulawulisana timhaka, ku wula Jehova. Hambu loku zionho za nwina zi pswhukile, zi nga basa khwatsi i gapongo; hambu loku zi pswhukisile ku zirila, zi nga ku khwatsi i woya go basa.

Jeremia 2:9

Hikwalaho nza ha ta mu kecara, ku wula Jehova, Ni kala ka vazukulu va nwina nzi ta va kecara.

Ezekieli 20:5

uku ka vona: Hosi Jehova i ngalo: A siku legi nzi nga hlawula ha gona Israeli, nzi lo hlambanya ka pswalo wa yindlu ya ka Jakobe, nzi ti tivekisa kabye lomu tikweni ga Gipite, nziku: Hi mina Jehova a Nungungulu wa nwina. Ekso. 6:8; Deut. 7:6

Ezekieli 20:7

Nzi te ngalo kabye: A munhu ni munhu a cukumete a manyalataniso ya mahlo yakwe, mu nga ti nyenyezisi hi zifananiso za Gipite, hi mina Jehova a Nungungulu wa nwina.

Zakaria 13:9

A xipanze lexi xa wunharu nzi ta xi enghenisa nzilweni, nzi va basisa ku fanana ni siliva yi nyekisilweko, nzi va ringa ku fanana ni nzalama. Va ta khongela vitweni ga mina, nzi va ingisa. Nzi taku: Vona mbanhu va mina. Vona vaku: Jehova i Nungungulu wa hina. Mal. 3:3; Joh. 20:28; 1 Ped. 2:6

Malaki 3:5

Nzi ta tshinela ka nwina a ku ta lamula. Nzi tava kustumunyu yi hatlisako ku vukela zitumbe, ni zibhayi, ni lava va hlambanyako hi mawunwa, ni lava va kanganyisako a xitiri hakhelweni ya xona, ni lava va tsimbeketako tinoni ni zisiwana, ni lava va gohako a mhaka ya muluveli, ni lava va nga nzi chaviko, ku wula Jehova wa tiyimpi. Ekso. 22:21; Levi 19:12; Deut. 14:17